ABŞ Qətərlə anlaşdı
Tarix: 11.07.2017 | Saat: 23:25:00 | E-mail | Çapa göndər


ABŞ-ın dövlət katibi Reks Tillerson Qətərə səfər edib. Səfər çərçivəsində Qətər əmiri Tani ilə görüşən Tillerson danışıqlarda razılıq əldə edib. Tillersonun köməkçisi elan edib ki, dövlət katibi və Qətər əmiri terrorizmin maliyyələşməsinə qarşı ortaq sənəd imzalayıblar. Reks Tillerson daha sonra Səudiyyə Ərəbistanına səfər edəcək.
Bu barədə ABŞ Dövlət Departamentinin məlumatında bildirilir. Məlumata əsasən, R.Tillerson Ər-Riyadda Səudiyyə Ərəbistanının rəhbərliyi ilə görüşəcək. Qeyd edək ki, ötən bazar cünü Tillerson türkiyəli həmkarı Mevlüd Çavuşoğlu və prezident Tayyib Ərdoğanla da Qətər məsələsi ilə bağlı müzakirələr aparıb. Amerikalı siyasətçinin bölgəyə səfəri Körfəzdəki siyasi vəziyyətin artmaqda olan qeyri-müəyyənliyi ilə bağlıdır. Xatırladaq ki, iyunun 5-də Səudiyyə Ərəbistanı, BƏƏ, Bəhreyn və Misir Qətərlə diplomatik münasibətləri kəsdiklərini elan edib. Onlar rəsmi Dohanı terrorçu təşkilatları dəstəkləməkdə və Yaxın Şərqdə qeyri-sabitlik yaratmaqda ittiham edib. Bunun ardınca Liviyanın sərgindəki hökumət, Yəmən, Maldiv adaları, Mavritaniya, Komor adaları da Qətərlə münasibətləri kəsdiyini bəyan edib. Cibuti Qətərlə diplomatik münasibətlərin səviyyəsini endirib. Seneqal, Çad və Niger isə bu ölkədəki səfirini geri çağırıb. Daha sonra Səudiyyə Ərəbistanı, BƏƏ, Misir və Bəhreyn Qətərə 13 bənddən ibarət ultimatum verib. Sənəddə İranla diplomatik əlaqələri kəsmək, silahlı qruplaşmaların maliyyələşdirilməsini dayandırmaq, “Əl-Cəzirə” telekanalını bağlamaq kimi tələblər yer alıb. Rəsmi Doha ölkəyə qarşı irəli sürülən ittihamları və ultimatumu qətiyyətlə rədd edib.
Qətərlə diplomatik əlaqələri kəsmiş dörd ərəb dövləti isə hesab edir ki, “CNN” telekanalının yaydığı sənədlər Dohanın Fars Körfəzi Ərəb Dövlətləri Əməkdaşlıq Şurası çərçivəsində üzərinə götürdüyü öhdəlikləri yerinə yetirmədiyini inandırıcı şəkildə təsdiq edir. Bu barədə məlumat Səudiyyə Ərəbistanı, Birləşmiş Ərəb Əmirlikləri, Bəhreyn və Misirin birgə bəyanatında yer alıb.
Qeyd edək ki, “CNN” telekanalı böhrandan çıxmaq üçün Fars Körfəzi ölkələrinin liderləri arasında 2013-2014-cü illərdə bağlanmış məxfi sənədlərin surətini dərc edib. Dörd ərəb dövləti vurğulayır ki, Qətərə təqdim edilmiş bütün 13 tələbin əsasında Ər-Riyad sazişi dayanır.
Agasəf Babayev




 
Bölməyə aid digər xəbərlər
19.09.2018
Pakistan məhkəməsi Nəvaz Şərifin həbsdən buraxılmasına qərar verib
19.09.2018
USAİD Gürcüstanda iqtisadi islahatlar üçün 1,5 milyard dollar ayırıb
19.09.2018
Şimali və Cənubi Koreya arasında hərbi sahədə əməkdaşlıq müqaviləsi imzalanıb
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info