“Rusiyaya qarşı sanksiyalar Avropanın enerji təhlükəsizliyinə təhdiddir“
Tarix: 18.07.2017 | Saat: 17:24:00 | E-mail | Çapa göndər


Qanun layihəsi qəbul olunarsa, "Lukoil" şirkətinin iştirakı səbəbindən Azərbaycandan Avropaya qaz nəqli dayandırıla bilər
Rusiya qarşı yürüdülən sanksiyalar ABŞ şirkətlərinə xeyir qazandıra, eyni zamanda Avropanın enerji təhlükəsizliyinə zərbə vura bilər, buna görə, yeni hazırlanan qanun layihəsinin indiki redaksiyada qəbul edilməsi yolverilməzdir.
"APA-Economics" xəbər verir ki, bu barədə alman diplomat, Münhen Təhlükəsizlik Konfransının sədri Volfqanq İşinger "Wall Street Journal" nəşrində dərc olunan məqaləsində yazıb.
Onun sözlərinə görə, Rusiyaya qarşı yürüdülən sanksiyalar məqsədinə çatmayacaq, lakin yeni problemlərin yaranması qaçılmazdır. "Qanun layihəsinə detallı şəkildə yenidən baxılmazsa, Avropanın enerji təhlükəsizliyi ciddi təhdidlə üzləşəcək. Bu isə Avropa ilə ABŞ arasında mövcud olan münasibətlərə təsirsiz ötüşməyəcək. Yaranmış vəziyyət yalnız Rusiyaya sərf edəcək", - müəllif yazır.
V. İşinger əlavə edib ki, ABŞ-ın qanunvericilik orqanı tərəfindən hazırlanan qanun layihəsi Vaşinqtonun maraqlarına xidmət edir və Avropanın maraqlarını nəzərə almır. Belə ki, Rusiyaya qarşı yürüdülən sanksiyalar həm rus, həm də avropalı şirkətlərin iştirak etdiyi "Şimal axını - 2" layihəsinə də təsir edir. Diplomat yazır ki, adıçəkilən boru kəmərinin tikintisinə dair iddialar həddən artıq şişirdilib: "Bu məsələ Vaşinqtonda həll olunmamalıdır. "Şimal axını - 2" Avropanın öz işidir və onun tikintisini Avropa qanunlarına istinadən avropalılar müzakirə etməlidir. Məsələn, avropalılar "Keystone XL" boru kəmərinin əleyhinə, özü də Avropa biznesinin lehinə qanun qəbul etsəydi, ABŞ buna necə reaksiya verərdi?"
Sədr əlavə edir ki, qanun layihəsi ABŞ-ın başqa ölkələrdə fəaliyyət göstərdiyi şirkətlərinə də neqativ təsir edəcək. "Belə ki, "Lukoil" şirkətinin iştirakı səbəbindən Azərbaycandan Avropaya qaz nəqli dayandırıla bilər. Bu isə Avropa İttifaqının enerji təhlükəsizliyinə ciddi təhdiddir. ABŞ şirkətləri isə bütün dünya üzrə Rusiya şirkətləri işbirliyini dayandırmalı olacaq", - deyə o qeyd edib.
V. İşinger onu da deyib ki, sözügedən sənədin qəbul olunması Rusiyanın iştirakı ilə Qazaxıstandan neft ixracının 2/3-nin dayandırılmasına səbəb ola bilər: "Rusiyadan Avropaya bu həcmdə neft-qaz ixracının dayandırılması yolverilməzdir. Onların alternativi yoxdur".
Qeyd edək ki, "Lukoil" "Şahdəniz" layihəsində və Cənubi Qafqaz Boru Kəməri şirkətində 10% iştirak payına malikdir.

Mahmud




 
Bölməyə aid digər xəbərlər
23.09.2018
İrəvanda “ölü canlar” da seçki bülletenlərinə salınıb
22.09.2018
Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”
21.09.2018
“Jamanak“: «KTMT İrəvanın bu təşkilatdan ümid gözləməməsini bəyan edir»
20.09.2018
Moldovada Dnestryanı bölgə ilə bağlı referendum keçiriləcək
20.09.2018
Sevak Akobyan: ”Hakimiyyət KİV-ə təzyiqi artıracaq”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info