“Ermənistanın əsas aviaşirkəti xarici şirkətlərin nəzarəti altına keçir”
Tarix: 29.04.2013 | Saat: 22:44:00 | E-mail | Çapa göndər


Quru sərhədlərini Rusiya hərbçilərinə əmanət edən «müstəqil» Ermənistan dövləti strateji sahə olan hava nəqliyyatı və təhlükəsizliyini də hərraca çıxarıb
İqtisadi cəhətdən rentabelli olmadığından Ermənistanın «Armavia» aviaşirkəti müflis olduğunu hələ bir ay əvvəl elan edib. Şirkət düşdüyü çətin vəziyyətdən qurtulmaq üçün banklardan təxminən 50 milyon dollar borc götürmüşdü. Köhnə borcları ödəyə bilməyən şirkətin bu yükünün üstünə bir də 50 milyon dollarlıq borc əlavə olundu.
Müəyyən edilən vaxt ərzində borclarını qaytara bilməyən aviasiya şirkətinin özünü müflis elan etməkdən başqa çıxış yolu qalmamışdı. Son günlər ərzində şirkətin səhmlərinin satılması ilə bağlı müxtəlif söhbətlər dolaşır. Həmin məlumatlarda qeyd edilir ki, xaricdə yaşayan imkanlı ermənilər şirkətin səhmlərinin müəyyən bir hissəsinin onlara satılması müqabilində müəyyən məbləğdə kredit ayıra biləcəklərini diqqətə çatdırıblar. Bu istiqamətdə aparılan danışıqlarla bağlı rəsmi informasiya yoxdur. Amma belə görünür ki, Ermənistan hava məkanını da xarici qüvvələrin nəzarəti altına verməyə məcbur olacaq. Bu dövlət nə hava, nə də qurudan öz təhlükəsizliyini təmin etmək iqtidarında deyil. Quru sərhədlərini Rusiya hərbçilərinə əmanət edən «müstəqil» Ermənistan dövləti strateji sahə olan hava nəqliyyatı və hava təhlükəsizliyini də hərraca çıxarıb. Dövlətin strateji sahələrinin bazara çıxarılması, alver predmetinə çevrilməsi Ermənistan dövlətinin, hakimiyyətinin mahiyyətini ortaya qoyur. «Lragir» xəbər verir ki, «Armavia» şirkəti də fəaliyyətinin yenidən bərpa edilməsinə işarə vuran açıqlama yayıb. Şirkət hesab edir ki, «pis menecmentlik» böyük ölçüdə kənardan olub və indi həmin qüvvələr aviaşirkəti tənqid üçün yaxşı imkan əldə ediblər. Şirkətdə hesab edirlər ki, rentabelli fəaliyyətin aradan qalxmasının əsas səbəbi də elə kənardan olan menecmentliklə bağlıdır. Ona görə də şirkət iflasdan qurtularsa, fəaliyyətini daxili bazarda davam etdirəcək. Baxmayaraq ki, bir ay əvvəl borclara görə şirkət özünü müflis elan edib. «Armavia» şirkəti yenidən fəaliyyətə başlamaq üçün plan hazırlayıb və həmin plan artıq hökumətə təqdim edilib. Plana əsasən, şirkətin səhmlərinin 74 faizi satışa çıxarılmalı və həmin səhmlərin 21 faizini dövlət almalıdır. Qalan səhmlər isə xarici investorlara satılmalıdır. Maraqlıdır ki, şirkət yeni xarici investor tapdığını gizlətmir. Amma yeni investisiya proqramını həyata keçirmək üçün hökumətin müvafiq addımlar atması lazımdır. «Armavia» şirkətinin bu açıqlaması da aydın göstərir ki, şirkət xarici investor tapdığı üçün belə mövqe ortaya qoymağa başlayıb. Elə indidən təxmin etmək olar ki, «Armavia» xarici investorlara satılacaq və Ermənistanın əsas aviaşirkəti xarici şirkətlərin nəzarəti altına keçəcək. Hələlik adı gizli saxlanılan investorların istəyini çatdıran «Armavia» hökumətə müraciət edərək hava üçün onlardan alınan verginin azaldılmasını təklif edir. Bunun müqabilində «Armavia» istifadəçilərinin biletinə 30 faizlik güzəşt tətbiq ediləcək. Şirkət hökumətdən aviasiya yanacağını müstəqil şəkildə almaq hüququnu da istəyir.
ANAR




 
Bölməyə aid digər xəbərlər
26.05.2019
İran Fars körfəzi dövlətləri ilə hücum etməmək haqqında müqavilə imzalamağa hazırdır
26.05.2019
Viqen Akopyan: “Paşinyan komandasında təsir rıçaqını əldə etmək üçün mübarizə gedir”
25.05.2019
Türkiyənin təhlükəsizlik qüvvələri PKK-nın Qara dəniz düşərgəsini ələ keçiriblər
25.05.2019
Serj Sarkisyan gizlicə Koçaryanla görüşüb
25.05.2019
Erməni ordusuna ayrılan sabunlar Gümrüdəki bazarda satılır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info