“Həyatımıza daxil olan müxtəlif elektron cihazlar gənclərimizi kitablardan uzaqlaşdırır”
Tarix: 12.07.2017 | Saat: 20:37:00 | E-mail | Çapa göndər


Yanvar-iyun aylarında Azərbaycan Milli Elmlər Akademiyasının (AMEA) Mərkəzi Elmi Kitabxanasına (MEK) pulsuz məcburi nüsxə olaraq 994 kitab, 553 jurnal verilib. Bu müddətdə kitabxanaya 1118 kitab, 1522 jurnal, 4 kolleksiya, 22 satınalma, 64 dissertasiya, 344 avtoreferat, 154 elektron resurs hədiyyə edilib. Beynəlxalq kitab mübadiləsi çərçivəsində isə MEK-ə 388 sənəd daxil olub.
Bu barədə MEK-in kitabxana-xidmət şöbəsinin müdiri Aygün Səfərova məlumat verib.
Kitabxanadan bildirilib ki, A.Səfərova altı ayda kitabxanaya daxil olan sənədləri təqdim edib. O, sənədlərin təqdimedilmə qaydası, təqdim olunan elektron resurslarda müəllif hüquqlarının tənzimlənməsi və sənədlərin Milli Rəqəmsal Yaddaş (MRY) bazasına daxil edilməsini, habelə sərgi salonunda sərgilənməsi və mek.az saytında işıqlandırılaraq ənənəvi və elektron kataloqa daxil edilməsini göstərən mərhələli iş mexanizmindən danışıb.
MEK-in direktoru Leyla İmanova deyib: “Müasir dövrdə həyatımıza daxil olan kompüterlər, müxtəlif elektron cihazlar gənclərimizi kitablardan uzaqlaşdırır. Gənclər kitabları daha çox elektron versiyada oxuyurlar. Bunu nəzərə alaraq, yazıçılarımız, alimlərimiz qalın kitabları yazanda yığcam bir nəticə, audio şərh ilə də təmin etsinlər ki, gənclər kitab haqqında daha tez, daha canlı informasiya əldə edərək kitabın özünə daxil olmağa, oradakı faktları araşdırmağa can atsınlar. MEK-ə daxil olan nəşrlərin statistikasında birinci yerdə hədiyyə olunan kitablar və məcburi nüsxələr durur. Kitabxananın kollektivi bu mexanizmi elə peşəkar səviyyədə qurub ki, kitabların alınmasına çox vəsait sərf etmədən onların sayını artırırıq. Əvəzində elektron resurslara abunə oluruq, sifarişlər əsasında seçilmiş kitabları alıb gətiririk. MEK-in biblioqrafik sorğular bölməsinin elektron kitabları göstərən 12 cilddən ibarət “Biblioqrafik sorğular” kitabı bu il kitabxanamızda ərsəyə gətirilərək fondlara daxil edilib”.
Bildirilib ki, iyunda MEK-ə Yaponiya, Belarus, Ukrayna, ABŞ, Almaniya, Çexiya, Çin, Türkiyə, Rumıniya, Rusiya, Böyük Britaniya, Şotlandiya, Polşa, Fransa, Macarıstan, Norveç və digər ölkələrdən müxtəlif elmi sənədlər daxil olub. Həmçinin ölkə xaricinə AMEA-nın nəşrləri, azərbaycanlı alimlərin əsərləri göndərilib.
Tural




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10491

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info