“Azərbaycan ərazisinin 20 faizi Ermənistan tərəfindən işğal edilib”
Tarix: 19.07.2017 | Saat: 00:11:00 | E-mail | Çapa göndər


“Əl-Cəzirə”:
“Ermənistan silahlı qüvvələrinin təmas xəttinə yaxın ərazilərdə yerləşmiş azərbaycanlı mülki əhalini məqsədyönlü şəkildə hədəf alması beynəlxalq humanitar hüququn pozulmasıdır”

Səudiyyə Ərəbistanının nüfuzlu qəzetlərindən biri olan “Əl-Cəzirə” qəzetində “Ey Vətən, ürəyimizdəsən!” sərlövhəli məqalə dərc olunub.
Müəllifi Azərbaycan Respublikasının Səudiyyə Ərəbistanı Krallığındakı səfiri Rasim Rzayev olan məqalədə Azərbaycan xalqının sülh və ədalət uğrunda mübarizə apardığı, ölkəmizin Ermənistan tərəfindən hərbi təcavüzə məruz qaldığı, vətəndaşlarımızın doğma yurd-yuvalarına qayıdacağı günü səbirsizliklə gözlədiyi oxucuların diqqətinə çatdırılıb. Müəllif Ermənistan-Azərbaycan, Dağlıq Qarabağ münaqişəsi ilə bağlı oxuculara geniş məlumat verib, hərbi təcavüz nəticəsində ölkəmizin ərazisinin 20 faizinin işğal edildiyini, bir milyondan çox vətəndaşımızın qaçqın və məcburi köçkünə çevrildiyini qeyd edib. Məqalədə Ermənistanın Azərbaycana qarşı hərbi təcavüzü və işğalçı dövlətin son günlərdə qoşunların təmas xəttində vəziyyəti gərginləşdirməsi barədə məlumat verilib, ölkəmizin mövqeyini dəstəklədiyinə və Ermənistanla diplomatik əlaqələr qurmaqdan imtina etdiyinə görə Krallığın xalqına və rəhbərliyinə minnətdarlıq ifadə olunub. Bu addımın Azərbaycan xalqı və rəhbərliyi tərəfindən yüksək qiymətləndirildiyi diqqətə çatdırılıb, beynəlxalq təşkilatlar çərçivəsində hərbi təcavüzü pisləyən, işğal olunmuş ərazilərin azad edilməsini və qaçqın və məcburi köçkünlərin öz doğma torpaqlarına qaytarılmasını tələb edən sənədlərin qəbulunda Krallığın xüsusi rolu qeyd olunub. Müəllif Ermənistan silahlı qüvvələri tərəfindən Füzuli rayonunun Alxanlı kəndi istiqamətində minaatanlardan və dəzgahlı qumbaratanlardan açılmış atəş nəticəsində kənd sakinləri Allahverdiyeva Sahibənin və onun iki yaşlı nəvəsi Quliyeva Zəhranın həlak olduqlarını, Quliyeva Sərvinazın isə ağır yaralandığını bildirib. Bu hadisənin təmas xəttinin beş kilometrliyində baş verdiyini, qanlı cinayətin müharibə qaydalarının pozulması ilə törədilən mülki əhalinin qətli aktı olduğunu, hədəfə alınan Alxanlı kəndinin təmas xəttindəki hərbi mövqelərdən uzaq məsafədə yerləşməsinin düşmən qüvvələrinin mülki obyekti məqsədyönlü şəkildə seçməsini sübut etdiyini vurğulayıb. O, Ermənistan silahlı qüvvələrinin təmas xəttinə yaxın ərazilərdə yerləşmiş azərbaycanlı mülki əhalini məqsədyönlü şəkildə hədəf almasının beynəlxalq humanitar hüququn pozulması kimi qiymətləndirilməsinin vacibliyini və bu kimi vəhşiliklərə bəraət qazandırmanın mümkün olmadığını qeyd edib.
Cavidan




 
Bölməyə aid digər xəbərlər
21.08.2019
Əli Kərimlinin hərəkətləri şəhidlərimizə, onların yaxınlarına hörmətsizlikdən başqa bir şey deyil
21.08.2019
Mühacirlərin internet TV-ləri haradan maliyyələşir?
20.08.2019
Saakaşvili: “Qarabağ Azərbaycandır, bütün dünya bu fikirdədir”
20.08.2019
Xalq “5-ci kolon”a şans verməyəcək
20.08.2019
Ordumuzda olan, 3000 metr məsafədə helikopteri məhv edən “İqla S“ raket kompleksi

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 Bakıdan avtobusla Naxçıvana gedənlərə şad xəbər
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info