“Media hibrid müharibənin əsas hissəsinə çevrilib”
Tarix: 12.07.2017 | Saat: 23:28:00 | E-mail | Çapa göndər


Aleksandr Lukaşenko: ““Müharibələr yeni xarakter almağa başlayıb. Bu, artıq kiberməkanda aparılan müharibədir, iqtisadi, siyasi müharibədir. Müasir müharibənin ilk mərhələsi media məkanında aparılır”

“İnternet-məkan və sosial şəbəkələr mənəviyyat, əxlaq, etika qanunları əsasında qurulmalıdır”

Belarusun paytaxtı Minsk şəhərində XIX Dünya Rus Mətbuatı Konqresi işə başlayıb. “Gələcək naminə tərəfdaşlıq: müasir sivilizasiyanın prioritetləri” mövzusuna həsr edilən tədbirdə 52 ölkədən KİV rəhbərləri və nümayəndələri iştirak edirlər. Azərbaycanı Konqresdə AZƏRTAC-ın baş direktoru, Dünya Xəbər Agentlikləri Konqresinin və Asiya və Sakit Okean Ölkələri İnformasiya Agentlikləri Təşkilatının (OANA) prezidenti Aslan Aslanov təmsil edir. Konqresin plenar iclasının açılışında çıxış edən Belarus Prezidenti Aleksandr Lukaşenko müasir jurnalistikanın cəmiyyətə təsirindən danışıb. O qeyd edib ki, ictimai fikrə görə həm siyasətçilərin, həm də jurnalistlərin məsuliyyəti daim yüksəlir. Dövlət başçısı vurğulayıb ki, internet-məkan və sosial şəbəkələr mənəviyyat, əxlaq, etika qanunları əsasında qurulmalıdır. Prezident deyib ki, yeni texnoloji mühitdə jurnalist peşəsi köklü şəkildə dəyişib, hazırda adi vətəndaşlar da informasiya yaradaraq yaya bilirlər. Belə vəziyyətdə çoxlu sayda təhrif edilmiş informasiyalar da yaranır, həqiqət və yalan arasında sərhədlər itir. “Belə şəraitdə mənəvi və ictimai orientirlər məhz peşəkar jurnalistlər və ənənəvi mediadan asılıdır. Buna görə də düzgün seçim etmək lazımdır: reytinq, şəxsi maraqlar, yoxsa həqiqət, obyektivlik”, - deyə dövlət başçısı vurğulayıb. Aleksandr Lukaşenko deyib ki, kütləvi informasiya vasitələrindən hibrid müharibələr aparmaq üçün istifadə edilir. O, çıxışında qeyd edib ki, hibrid müharibələri bizim bildiyimiz müharibə – cəbhə-cəbhəyə, bir-birinə atəş açmaq və sonra əlbəyaxa döyüş deyil: “Müharibələr yeni xarakter almağa başlayıb. Bu, artıq kiberməkanda aparılan müharibədir, iqtisadi, siyasi müharibədir. Müasir müharibənin ilk mərhələsi media məkanında aparılır”. Belarusun dövlət başçısı konqresdə çıxışı zamanı qeyd edib ki, daha əvvəlki vaxtlarda olduğu kimi artilleriya hazırlığı aparılmır: “Artıq hansısa dövlətin, qruplaşmanın başqasına qarşı müharibəni başlamasından əvvəl kütləvi informasiya vasitələrində artilleriya hazırlığı gedir. Media hibrid müharibənin əsas hissəsinə çevrilib”. Aleksandr Lukaşenko müasir medianın sensasiya dalınca qaçmasını da tənqid edib: “Dünyada çox şey, o cümlədən cəmiyyətdə sakitlik sizdən asılıdır. Bunu unutmayın”. Lukaşenko konqresdə çıxışı zamanı KİV-i “yeni Helsinki prosesi” ilə bağlı rəsmi Minskin irəli sürdüyü təşəbbüsü dəstəkləməyə çağırıb. Bu təşəbbüs Avroatlantik məkan və Avrasiya dövlətləri arasında ziddiyyətləri aradan qaldırmağı və dialoqu ehtiva edir: “Bizim ölkəmiz həmişə dialoq və informasiya mübadiləsi üçün açıqdır. Nəyə görə Minskdə genişmiqyaslı “Helsinki-2” formatını reallışdırmayaq?”. Lukaşenko tanınmış siyasətçiləri, elm xadimlərini bu təşəbbüs çərçivəsində dialoqa çağırıb. Xatırladaq ki. bir neçə gün əvvəl Minskdə ATƏT Parlament Assambleyasının toplantısı keçirilib. Lukaşenko toplantıda çıxışı zamanı “yeni Helsinki prosesi” ilə bağlı çıxış edib. O, ATƏT-in yaranması ilə sonuclanan Helsinki prosesinin yenisinə başlamağı təklif edir. O, miqyası bir qədər də genişləndirərək Çini də prosesə qoşmağı, ümumi məkanda dialoq aparmağı təklif edir. Lukaşenko hesab edir ki, ATƏT üzvləri, Avroatlantik məkan və Asiya dövlətlərini bu təşəbbüs çərçivəsində bir araya gətirmək və dünyanın gələcəyinin müzakirə etmək olar. Müzakirələrin sonunda yekun sammitin keçirilməsini təklif edən Lukaşenko hesab edir ki. Minsk bu prosesin start məkanı ola bilər. Onu da qeyd edək ki, Rusiya Prezidenti Vladimir Putin Konqres iştirakçılarına müraciət edib. Dövlət başçısı bildirib ki, bu ənənəvi görüşlər rusdilli media məkanında əsas hadisələrdən biridir. Prezident medianın maarifçilik, birləşdirici, tərbiyəvi potensialını önə çəkib və buna görə mətbuatın üzərinə böyük məsuliyyət düşdüyünü bildirib. Plenar iclasda çıxış edən Ümumdünya Rus Mətbuatı Assosiasiyasının prezidenti, UNESCO-nun xoşməramlı səfiri Vitali İqnatenko Konqresin artıq ikinci dəfədir Belarusda keçirildiyini, bu ölkənin rus dilinə böyük diqqət ayırdığını qeyd edib. Dünya Rus Mətbuatı Konqresi ilə yanaşı, Minskdə ənənəvi Beynəlxalq Media Forum da keçirilir.
Anar Miriyev




 
Bölməyə aid digər xəbərlər
23.02.2019
Erməni müxalifəti: Paşinyan ziddiyyətli bəyanatların sayına görə rekorda imza atıb
23.02.2019
Rusiyaya gələn miqrantların sayı azalır
22.02.2019
Ermənilər ayağa qalxdı: Sərkisyan bundan daha yaxşı idi
22.02.2019
Yerevanda taksi sürücüləri aksiya keçirib
22.02.2019
Moldova dövlət başçısına sui-qəsd təşkil ediləcək

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info