Fransa Suriya siyasətini dəyişdi
Tarix: 14.07.2017 | Saat: 23:23:00 | E-mail | Çapa göndər


Makron: “Bəşər Əsədin hakimiyyətdən getməsi Fransa üçün vacib şərt deyil”

“Dəməşqdəki səfirliyi bağlamaq, Əsədlə əlaqələri kəsmək, bütün müqavilələri ləğv etməklə müsbət heç nəyə nail olmadıq”

Fransa dövlət başçısı Emmanuel Makron Parisdə səfərdə olan ABŞ prezidenti Donald Trampla görüşdən sonra keçirilən mətbuat konfransında Suriya ilə bağlı maraqlı açıqlamalar verib. Makron rəsmi Parisin Suriya ilə bağlı siyasətinin dəyişdiyini elan edib. Onun sözlərinə görə Suriya münaqişəsinin nizamlanması üçün Bəşər Əsədin hakimiyyətdən getməsi daha Fransa üçün vacib şərt deyil. Makron deyib ki, Fransa daha Əsədin hakimiyyətdən getməsi məsələsində israrçı olmayacaq: “Biz Suriya ilə bağlı doktrinamızı dəyişmişik. Əsas məqsədimiz müttəfiqlərimiz, əsasən də ABŞ-la əməkdaşlıq çərçivəsində münaqişənin həllində uğurlu nəticə əldə etməkdir. Bizim məqsədimiz istənilən qruplaşmaya məxsus olan terrorçuların məhv edilməsidir. Bizim vahid məqsədlərimizdən biri də uzun müddətli perspektiv üçün inklüziv siyasi həllə nail olmaqdır. Bu kontekstdə mən hesab edirəm ki, Bəşər Əsədin hakimiyyətdən getməsi Fransa üçün vacib şərt deyil”. Makron bildirib ki, Fransa Dəməşqdəki səfirliyini bağlamaq, Əsədlə əlaqələri kəsmək, bütün müqavilələri ləğv etməklə müsbət heç nəyə nail olmayıb: “Ona görə də Suriya ilə bağlı doktrinamıza yenidən baxmışıq. Müharibədən sonrakı proseslər üçün “yol xəritəsi”nin hazırlanmasında Əsədin təmsilçiləri, eləcə də müxalifət nümayəndələri də iştirak edəcəklər”. Maraqlıdır ki, bu məsələ Hamburqda ABŞ və Rusiya dövlət başçılarının görüşündə də müzakirə edilmişdi. Həmin görüşdə Moskva ilə Vaşinqton Suriya ilə balı müəyyən razılaşma əldə etmişdi. Rusiyalı ekspertlər bildirir ki, ABŞ artıq Əsədin hakimiyyətdən getməsində israr etmir. Rusiyanın xarici işlər naziri Sergey Lavrov elan edib ki, Moskva Suriya prezidenti Bəşər Əsədi dəstəkləmir, əksinə, BMT Təhlükəsizlik Şurasının qətnaməsinə sadiqdir. Onun sözlərinə görə, Suriyanın və bu ölkənin liderinin taleyini yalnız bu ölkənin xalqı müəyyən edə bilər: “Biz Əsədi dəstəkləmirik, biz BMT Təhlükəsizlik Şurasının qətnamələrinə sadiqik. Suriyaya gəlincə isə, qətnamələrdə açıq-aydın yazılıb ki, Suriyanın taleyini yalnız Suriya xalqı müəyyən etməlidir”. Rusiya prezidenti Vladimir Putin də “G20” sammitində çıxışı zamanı bildirmişdi ki, Suriyanın və Bəşər Əsədin taleyini yalnız Suriya xalqı müəyyən edə bilər. Rusiya Federasiya Şurasının komitə sədri Konstantin Kosaçev bildirib ki, Makronun Əsədin hakimiyyətdən getməsində israr etmədikləri ilə bağlı açıqlaması Parisin əsas oyunçu kimi dünya siyasətinə qayıtmaq istədiyini göstərir: !”Bu bəyanat göstərir ki, Makron və Fransa dünya siyasətinə həlledici oyunçu kimi qayıtmağı düşünülər. Fransa və ABŞ-ın Suriyada müharibədən sonrakı dövr üçün kontakt qrupunun yaradılması ilə bağlı təklifləri müsbətdir”.
Anar




 
Bölməyə aid digər xəbərlər
18.09.2018
Müdafiə naziri yüksək dağ zirvələrində yerləşən bölmələrin döyüşə hazırlığını yoxlayıb
18.09.2018
Paşinyanın oğlunun hərbi xidmət piarından yararlanmaq cəhdi nə vəd edir...
18.09.2018
Çində Azərbaycan haqqında daha çox informasiya veriləcək
17.09.2018
Azərbaycanlılar Avropada yeni media orqanı təsis ediblər
17.09.2018
“Türkmənistan TANAP-a iqtisadi böhrandan çıxmaq üçün yeganə çıxış yolu kimi baxır”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info