«Epress.am» : ”Ermənistan şagirdləri təhsil olimpiadalarında ən son yerləri tuturlar”
Tarix: 25.07.2017 | Saat: 19:18:00 | E-mail | Çapa göndər


Ermənistanın bugünkü təhsili barədə danışan sosioloq Janna Andreasyan bu sahədə ciddi problemlərin olduğunu qeyd edir. Ermənistandakı təhsilin geriyə getdiyini deyən sosioloq qadın ölkədəki məzun və tələbələrin əldə etdikləri pis nəticələri önə çəkir. Maraqlıdır, bu gün Ermənistanda ümumtəhsil hansı səviyyədədir? Erməni tələbələr müxtəlif beynəlxalq yarışlarda hansı uğura imza ata biliblər? «Epress.am» saytının son zamanlar erməni gənclər arasında ali məktəblərə qəbul səviyyəsinin aşağı düşdüyü və bunun səbələri barədə sualını cavablandıran erməni qadın sosioloq bunu bir neçə problemlə əlaqələndirir: «İlk olaraq, mən bunu ölkədəki miqrasiyaya səbəb olan demoqrafik problemlə əlaqələndirirəm. Bundan başqa, ölkədəki doğum səviyyəsinin aşağı düşməsi də bu məsələdə önəmli yerlərdən birini tutur. Belə ki, son illər məktəb və kolleclərə qəbul olmaq istəyənlərin sayında azalmalar müşahidə edilməkdədir. Ümumiyyətlə, bu sahədəki problemlərin çoxsaylı olduğunu qeyd edərkən, pulun da vacib olduğu vurğulanmalıdır. Bizim cəmiyyətdə artıq «Sizin orta təhsildən ali məktəbə keçid üçün hazırlıq kursuna ödəniş etmək üçün maliyyəniz bəs edəcəkmi?»-kimi sualların səslənməsi adi hal alıb.
Başqa səbəb kimi isə orta məktəblərdəki aşağı göstəricilərin mövcudluğu, təbii ki, cəmiyyətimiz üçün yeni bir fenomen deyil. Məni təəccübləndirən isə bu bərədə səs-küyün bu gün az da olsa qaldırılmasıdır. Bizim məktəblər müxtəlif beynəlxalq tədqiqatlara cəlb olunsalar da, reallıq budur ki, hələ də onlar aşağı nəticələr göstərməkdə davam etməkdədirlər. Nümunə üçün bildirim ki, nüfuzlu TIMSS-ın («Riyaziyyat və elmi təhsilin keyfiyyətinin beynəlxalq monitorinqi) keçirdiyi və Ermənistan şagirdlərinin də qatıldığı olimpiadada bizim uşaqlar 180 ölkə arasında ən son yerləri tutublar».
Janna Andreasyan Ermənistandakı təhsilin aşağı səviyyəsinin başqa bir səbəbini isə ölkədəki təhsil fərqinin artması və müəllim çatışmazlığında görür: «Hazırda bu sahədə heç bir sistemləşdirilmiş siyasət mövcud deyil. Ölkənin bəzi əyalət kəndlərində təhsil sisteminin səviyyəsi ilə, şagirdlərin təhsilə davamiyyəti ilə maraqlanan belə, yoxdur. Bu çox ciddi problem kimi qəbul edilməlidir. Doğrudur, ölkədə bəzi vidiodərsliklər, ayrı-ayrı məktəblərdə sessiyalar təşkil edilməsi təşəbbüsləri irəli sürənlər var. Lakin bunlar hələ də təşəbbüs olaraq qalır».

Ağasəf Babayev




 
Bölməyə aid digər xəbərlər
21.02.2019
İranın Hərbi Dəniz Qüvvələri genişmiqyaslı təlimlərə başlayıb
21.02.2019
Paşinyan yeni müxalifət formalaşdırmaq istəyir
21.02.2019
Türkiyə Ermənistanla sərhəddə genişmiqyaslı hərbi təlimlər keçirir
20.02.2019
ABŞ və Türkiyə razılığa gələ bilmir
20.02.2019
“Lazarev klubu” erməniləri qane etmir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10609

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info