Qətərə qarşı sanksiyalar ləğv edilməyəcək
Tarix: 14.07.2017 | Saat: 00:01:00 | E-mail | Çapa göndər


Malayziya problemlə əlaqədar regiona xüsusi nümayəndəsini göndərir
Səudiyyə Ərəbistanı, Birləşmiş Ərəb Əmirlikləri, Bəhreyn və Misir tələbləri yerinə yetirilməyənədək Qətərə qarşı sanksiyaları geri götürməyəcəklər. “Əl-Ərəbiyə” telekanalının xəbərinə görə, bu barədə dörd ərəb ölkəsinin birgə bəyanatında bildirilir. “Rəsmi Doha ədalətli tələbləri tam yerinə yetirməyənədək Qətərə qarşı məhdudiyyətlər qüvvədə qalacaq”, bəyanatda vurğulanıb. Bu arada prosesə Malayziya hökuməti də qoşulub. Bu ölkənin “Star” qəzeti baş nazir Nəcib Razakın bəyantını yayıb. Həmin bəyanatda qeyd edilir ki, Malayziya Fars körfəzində yaranmış böhranın həlli ilə əlaqədar vasitəçi qismində iştirak etməyə hazırdır və bu məqsədlə Bəhreyn, Birləşmiş Ərəb Əmirlikləri və Səudiyyə Ərəbistanına öz xüsusi nümayəndəsini göndərəcək. Bəyanatda deyilir: “Müdafiə naziri Hişamuddin Huseyn gələn həftə bu üç ölkəni ziyarət edərək yayanmış vəziyyətin həqiqi səbəblərini araşdıracaq. Biz problemin həllinə kömək etməyin yollarını aydınlaşdırmağa çalışacağıq”. Baş nazir əlavə edib ki, müdafiə naziri davam edən böhranla əlaqədar Malayziyanın və regionun digər ölkələrinin narahatlığını da çatdıracaq. Hökumətin başçısı, həmçinin gərginliyi azaltmaq üçün Küveyt əmrinin fəaliyyətini dəstəklədiklərini də ifadə edib. Bundan əlavə, N.Razak qeyd edib ki, yaranmış vəziyyətdə Kuala Lumpur neytral mövqe tutur və digər ölkələri də üçüncü ölkələrin daxili işlərinə qarışmamağa çağırır. İyunun 5-də Səudiyyə Ərəbistanı, BƏƏ, Bəhreyn və Misir Qətərlə diplomatik münasibətləri kəsdiklərini elan edib. Onlar rəsmi Dohanı terrorçu təşkilatları dəstəkləməkdə və Yaxın Şərqdə qeyri-sabitlik yaratmaqda ittiham edib. Bunun ardınca Liviyanın sərgindəki hökumət, Yəmən, Maldiv adaları, Mavritaniya, Komor adaları da Qətərlə münasibətləri kəsdiyini bəyan edib. Cibuti Qətərlə diplomatik münasibətlərin səviyyəsini endirib. Seneqal, Çad və Niger isə bu ölkədəki səfirini geri çağırıb. Daha sonra Səudiyyə Ərəbistanı, BƏƏ, Misir və Bəhreyn Qətərə 13 bənddən ibarət ultimatum verib. Sənəddə İranla diplomatik əlaqələri kəsmək, silahlı qruplaşmaların maliyyələşdirilməsini dayandırmaq, “Əl-Cəzirə” telekanalını bağlamaq kimi tələblər yer alıb. Rəsmi Doha ölkəyə qarşı irəli sürülən ittihamları və ultimatumu qətiyyətlə rədd edib.
Anar




 
Bölməyə aid digər xəbərlər
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar
15.11.2018
Yaponiya yaxın 5 ildə 345 minədək əcnəbi işçi qəbul edə bilər
15.11.2018
Rusiya ilə danışıqlar 1956-cı ilin bəyanatı üzərində qurulub
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info