Xoreoqraflarımız rəqs festivalında iştirak edirlər
Tarix: 14.07.2017 | Saat: 18:53:00 | E-mail | Çapa göndər


Vyanada Azərbaycan Mədəniyyət Mərkəzində Avstriyanın tanınmış “İmPulsTanz” beynəlxalq rəqs festivalının təqaüd proqramının açılış mərasimi keçirilib.
Mərasimdə çıxış edən Mərkəzin rəhbəri Leyla Qasımova güclü ənənələrə və nüfuza malik “İmPulsTanz” festivalı və Azərbaycan Mədəniyyət Mərkəzi arasında tərəfdaşlıq əlaqələrinin qurulmasından məmnunluğunu ifadə edib. Diqqətə çatdırılıb ki, ilk dəfə olaraq Azərbaycan xoreoqrafları bu festivala qatılacaq, təqaüd proqramı, ustad dərsləri və simpoziumda iştirak edəcəklər.
Azərbaycandan festivala dəvət olunan xoreoqrafları təqdim edən L.Qasımova Sabina Məmmədovanın festival rəhbərliyi tərəfindən beş həftəlik “danceWEB” təqaüd proqramında iştiraka layiq görüldüyünü, digər xoreoqraflar Leyli Mişina, Baira Babayeva və Ruslan Tolmaçevin festival çərçivəsində simpoziumlarda iştirak edəcəklərini bildirib.
Sonra festivalın intendantı Karls Reqensburqer və prezidenti Manfred Forstenlehner çıxış ediblər. Onlar festivalın təqaüd proqramının açılış mərasiminə ev sahibliyi etdiyinə görə Azərbaycan Mədəniyyət Mərkəzinə xüsusi təşəkkür ediblər. Bildirilib ki, “İmPulsTanz” festivalının mühüm tərkib hissəsinə çevrilən “danceWEB” təqaüd proqramı ötən əsrin 90-cı illərində təsis olunub və bu il dünyanın 40 ölkəsindən 65 gənc xoreoqraf proqramda iştirak edəcək. Müasir rəqs və perfomans üzrə yeni biliklər və texniki imkanların tədris olunduğu təqaüd proqramı gənc xoreoqraf və rəqqaslara beynəlxalq səviyyədə tanınmış xoreoqrafların rəhbərliyi ilə aparılan vorkşoplarda iştirak etmək, ünsiyyət qurmaq və professional səhnə imkanlarını genişləndirmək üçün geniş şərait yaradacaq. 1996-cı ildən bəri dünyanın 87 ölkəsindən 1100-dən artıq təqaüdçünün qatıldığı proqram gənc xoreoqraflara sənətin incəliklərinə yiyələnməkdə böyük dəstək olub.
Bədii hissədə gənc azərbaycanlı xoreoqraf Sabina Məmmədova tədbir iştirakçılarına maraqlı səhnə perfomansı təqdim edib.
Avropanın ən böyük müasir rəqs və perfomans festivalı “İmPulsTanz” Vyana şəhərində ondan artıq məkanda avqustun 13-dək davam edəcək.
Mahmud




 
Bölməyə aid digər xəbərlər
19.09.2018
Gəncənin Qazaxlar və Balabağman məscidləri təmir edilib
19.09.2018
Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info