Dövlət mükafatları ilə təltif insan əməyinə verilən qiymətin ifadəsidir
Tarix: 18.07.2017 | Saat: 00:09:00 | E-mail | Çapa göndər


Naxçıvan Muxtar Respublikası Ali Məclisində Azərbaycan Respublikasının orden, medal və fəxri adlarının döş nişanlarının və vəsiqələrinin təqdimat mərasimi keçirilib.
Naxçıvan Muxtar Respublikası Ali Məclisinin mətbuat xidmətindən bildirilib ki, Naxçıvan Muxtar Respublikası Ali Məclisinin Sədri Vasif Talıbov təltif olunanları çalışdıqları sahələrdə fərqlənərək ölkəmizin ali mükafatlarına layiq görülmələri münasibətilə təbrik edib, onlara təşəkkürünü bildirərək deyib: “Ölkəmizdə bütün sahələr inkişaf etdirilir. Bu inkişafda fərqlənənlərin əməyi isə dövlətimiz tərəfindən yüksək qiymətləndirilir. O ölkədə inkişaf təmin olunur ki, orada sabitlik, müəyyən olunmuş inkişaf yolu və dövlət-xalq birliyi olsun. Bunların hər biri Azərbaycanda vardır. Ulu öndərimiz Heydər Əliyevin 1969-cu ilin 14 iyulunda ölkəmizdə siyasi hakimiyyətə gəlişi ilə Azərbaycanda milli dövlətçiliyin və inkişafın əsası qoyulmuşdur. Əgər 1969-cu ilə qədər Azərbaycan Sovetlər Birliyinin aqrar əlavəsi kimi tanınırdısa, artıq Ulu Öndərin rəhbərliyi ilə 1970-ci ildən sonra ölkəmiz Sovetlər Birliyinin inkişaf etmiş respublikaları sırasında birinci yeri tutaraq dotasiyasız yaşayan respublikaya çevrilmişdir. Bununla da ölkəmizin gələcək müstəqilliyi üçün əsas yaradılmışdır. Azərbaycanın müstəqillik əldə etdikdən sonra qısa zamanda inkişaf etməsi və müstəqil dövlət kimi yaşaması da Ulu Öndərin həmin dövrdə həyata keçirdiyi tədbirlər nəticəsində mümkün olmuşdur.
Dahi şəxsiyyətin müəyyənləşdirdiyi yol bu gün də ölkəmizdə uğurla davam etdirilir. Ölkə Prezidentinin bu yola sədaqətinin nəticəsidir ki, Azərbaycanda inkişaf, sabitlik və dövlət-xalq birliyi vardır. Bu gün ölkəmiz inkişaf edərək dünya dövlətləri sırasında öz layiqli yerini tutmuşdur. Bu inkişafın hərəkətverici qüvvəsi dövlətdirsə, onun təminedici qüvvəsi xalqdır. Ölkəmizdə davamlı inkişafın təmin olunması, müstəqilliyimizin daha da möhkəmləndirilməsi həm də dövlət-xalq birliyinin nəticəsidir. Bu inkişafda fərqlənənlərin dövlət mükafatları ilə təltif olunması isə insan əməyinə verilən qiymətin daha bir ifadəsidir”.
Sonra Ali Məclisin Sədri Azərbaycan Respublikasının orden, medal və fəxri adlarının döş nişanlarını və vəsiqələrini təltif olunanlara təqdim edib.
Təltif olunanlardan Fazil Ələkbərov, İbrahim Rəsulov, Kəmalə Qurbanova, Rasim Hüseynov, Əli Rzayev, Natiq Əliyev və Turqayə Əliyeva minnətdarlıq edərək deyiblər ki, Naxçıvanda ictimai-siyasi və sosial-iqtisadi həyatın bütün sahələrində inkişaf təmin edilib. Bu inkişafda pay sahibi olub dövlət mükafatları ilə təltif olunmaq ikiqat şərəfdir. Təltif olunanlar əmin ediblər ki, ölkə Prezidenti tərəfindən uğurla davam etdirilən inkişaf, tərəqqi və sabitlik yoluna bundan sonra da sadiq qalacaq, göstərilən etimadı öz fəaliyyətləri ilə doğruldacaqlar.




 
Bölməyə aid digər xəbərlər
23.06.2019
Sabah bəzi bölgələrdə 40 dərəcə isti olacaq
23.06.2019
BMT Baş katibinin müavini “ASAN xidmət” mərkəzində olub
23.06.2019
Sabahın hava proqnozu açıqlanıb
22.06.2019
Muxtar respublikada bank sektoru uğurlu nəticələr əldə edir
22.06.2019
Naxçıvanda informasiya və rabitə xidmətlərinin dəyəri 21,5 milyon manatı ötüb

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Yeni naziri kollektivə Ramiz Mehdiyev təqdim etdi
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info