Yüksək Texnologiyalar Parkı mühüm əməkdaşlıq platformasına çevriləcək
Tarix: 24.07.2017 | Saat: 20:16:00 | E-mail | Çapa göndər


Azərbaycanın uzunmüddətli inkişaf konsepsiyasının mühüm hədəflərindən biri respublikamızda biliklər cəmiyyətinin qurulmasıdır. Bunun üçün ən mühüm faktor sosial tərəqqi modeli kimi “elm-təhsil-istehsalat qızıl üçbucağı”nın yaranmasına nail olmaqdır. Bu isə elm və təhsilin tədris prosesində, texnoparklarda, elmi-tədqiqat laboratoriyalarında birgə iştirakı, həmçinin kadr potensialının və maddi-texniki bazanın imkanlarının məqsədyönlü əlaqələndirilməsini tələb edir. Azərbaycan Milli Elmlər Akademiyasının (AMEA) ötən ilin dekabrında keçirilən ümumi yığıncağının və Təhsil Nazirliyinin kollegiyasının birgə elmi sessiyasının nəticələri bunu bir daha təsdiqləyir. Sessiyada səslənən fikirləri və irəli sürülən təklifləri nəzərə alaraq, elm və təhsilin inteqrasiyası üzrə birgə Fəaliyyət Planı qəbul olunub. Sənədin mühüm bəndlərindən biri AMEA-nın Yüksək Texnologiyalar Parkının fəaliyyət profili üzrə elmi tədqiqat və təcrübə-konstruktor imkanlarının ali təhsil müəssisələri ilə əməkdaşlıq platformasına çevrilməsi istiqamətində zəruri tədbirlərin həyata keçirilməsidir.
AZƏRTAC xəbər verir ki, iyulun 24-də AMEA-nın prezidenti, akademik Akif Əlizadə, təhsil naziri Mikayıl Cabbarov və digər rəhbər vəzifəli şəxslər Yüksək Texnologiyalar Parkında olublar. Tədbir burada yaradılmış Texnologiyaların və İnnovasiya Məhsullarının Transferi Mərkəzi, o cümlədən parkın potensial rezidentlərinin fəaliyyəti ilə tanış olmaq məqsədilə təşkil edilib.
Əvvəlcə tədbir iştirakçıları AMEA-nın Təcrübə-Sənaye Zavodunun və “Millers-Oils Azərbaycan” MMC-nin yağ istehsal sahələrinə və hazır məhsul anbarlarına baxıblar. Sonra pilotsuz uçan aparatların istehsal sahələri, parkın mərkəzləşdirilmiş analitik laboratoriyası, o cümlədən radio ekoloji monitorinq sisteminə baxış keçirilib. Azərbaycan Dövlət Neft və Sənaye Universiteti, Bakı Ali Neft Məktəbi və Bakı Mühəndislik Universitetinin (BMU) bakalavriat və magistrantlarından ibarət qrupların yaradılaraq Yüksək Texnologiyalar Parkında perspektiv layihələrə cəlb edilməsi tədbir iştirakçılarının maraq və rəğbətinə səbəb olub.
Tədbirdə ölkəmizdə elm və təhsil sahəsinə cavabdeh iki qurumun – AMEA və Təhsil Nazirliyinin gələcəkdə də birgə əməkdaşlığının vacibliyi vurğulanıb. Bildirilib ki, elm və təhsil müəssisələri üçün mühüm əməkdaşlıq platforması kimi Yüksək Texnologiyalar Parkının imkanlarından geniş istifadə etmək məqsədilə layihələr həyata keçiriləcək. AMEA ilə BMU arasında imzalanmış əməkdaşlıq müqaviləsinə əsasən yaxın vaxtlarda Biznes İnkubasiya Mərkəzinin açılışı gözlənilir.
Mahmud




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10490

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info