“Dövlət gənclərin inkişafı üçün yetərincə şərait yaradıb”
Tarix: 30.04.2013 | Saat: 23:32:00 | E-mail | Çapa göndər


Turqay Həsənəliyev: “Bu gün Azərbaycanın əldə etdiyi uğurlar,
beynəlxalq arenada böyük nüfuza sahib olması, regionun liderinə
çevrilməsi bəzi dairələri narahat etməyə başlayıb”


Müsahibimiz Sağlam Gəncliyə Doğru İctimai Birliyinin sədri Turqay Həsənəliyevdir

- Sağlam Gəncliyə Doğru İctimai Birliyi nə vaxtdan fəaliyyət göstərir?
- Təşkilatımız 2006-cı ildə yaranarkən rəsmi dövlət qeydiyyatından keçmədiyindən qrup şəklində fəaliyyətə başlayıb. Lakin 2011-ci ildə təşkilat rəsmi dövlət qeydiyyatına alındı. Sağlam Gəncliyə Doğru İctimai Birliyi bir çox layihələr həyata keçirib. Universitetlerdə ingilis dili danışıq dərsləri, DEBAT kursları təşkilatımız tərəfindən təşkil edilib. Qrupumuz nümayəndələrimizin şəxsi səyləri nəticəsində Avropanın hal-hazırkı ən tanınmış qrant elanlarının yer aldığı “Gənclər fəaliyyətdə” proqramının koordinatorlarından biri ilə birbaşa əlaqə yaradaraq 5 il öncə bu proqrama qoşulub. Həm öz ölkəmizdə, həm də digər ölkələrdəki layihələrə qatıldıq və indiyə kimi də bu layihələrə qoşulmağa davam edirik. Bundan başqa, nümayəndələrimizdən bəziləri Dünya Gənclər Konqresinə Azərbaycandan qatılan çox az iştirakçılar arasındadırlar.
- Hazırda dövlət gənclərin inkişafı üçün yetərincə şərait yaradıbmı?
- Bəli, hazırda dövlət gənclərin inkişafı üçün yetərincə şərait yaradıb. Gənclərin özlərini bütün sahələrdə inkişaf etdirməsi üçün lazım olan bütün istiqamətlər cənab Prezident İlham Əliyevin qəbul etdiyi “Azərbaycan gəncliyi 2011-2015-ci illərdə” Dövlət Proqramında öz əksini tapıb. Dövlətin gənclər siyasəti ona yönəlib ki, gənclər sağlam intellektual mühitdə formalaşsınlar.
- Gənclər öz potensialını üzə çıxara bilirmi?
- Bu sahədə çox mühüm işlər görülüb. Azərbaycanda Gənclər Fondunun yaradılması gənclərə və gənclər təşkilatlarına yeni nəfəs gətirdi. Azərbaycan Gənclər Fondu dövlətin gənclər siyasətinin bir hissəsidir. Fond gənclərə öz ideyalarını reallaşdırmağa imkan yaradır. Bu təcrübə regionda ilk dəfə məhz Azərbaycanda reallaşdı. Buna qədər və indi də Gənclər və İdman Nazirliyi gənclər təşkilatlarına və gənclərə daim öz dəstəyini göstərib.
- Region gəncləri hansı ictimai-siyasi fəallıq göstərirlər?
- Biz hər dəfə çalışırıq ki, region gənclərini öz tədbirlərimizə cəlb edək. Əvvəlki vaxtlardan fərqli olaraq region gənclərinin ictimai-siyasi proseslərdə iştirakında fəallıq müşahidə olunur. Lakin bunu bütün gənclər haqqında demək olmaz. Aktiv və passiv gənclər var. Passiv gənclərin aktiv olmaları üçün onları ictimai-siyasi proseslərə cəlb etmək lazımdır. Bunun da yolu regionda keçirilən tədbirlərin, layihələrin artırılmasıdır.
- Müxtəlif antimilli qrupların təsiri altına düşmüş gənclərə bu yoldan qayıtması üçün nə deyərdiniz?
- Onlara gedən proseslərə diqqətlə fikir vermələrini tövsiyə edərdim. Bu gün Azərbaycanın əldə etdiyi uğurlar, beynəlxalq arenada böyük nüfuza sahib olması, regionun liderinə çevrilməsi bəzi dairələri narahat etməyə başlayıb. Öz planlarını həyata keçirmək üçün bəzi gənclərdən istifadə edirlər. Əlbəttə ki, sağlam düşüncəli gənc belə proseslərdə öz dövlətçiliyinə sadiq qalmalıdır.
- Azərbaycan gəncliyi bu gün nə dərəcədə dövlət qayğısı ilə əhatə olunub?
- Mən deyərdim ki, hər sahədə dövlətin qayğısını hiss etmək mümkündür. Hər il bir sahənin prioritet istiqamət seçilməsi buna nümunədir. Məsələn, bu ilin “İKT ili” olması İKT sahəsinin daha da inkişaf etməsinə gətirib çıxarır. Xaricdə təhsil proqramını da buna nümunə göstərmək olar. Hər il neçə-neçə gənclərimiz dövlət proqramından istifadə edərək xaricdə pulsuz təhsil alır. Regionlarda gənclər evləri fəaliyyət göstərir. Bunlar hamısı dövlətin gənclərə olan qayğısıdır.
- Azərbaycan gəncliyi bu qayğının cavabını öz əməli fəaliyyəti ilə verə bilirmi?
- Çalışır. Lakin bundan da artıq çalışmaq lazımdır. Demək istəyirəm ki, bu gün Azərbaycanda intellektual, dünyagörüşü zəngin bir gənclik yetişir. Dövlətin istəyi də elə bu istiqamətdədir.
- Sizcə, gənclərin daha da maariflənməsi və ictimai fəallığının artırılması istiqamətində hansı tədbirlər görülməlidir?
- Gənclər bu işdə özləri də maraqlı olmalıdırlar. Çünki bu günün gənci sabahın hansısa məmuru, müəllimi, həkimi və başqa peşə sahibləridirlər. Onların fəallığı gələcək fəaliyyətlərinə birbaşa təsir göstərir. Müxtəlif layihələrdə və proseslərdə iştirak etmək onlarda təcrübə baxımından müsbət nəticələr verir. Bir də bu gün Azərbaycanda könüllülük işində mühüm irəliləyişlər var. Zaman keçdikcə daha da yaxşılaşacağına inanıram. Çünki könüllü olmaq insanın gələcək karyerasında da müsbət nəticə verir.
- Təşkilatınız bu və ya digər istiqamətlərdə hansı işlər görür?
- Sağlam Gəncliyə Doğru İctimai Birliyi layihələrini əsasən regionlarda keçirir. Buna səbəb region gənclərinin də maariflənməsidir. Hətta Bakıda olan layihələrdə də biz hər dəfə region gənclərini yaddan çıxarmırıq. Yeri gəlmişkən, qarşıda bizi çox maraqlı layihə gözləyir. Layihənin adı “Sağlam gəncliyə doğru addımla” düşərgəsidir. Layihə Azərbaycan Gənclər Fondunun maliyyə dəstəyi ilə həyata keçiriləcək. Düşərgə ərəfəsində iştirakçılara sağlam həyat tərzi, sağlam cəmiyyətə inteqrasiya, narkomaniya, sosial inteqrasiya, erkən evlilik, ətraf mühitin mühafizəsi, gənclərin sosial-iqtisadi inkişaf proseslərində iştirakı mövzularında təlimlər keçiriləcək. Düşərgənin Masallı şəhərində keçirilməsi və iştirakçıların bölgələrdən seçilməsi nəzərdə tutulur. Düşərgənin bölgə gənclərinin sosial aktivliyinin artırılması və cəmiyyətə inteqrasiya prosesində gözəl töhfə verəcəyinə inanırıq.
Fuad HÜSEYNZADƏ




 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10561

1 “Azərbaycan güclü ölkə kimi dünya miqyasında özünü təsdiqləyib”
2 Xocalı tarixi və mədəniyyəti
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycan Dövlət Pedaqoji Universitetində doktoranturaya və dissertanturaya qəbul başlanıb
5 Azərbaycanın qonşu ölkələrlə əlaqələri yüksək səviyyədədir


16.01 08:19 “Gənclərin sosial dünyası” layihəsinin təlimlərinə start verilib Azərbaycan Respublikasının Gənclər Fondunun (AZGF) maliyyə, “Mingəçevir Gənclər Evi” Sosial Xidmət Müəssisəsinin təşkilati dəstəyi və Turqut Əlibəylinin rəhbərliyi ilə “Gənclərin sosial dünyası” layihəsinin ilk təlimi keçirilib. AZƏRTAC Gənclər Fondunun saytına istinadla xəbər verir ki, layihənin əsas məqsədi gənclərdə internet mediaya marağın artırılması və onlara sosial şəbəkələrdən düzgün istifadə qaydalarının aşılanmasıdır. Bu münasibətlə keçirilən tədbirdə çıxış edən layihə rəhbəri T.Əlibəyli bildirib ki, asudə vaxtlarının böyük hissəsini sosial şəbəkələrdə keçirən gənclər faydalı səhifələrdən istifadə etməklə daha geniş dünyagörüşünə sahib olmaları üçün çalışacaqlar. Təlimin ilk günündə şəhərin müxtəlif təhsil müəssisələrində təhsil alan gənclər iştirak ediblər. Təlimçi Rəşad Qurbanov gənclərə sosial şəbəkələrlə bağlı məlumat verib və onların suallarını cavablandırıb. Həmçinin sosial şəbəkələrin faydalı tərəfləri, xüsusən “Facebook”dan istifadə qaydaları haqqında iştirakçılara praktiki məlumatlar verib. Layihə çərçivəsində 3 təlim nəzərdə tutulub.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info