: “Bu proseslər başqa ölkədə olsaydı, BMT və digər təşkilatlar onların yanında olacaqdı”
Tarix: 12.07.2017 | Saat: 23:06:00 | E-mail | Çapa göndər


“Hazırda FETÖ terror təşkilatının rəhbəri Fətullah Gülən tərəfindən ötən il iyulun 15-də Türkiyədəki dövlət çevrilişinə cəhdin idarəedilən çevriliş cəhdi olduğuna dair müxtəlif kampaniyalar aparılır və buna böyük pullar xərclənir”. Bu fikirləri 15 İyul - Demokratiya və Milli Birlik Günü ərəfəsində Ankarada Türkiyə Nazirlər Kabinetinin Mətbuat və İnformasiya Baş İdarəsində (BYEGM) keçirilən tədbirdə Türkiyənin ədliyyə naziri Bəkir Bozdağ səsləndirib. Nazir əvvəlcə ötən il iyulun 15-də bu ölkədə dövlət çevrilişinə cəhd zamanı türkiyəli fotojurnalistlərin çəkdikləri şəkillərin nümayiş edildiyi sərgi ilə tanış olub. BYEGM-nin rəhbəri, Baş nazirin müşaviri Mehmet Akarca deyib ki, Türkiyə keçən il iyulun 15-də böyük bir sınaqdan çıxıb. Türkiyənin ədliyyə naziri Bəkir Bozdağ deyib ki, ötən il iyulun 15-də FETÖ terror təşkilatının rəhbəri Fətullah Gülənin göstərişi ilə Türkiyədə dövlət çevrilişinə cəhd olub: “Həmin gecə 249 nəfər vətəndaşımız şəhid olub və 2200-ü yaralanıb. 15 iyulda xüsusi təyinatlı qüvvələrin binası, Prezident Sarayı, Türkiyə Böyük Millət Məclisi bombalanıb, “Türksat”ın işçiləri öldürüldü. İstanbulda Boğaziçi körpüsündə onlarla həmvətənimiz şəhid olub. Çevrilişə cəhd edən terrorçular xalqın üstünə tankları sürüb, avtomatlar ilə xalqımıza atəş açıblar. Türkiyə Böyük Millət Məclisi yaradıldığı gündən ötən ilədək ilk dəfə bombalanıb”. Nazir qeyd edib ki, dövlət çevrilişinə cəhdin uğursuz olmasına səbəb Prezident Rəcəb Tayyib Ərdoğanın xalqa müraciəti və onları küçələrə çıxmağa çağırışı olub: “Bu gün Prezident Rəcəb Tayyib Ərdoğanı gözdən salmaq üçün Qərb ölkələri tərəfindən müxtəlif kampaniyalar aparılır. Dünyada hansı ölkə prezidenti özünün və ailəsinin həyatını təhlükəyə ataraq xalqla birgə demokratiyaya sahib çıxıb, terrorçulara qarşı dayanıb? Prezidentimiz demokratiyaya sahib çıxdı. Lakin dünya ölkələri tərəfindən tək buraxıldı”. O qeyd edib ki, türk xalqı kimi demokratiyaya sahib çıxan başqa bir millət yoxdur: “Əgər, bu proseslər başqa ölkədə olsaydı, BMT və digər təşkilatlar onların yanında olacaqdı. Lakin Türkiyədə bu qədər şəhid və yaralı olmasına baxmayaraq həmin beynəlxalq təşkilatlar bizə dəstək olmadılar, gözləmə mövqeyində dayandılar. Bunun əksinə FETÖ terror təşkilatından yana narahat olduqlarını bildirdilər”. B.Bozdağ vurğulayıb ki, hazırda FETÖ terror təşkilatının rəhbəri Fətullah Gülən tərəfindən ötən il iyulun 15-dəki dövlət çevrilişinə cəhdin idarəedilən çevriliş cəhdi olduğuna dair müxtəlif kampaniyalar aparılır və buna böyük pullar xərclənir.




 
Bölməyə aid digər xəbərlər
18.02.2019
Peskov: “Putin Ərdoğana çox etibar edir”
15.02.2019
Yerevanda “Rusiyada necə inqilab etməli?” kursları keçirilib
15.02.2019
Yerevanda avtobus sürücüləri tətil edirlər
15.02.2019
İslamabadda “İpək yolunun dostları” təşəbbüsünə start verilib
15.02.2019
ABŞ Rusiya ilə Almaniya arasında “Berlin divarı” çəkə biləcəkmi?

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10601

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Milli qəhrəmanlara və şəxsiyyətlərə hücum savaşın tərkib hissəsidir
5 Prezident İlham Əliyevin Real televiziyasına müsahibəsi (Yenilənib)


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info