CASCFEN Xaçmaz müəllimləri üçün seminar keçirib
Tarix: 17.07.2017 | Saat: 19:26:00 | E-mail | Çapa göndər


Orta Asiya və Güney Qafqaz Söz Azadlığı Şəbəkəsi (CASCFEN) “Təhsil işçilərinin media ilə əlaqələrinin optimallaşdırılması” layihəsi çərçivəsində Xaçmazdakı 7 saylı məktəbdə seminar keçirib. Açılışda çıxış edən məktəbin direktoru Şamama Nəsirova və rayon təhsil şöbəsinin metodisti İmran Müseyibli belə tədbirlərin faydasını qeyd edib. Daha sonra çıxış edən CASCFEN sədri Azər Həsrət verdiyi dəstəyə görə, Azərbaycan Respublikasının Prezidenti yanında QHT-lərə Dövlət Dəstəyi Şurasına təşəkkür edib. O, eyni zamanda Xaçmaz rayon icra hakimiyyətinə və məktəbin direktoru Şamama Nəsirovaya təşəkkürünü ifadə edib. Bunun ardınca o, layihə haqqında bilgi verib. CASCFEN sədri deyib ki, Azərbaycanda bir sıra şəxslər mediadan sui-istifadə edir, müəllimlərə narahatlıq yaradır. Bunun səbəblərindən biri də məktəb kollektivlərinin, onların rəhbərlərinin media ilə əlaqələrin necə qurulacağını yetərincə bilməməsidir. “Layihəmizin məqsədi odur ki, müəllimləri media ilə əlaqələrin necə qurulması ilə bağlı bilgiləndirək. Media sahəsində bilgiləriniz nə qədər çox olarsa, heç bir “jurnalist” sizi incidə bilməz”, – deyə Azər Həsrət bildirib. Sonra söz alan ekspert, Azərbaycan Mətbuat Şurası sədrinin müavini, Jurnalistlərin Həmkarlar İttifaqının sədri Müşfiq Ələsglərli media qanunvericiliyi haqqında geniş təqdimatla çıxış edib. O, informasiya əldə etmək hüququ, bu və bənzər hüquqlardan irəli gələn vəzifələri ayrıca şərh edib. Ekspert mediadan sui-istifadə halları üzərində geniş dayanaraq iştirakçılara ayrıntılı bilgi verib. “Özünü jurnalist kimi təqdim edənlərin əksəriyyəti, əslində, mediadan sui-istifadə edənlərdir. Belə adamlarla təmasdan qaçmaq lazımdır. Bu adamların əsl məqsədi heç də xəbər yaymaq deyil. Onların əsl məqsədi insanları şantaj edib rüşvət almaq, siz müəllimləri qorxu altında saxlamaqdır”, – deyə Müşfiq Ələsgərli bildirib. Müəllimlərin də fəallığıyla keçən seminarda maraqlı çıxışlar olub. Müzəffəroba kənd orta məktəbinin direktoru Fərzalı Həsənov seminarda toxunulan mövzunun onun üçün çox faydalı olduğunu deyib. O, qeyd edib ki, belə bilgiləndirmə tədbirləri jurnalistikadan sui-istifadə hallarının qarşısını almaqda əvəzsiz rol oynayır. Öz növbəsində Azər Həsrət qeyd edib ki, Fərzalı Həsənov bölgədə söz adamlarının təşkilatlanmasında oynadığı rola, əvəzsiz xidmətlərinə görə, CASCFEN-in diplomuyla təltif edilib. Seminarın sonunda iştirakçılara sertifikatlar təqdim edilib, qrup şəkli çəkdirilib. Layihə çərçivəsində sonuncu seminar iyul ayının 28-də Bakıda keçiriləcək.




 
Bölməyə aid digər xəbərlər
18.02.2019
Baş Prokurorluq işə qəbulla bağlı müsabiqə elan edir
18.02.2019
Qətərdə Azərbaycan dilinin tədrisi üzrə “Bazar günü” məktəbinin açılışı olub
18.02.2019
Əfqanıstan müharibəsinin azərbaycanlı iştirakçısı “Döyüş əməliyyatı veteranı” medalı ilə təltif olunub
18.02.2019
DGKA-nın tələbələri müxtəlif dövlət qurumlarında təcrübə keçəcəklər
18.02.2019
“ABAD“ “Uğur-2018“ Milli mükafatına layiq görülüb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info