Özbəkistanlı qonaqlar Şamaxı Cümə Məscidi və rəsədxana ilə tanış olublar
Tarix: 12.07.2017 | Saat: 23:44:00 | E-mail | Çapa göndər


Azərbaycanda səfərdə olan Özbəkistan Respublikası Nazirlər Kabineti yanında Dini Məsələlər üzrə Dövlət Komitəsinin sədri Artukbek Yusupov və Özbəkistan Müsəlmanları İdarəsinin sədri, müfti Usmonxon Alimov iyulun 12-də Şamaxıya gəliblər. Dini Qurumlarla İş üzrə Dövlət Komitəsinin sədri Mübariz Qurbanlının və Qafqaz Müsəlmanları İdarəsinin sədri Şeyxülislam Allahşükür Paşazadənin müşayiəti ilə əvvəlcə Şamaxı Cümə məscidinə gələn qonaqlar rayon rəhbərləri, məscidin din xadimləri tərəfindən mehribanlıqla qarşılanıblar. Sonra məscidlə tanışlıq olub. Bildirilib ki, Şamaxı Cümə məscidi Cənubi Qafqazda ən qədimməscidlərdən biridir. 743-cü ildə inşa olunan, 1859-cu və 1902-ci illərdə baş verən viranedici zəlzələlərin təsirindən belə tam dağılmayıb yenə öz əzəmətini saxlayan bu ibadət yeri 1918-ci ilin martında erməni daşnakları tərəfindən yandırılıb. Həmin vaxt məscidə sığınan 1500 nəfərdən çox günahsız insana, o cümlədən qadın və uşaqlara belə aman verilməyib. Mart soyqırımı zamanı çəkilən və böyüdülərək məscidin həyətində nümayiş etdirilən 17 fotoşəkil erməni soyqırımının, vandalizminin əyani təsviridir. Qeyd olunub ki, Prezident İlham Əliyev 2009-cu ilin noyabr ayında Şamaxıya səfəri zamanı böyük tarixi dəyəri və xalqın mənəvi dünyasında xüsusi yeri olan Cümə məscidinin bərpasına qərar verib. 2013-cü ilin mayın 17-də yenidən bərpa edilən məscidin açılışı olub. Bu zaman məscidin ilkin görkəminə qaytarılması diqqət mərkəzində saxlanılıb. Hazırda burada 1500 nəfər eyni vaxtda ibadət edə bilər. Sonra qonaqlar və onları müşayiət edən şəxslər uzun illərdən bəri dünya astrofizika elminə sanballı töhfələr verən, böyük elm ocağı olan AMEA-nın N.Tusi adına Şamaxı Astrofizika Rəsədxanasına gediblər. Burada onlar rəsədxana ilə tanış olub, aparılan elmi-tədqiqat işləri ilə maraqlanıblar. Məlumat verilib ki, elmi tədqiqatlar əsasən “Səma cisimlərinin dinamikası və fizikası” istiqamətinə daxil olan iki problem - ulduz və dumanlıqlarda baş verən fiziki dəyişkənliklərin kompleks tədqiqi və Günəş fizikası, Günəş sistemi cisimlərinin fizika və dinamikası üzrə aparılır. Bunlardan başqa, rəsədxanada nəzəri astrofizika, kosmologiya, radioastronomiya, yüksəktezlikli radio siqnallarının ionosfer ssintilyasiyaları və onların müxtəlif kosmik hava faktorlarından asılılığı, astronomiyanın tarixi və sair üzrə də araşdırmalar reallaşdırılır. Şamaxının dini və elmi məkanları ilə tanışlıq qonaqlarda xoş təəssürat yaradıb.




 
Bölməyə aid digər xəbərlər
17.08.2019
Sabah ölkə ərazisində havanın temperaturu 40 dərəcəyə yüksələcək
17.08.2019
Ağdamda şəhid Nadir Şükürovun xatirəsi anılıb
16.08.2019
Azərbaycan sərhədçiləri təmas xəttində bir sıra istiqamətlərdə strateji əhəmiyyətli mövqeləri tutub
16.08.2019
Hava proqnozunun verilməsi çətinləşib
16.08.2019
“Xan bağı”nda bir neçə irigövdəli ağac kəsiləcək

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Həyata keçirilən sosial paketlər birbaşa əhalinin rifahının yaxşılaşdırılmasına istiqamətlənib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info