“Əminəm ki, BANM-in məzunları yüksək hazırlıqlı mütəxəssislər olacaqlar“
Tarix: 11.07.2017 | Saat: 18:33:00 | E-mail | Çapa göndər


Bakı Ali Neft Məktəbinin (BANM) İctimaiyyətlə əlaqələr şöbəsinin “Mən BANM-in müəllimiyəm” adlı layihəsi davam edir. Beləliklə, sualları BANM-in “Kimya mühəndisliyi” kafedrasının dosenti Amir Reza Vakhshouri cavablandırır.

- Ənənəvi olaraq ilk sualımız: Siz niyə məhz müəllim peşəsini seçmisiniz?

- Müəllimlik bir peşə deyil, bir sevgidir, sənətdir, həvəsdir. Bir sənətçı kimi müəllim üçün təkcə oxumaq və ya bilik yetərli deyil, ona sevgi də lazımdır. Bu istedadı tanrı bizim ailəyə bağışlayıb. Belə ki, mənim atam, onun atası və qohumlarımın çoxu bu müqəddəs işlə məşğul olublar. Mənim atam vaxtı ilə Təbriz şəhərinin ən yaxşı, ən nüfuzlu və ən tanınmış müəllimlərindən biri olub. O, 50 ildən çox bu peşədə tam həvəslə çalışıb və maraqlısı bu idi ki, onun həvəsi bu peşəyə get-gedə artırdı. Mən də atamı görüb uşaqlıqdan onun peşəsini davam etdirmək arzusundaydım.
- Bir az özünüz haqqında danışın.
- Mən Təbriz şəhərində bir ziyalı ailədə anadan olmuşam. Orta məktəbi Təbrizin ən yaxşı məktəblərində yüksək qiymətlərlə bitirib, 1993-cü ildən Təbriz Universitetinin “Tətbiqi Kimya” ixtisasına daxil olmuşam. 1998-ci ildə bakalavr dərəcəsini alıb sonra ilk karyeramı bir firmada keyfiyyətə nəzarət şöbəsinin rəisi vəzifəsində başlamışam. Az müddətdə çox uğurlu addımlar atmağıma baxmayaraq elmə və öyrənməyə həvəs səbəb oldu ki, təhsilimi davam edəm və beləliklə 2001-ci ildə Təbriz Azad Universitetinin “Tətbiqi Kimya” ixtisasına magistratura proqramına başlamışam. Bu zamanlar oxumaq ilə sənayedə çalışmağın harmoniyasını hiss edirdim və həqiqi mənada zövqlə elmi və dərsi öyrənirdim. 2003-cü ildə ən yüksək balla birinci yeri tutaraq magistratura diplomunu almışam. Bununla da razılaşmayıb doktorantura almağa qərar verib və bu yolda çoxlu mücadilələr aparmışam. Nəhayət, 2006-cı ildə Bakıya bir tanınmış holdinqə işə dəvət olunanda şərtlərimin birisi də təhsilimin davam etməsi olub və beləliklə, 2007-ci ilin yanvarından Azərbaycan Milli Elmlər Akademiyasının Neft-Kimya prosesləri İnstitutunun dissertantı kimi elmi işlərimi davam etdirib və 2013-cü ildə neft-kimya və polimer ixtisaslarında kimya üzrə fəlsəfə doktoru elmi dərəcəsinə nail olmuşam. 2016-ci ilin fevralından BANM-də çalışıram.
- Hər bir tələbənin öz sevimli müəllimi olur. Tələbəlik dövrünüzdəki sevimli müəlliminiz haqqında danışın.
- Mən əgər həyatımda, elmimdə və yaxud peşəmdə nisbi müvəffəqiyyətlərə nail olmuşamsa onu bütün orta məktəbdən tutmuş doktoranturaya kimi müəllimlərimə borcluyam. Hər zaman çalışmışam ki, onların hamısından müsbət xüsusiyyətləri toplayam. Mən ən çox təsir göstərən müəllimlər təkcə elm yox, həyat tərzini və ona fərqli baxışını da öyrədənlər olublar. Bunların içərisində elə ən birinci müəllimim mənə ömür boyu həyat fəlsəfəsini öyrədən atamı və ən sonuncusu mənim elmimin inkişafında ən çox təsir göstərən akademik Akif Əzizovu xüsusi qeyd etmək istərdim.
- Tələbələrinizdən danışın. Onların gələcəklərini necə görürsünüz?
- Demək olar ki, onlar ölkənin ən bacarıqlı, ən zəkalı və ən bilikli tələbələridirlər. Lakin bu onlarda qurur yaratmamalıdır. Həmin gənclik qüruru nəticəsində onların bir hissəsi təhsil alma müddətində təcrübəsiz rəftarlar göstərirlər və ya məsələlərə səthi baxırlar. Həyatda ciddi və məsul olmaq lazımdır. Bizim tələbələrimiz çox səviyyəli təhsil alırlar və bu da onların gələcəyini qaranti edir. Dünya standartlarına cavab verən təhsil sistemi ilə onların savadının birləşməsi nəticəsində, onları parlaq gələcək gözləyir. Biz 5-ci kurs tələbələrində bunun şahidi olduq.
- Bakı Ali Neft Məktəbini 10 il sonra necə təsəvvür edirsiniz?
- Hazırda çox gənc olmasına baxmayaraq, 5 il müddətində ölkənin ali təhsil müəssisələrinin ən zirvəsində yer alır. Bu da onu göstərir ki, rəhbərliyin siyasi nə qədər düzgündür. Mənə bələ gəlir ki, bu ildən magistratura proqramı ilə birgə elmi işlərin aparılması da artacaq. Bununla bağlı biz kafedra da müəssisələrlə və tədqiqat institutları ilə danışıqlıqlar aparırıq. İnanıram ki, bu sürətli inkişaf nəticəsində gələcək 5 ildə BANM regionun ən yaxşı və ən nüfuzlu universiteti olmağı və gələcək 10 ildə dünyanın ilk 200-lük reytinqində yer tutmağı bacaracaq.
- Boş vaxtlarınızda nə ilə məşğul olursuz?
- Ümumiyyətlə, məndə boş vaxt az olur, olanda da çalışıram ailəmə xüsusilə oğluma daha çox vaxt ayıram. Qalan vaxtlarda isə tar çalıram və musiqi ilə məşğul oluram.
- Bakı Ali Neft Məktəbinin ilk məzunlarına nə arzu edərdiniz?
- Mən onların uğurlarını görəndə elə bil ki, öz müvəffəqiyyətlərimi görürəm. Bəlkə də indi onların bəzisi bilməzlər, amma onlar hər cəhətdən ən şanslı tələbələr olublar. Bunu bilməlidilər ki, ölkənin ən məşhur universitetlərində təhsil almalarında, ən nüfuzlu şirkətlərdə çalışmalarında və ya başqa uğurlara nail olmalarında ali məktəbin çox rolu olub. Bu səbəbdən BANM-i heç zaman unutmasınlar və adını hər yerdə fəxrlə çəksinlər.

Nigar




 
Bölməyə aid digər xəbərlər
21.09.2018
“Tələbələrə ixtisasa uyğun təcrübə qazanmaları üçün kifayət qədər imkanlar var”
18.09.2018
“Bu il sığorta bazarı 40 faizdən çox genişlənib, yığımlar artıb”
10.09.2018
“Məqsədimiz diaspor fəaliyyətinə vətəndaş dəstəyini artırmaqdır”
07.09.2018
“Ukraynada bizim güclü və mehriban komandamız var”
07.09.2018
Qan verənlər minlərlə insanın müalicəsinə böyük töhfə vermiş olurlar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info