KİV işçiləri: “Bizə ikiqat bayram sevinci yaşadan Prezidentimizə ürəkdən minnətdarıq”
Tarix: 25.07.2017 | Saat: 21:13:00 | E-mail | Çapa göndər


Milli Mətbuat Günü münasibətilə jurnalistlər üçün tikilən ikinci yaşayış binasının istifadəyə verilməsi geniş ictimai rezonans doğurub. Jurnalist kollektivləri, yeni binadan mənzil alan KİV işçiləri bu dəyərli hədiyyəyə, onlara ikiqat bayram sevinci yaşatdığına görə Prezident İlham Əliyevə təşəkkür məktubları ünvanlamaqda davam edirlər.
AZƏRTAC Prezidentin rəsmi saytına istinadla xəbər verir ki, məktub müəllifləri şəxsi vəsaiti ilə mənzil almaq imkanı olmayan jurnalistlərin mənzil-məişət şəraitinin yaxşılaşdırılması istiqamətində atılan addımları, dövlətimizin başçısının mətbuata dəstəyini yüksək dəyərləndirir, səmimi minnətdarlıq duyğularını çatdırırlar. Məktublarda Prezident İlham Əliyevin mətbuatın yaxın dostu olduğu, medianın hərtərəfli diqqət və qayğı ilə əhatə edildiyi xüsusi vurğulanır. Həmçinin belə bir yekdil fikir ifadə olunur ki, bu yüksək etimad müqabilində mətbuat işçiləri üzərinə düşən vəzifələrə daha məsuliyyətlə yanaşacaq, milli maraqları daha qətiyyətlə müdafiə edəcəklər.
Prezidentə minnətdarlıq məktubu ünvanlayan jurnalist kollektivləri arasında AZƏRTAC da var. Agentliyin Baş direktoru Aslan Aslanov ulu öndər Heydər Əliyevin mətbuata böyük önəm verdiyini, KİV-in inkişafında müstəsna xidmətlərini xatırladaraq yazır: “Zati-aliləri, əsası xalqımızın ümummilli lideri Heydər Əliyev tərəfindən qoyulmuş mətbuata dövlət qayğısının Sizin müdrik rəhbərliyinizlə uğurla davam etdirilməsi nəticəsində KİV-in inkişafı, jurnalistlərin sosial-məişət şəraitinin yaxşılaşdırılması istiqamətində ardıcıl tədbirlər görülür. Mətbuat işçiləri üçün iki yaşayış binasının tikilməsi və üçüncü binanın təməlinin qoyulması ölkəmizdə bu sahəyə ən yüksək diqqət və qayğının parlaq nümunəsi olmaqla yanaşı, media işçilərini daha şövqlə işləməyə ruhlandırır. Bu, Sizin dünyada analoqu olmayan çox nəcib təşəbbüslərinizdən biridir”.
Məktubda ölkə mediasının 255 nümayəndəsinin, o cümlədən AZƏRTAC-ın bir qrup əməkdaşının evlə təmin edilməsinə görə agentliyin kollektivi adından dərin minnətdarlıq ifadə olunur. Həmçinin vurğulanır ki, mətbuat, söz və fikir azadlığının inkişafına yaradılan şərait kollektivi daha əzmlə çalışmağa, üzərinə düşən vəzifələri yüksək səviyyədə yerinə yetirməyə səfərbər edir.
Daha bir məktuba nəzər salaq: “Möhtərəm cənab Prezident, müstəqil Azərbaycan dövlətinin qurucusu ulu öndər Heydər Əliyev siyasətinin layiqli davamçısı olaraq Siz dünyada yaşayan bütün azərbaycanlıların güvən yeri, hər təbəqədən olan insanların böyük qayğıkeşi və hamisisiniz. Biz bunu öz gündəlik həyatımızda daim hiss edirik. Sizin rəhbərliyinizlə Azərbaycan gündən-günə inkişaf edir, möhkəmlənir. Biz bu ölkədə yaşayıb–yaratmağımızla fəxr edir, Sizinlə qürur duyuruq”. Bu sətirlər Ağahüseyn Şükürovun məktubundan götürülüb. O yazır ki, jurnalistika sahəsində çalışan yüzlərlə həmkarı kimi, media işçiləri üçün tikilmiş ikinci binada mənzillə təmin edilməsi ailəsi tərəfindən böyük sevinclə qarşılanıb. Bu sevinc hisslərini bölüşən jurnalist dövlətimizin başçısına ailə üzvlərinin dərin təşəkkürünü çatdırır.
Dövlət başçısından mənzil hədiyyə almağın çox böyük sevinc və qürur doğurduğunu vurğulayan digər məktubun müəllifi Firuzə Rəsulova Prezidentə müraciətlə yazır: “Jurnalistlər üçün tikdirdiyiniz ikinci binadan mənə də mənzil hədiyyə etdiniz. Bir insanın ən zəruri ehtiyacının – mənzilə olan tələbatının ödənilməsi, əlbəttə, xoşbəxtlikdir. Bu xoşbəxtliyi bəxş edənin savabı isə sonsuzdur. Siz bu savabı qazandınız. İllərlə mənzil gözləyənlərin xəyalını gerçəyə çevirdiniz”.
Bu bəxtiyarlıq duyğusunun ömür boyu unudulmayacağını qeyd edən Firuzə Rəsulovanın fikrincə, “Jurnalist şəhərciyi”ndə mənzil sahibi olmağın mənəvi dəyəri maddi dəyərindən çox-çox üstündür. Bu, həmçinin onu göstərir ki, Prezidentimiz insanın, insanlığın, onun sabahının, bütövlükdə Azərbaycanın gələcəyinin qayğısını çəkir.




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10141

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info