Şəhid Raquf Orucovun xatirəsinə həsr olunmuş tədbir keçirilib
Tarix: 11.07.2017 | Saat: 18:29:00 | E-mail | Çapa göndər


Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin dəstəyi, “ASAN Könüllüləri” Təşkilatının təşkilatçılığı ilə şəhid polkovnik-leytenant Raquf Orucovun xatirəsinə həsr olunmuş tədbir keçirilib.
Tədbirdə əvvəlcə şəhidlərin xatirəsi bir dəqiqəlik sükutla yad edilib. Daha sonra şəhid polkovnik-leytenant Raquf Orucova həsr olunmuş film nümayiş olunub.
Çıxış edən Ağdam rayon İcra Hakimiyyəti başçısının müavini Arzu Rəhimova Raquf Orucovla bağlı xatirələrindən danışaraq onun mərd, qəhrəman və vətənini canından çox sevən bir komandir olduğunu bildirib.
Daha sonra çıxış edən keçmiş döyüşçü və jurnalist Rey Kərimoğlu Qarabağ uğrunda döyüşmüş qəhrəmanların gələcək nəslə tanıdılmasında bu cür tədbirlərin müstəsna rol oynadığını, eyni zamanda hər bir Azərbaycan gəncinin vətənpərvərlik ruhunda böyüməli olduğunu vurğulayıb.
Kitabın müəllifi Elşən Əliyev çıxış edərək bildirib ki, kitabda Raquf Orucovun keçdiyi həyat yolu, hərbiçi yoldaşlarının xatirələri və bir kəşfiyyatçı kimi həyata keçirdiyi uğurlu əməliyyatlar qələmə alınıb.
Tədbirdə çıxış edən yazıçı-jurnalist Aida Eyvazlı aprel döyüşlərindən danışıb, bu döyüşlərin düşmənə Azərbaycan əsgərinin vətənpərvər və qəhrəman obrazını nümayiş etdirdiyini bildirib.
Sonda çıxış edən şəhid polkovnik-leytenantın həyat yoldaşı Sevic Orucova bundan əvvəl keçirilən tədbirdə ASAN könüllülərinin simasında Azərbaycan gəncliyini gördüyünü və R. Orucovun doğum gününü məhz ASAN könüllüləri ilə keçirməyi qərara aldığını vurğulayıb. O, həmçinin qeyd edib ki, tək Raquf deyil, digər qəhrəmanlar da vətənin hər bir qarış torpağı uğrunda son damla qanına qədər döyüşərək şəhid olublar.
Dövlət Təhlükəsizlik Xidmətinin Mədəniyyət Mərkəzində keçirilən tədbirin əsas məqsədi gənclərdə vətəpərvərlik hisslərinin yüksəldilməsi və Qarabağ döyüşlərində şəhid olmuş qəhrəmanlar haqqında ətraflı məlumatın verilməsidir.
Qeyd edək ki, ASAN könüllüləri gənclərdə vətənpərvərlik hissinin formalaşması istiqamətində silsilə tədbirlər keçirir.
Tural




 
Bölməyə aid digər xəbərlər
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info