Avropa ölkələri çətin vəziyyətdə
Tarix: 12.07.2017 | Saat: 23:58:00 | E-mail | Çapa göndər


BVF-nin təxminlərinə görə son on ildə 20 milyon adam Mərkəzi və Şərqi Avropa ölkələrindən Qərbə gedib
Beynəlxalq Valyuta Fondunun (BVF) səlahiyyətli nümayəndəsi inkişaf etməkdə olan Avropa ölkələrinin qarşılaşdığı və getdikcə artan iqtisadi problemlərin, ötən on il müddətində əldə edilən inkişafların təsirini yox edə biləcəyini söyləyib. BVF Avropa Dairəsinin rəhbəri Poul Thomsen, Mərkəzi və Şərqi Avropanın iqtisadi potensialının son 10 ildə yarıya endiyini və bu bölgə ölkələrindəki ixtisaslı işçilərin xaricə axınının da getdikcə artmasının ciddi problem olduğunu söyləyib.
Thomsen Dubrovnikdə keçirilən konfransda çıxışı zamanı deyib ki, bölgə hökumətlərinin bəziləri artıq Avropa inteqrasiyasının xeyrindən şübhə duymağa başlayıblar: “On ildir böhran və iqtisadi çətinliklər yaşayan Avropanın böyük qərbli üzvləri ilə Şərqdəki üzvləri arasındakı yaxınlaşmanın zəiflədiyi, hətta dayandığı belə, deyilə bilər. Bu vəziyyət bəzi ölkələrdə ağır iqtisadi və siyasi islahatlarla bağlı suallar yaradır”.

Macarıstan və Polşa işçi problemi yaşayır
BVF-nin Yunanıstan və Portuqaliya kimi ölkələrdə icra etdiyi proqramlara rəhbərlik edən Thomsen qeyd edib ki, kommunizmdən xilas olduqdan sonra Mərkəzi və Şərqi Avropanı əhatə edən müsbət qlobal inkişaf mühitinin təkrarı gözlənilmir. Bölgədən ixtisaslı işçilərin Qərbi Avropaya axın etməsi ciddi problem olmaqda davam edir. BVF-nin təxminlərinə görə son on ildə 20 milyon adam Mərkəzi və Şərqi Avropa ölkələrindən Qərbə gedib. Bu rəqəm, bölgə əhalisinin təxminən 5-6 faizini təşkil edir.
Macar istehsal şirkətlərinin yarısı, Polşa istehsal şirkətlərinin də dörddə biri, işçi çatışmazlığından istehsalın aşağı düşdüyünü və investisiyaların azaldığını bildirirlər.

İslahatlardan vaz keçilir?

Thomsen siyasi sahədə də AB Komissiyası ilə bəzi Şərqi avropalı üzvlər arasındakı gərginliklərə toxunub. AB, qanunun aliliyi mövzusunda Polşa ilə zidd mövqedədir, Macarıstan ilə, əsasən, qaçqınlarla bağlı gərginlik yaşayır. Son 10 ildə yaşanan problemlər, AB xaricində qalan ölkələr üçün birliyə üzvlüklə bağlı şübhələr yaradır. Thomsen onu da qeyd edib ki, son 10 ildə yaşanan problemlərə görəbəzi Avropa ölkələrinin demokratiyanı gücləndirmək və iqtisadi inkişafla bağlı islahatlardan vaz keçməsi ilə əlaqədar narahatlıqlar var.
Nigar




 
Bölməyə aid digər xəbərlər
19.09.2018
AHİK sədri: “Azərbaycan ilə BƏT arasında əməkdaşlıq müxtəlif sahələrin inkişafına töhfə verir”
19.09.2018
“Buta Airways”in yeni təyyarəsi Günnüt kəndinin şərəfinə adlandırılıb
19.09.2018
Rəqəmsal Ticarət Qovşağının konfransında qeyri-rezidentlərə elektron imza veriləcək
19.09.2018
“Azeri Light”ın bir barreli 80,66 dollara satılır
19.09.2018
Azərbaycanın tranzit imkanları İsveçrədə təqdim olunub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10119

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info