Ərdoğan: “Qərbin Türkiyəyə qarşı planı nəticəsiz olacaq”
Tarix: 25.07.2017 | Saat: 23:36:00 | E-mail | Çapa göndər




“Ya Türkiyə ilə hörmətlə davranacaqsınız, ya da istədiyiniz cavabı alacaqsınız”

“İnşallah, S-400-ləri ölkəmizdə görəcəyik və ortaq istehsalını da həyata keçirəcəyik”

“Almaniya firmalarının Türkiyə iqtisadiyyatına sərmayə qoymayacağı, ölkəmizdən çıxacağı ilə bizi təhdid edirlər. Bizi bununla qorxuda bilməzlər”. Bunu hakim Ədalət və İnkişaf Partiyasının (AKP) qrup toplantısında Türkiyə prezidenti Rəcəb Tayyib Ərdoğan bildirib. Ərdoğan deyib ki, alman şirkətləri on illərdir Türkiyədə fəaliyyət göstərir və gəlir qazanırlar: “Bu əməkdaşlıq qarşılıqlı faydaya əsaslanıb. Ancaq bizi Türkiyədən gedəcəkləri ilə təhdid edirlər. Dünyada artıq firma yox, firmalar var. Biri gedərsə, yerinə başqaları gələr. Bunlar indi Türkiyəni diqqət mərkəzinə gətirməyə çalışırlar. Bunlar əvvəl də əslində cəhd ediblər, bir nəticə qazana bilməyiblər. Almaniyanın hansısa naziri Türkiyəyə zərər verə biləcəkləri barədə danışır. FETÖ, “İŞİD” vasitəsi ilə, Gəzi olayları və başqa yollarla Türkiyəyə ziyan vurmağa çalışdılar, bir nəticə əldə edə bilmədilər. İndi də PKK terror təşkilatının Suriya qolu PYD/YPG, yəni adını Suriya Demokratik Gücləri qoyduqları terror təşkilatına ümid bəsləyirlər. Ancaq buna da çox həvəslənməsinlər”. Ərdoğan nəzərə çatdırıb ki, Türkiyədə heç bir Almaniya şirkəti ilə bağlı təhqiqat, araşdırma aparılmır: “Gəlib birgə araşdırma aparmağa da dəvət etdim. Almaniya şirkətlərinə qarşı heç bir addım atılmayıb. Türkiyəyə sərmayə axını davam edir. Müdafiə sənayesinə gəlincə, Türkiyə bu sahədə böyük uğurlar əldə edib. Bir neçə əsas məsələ ilə bağlı da nəticə əldə edəndən sonra Türkiyənin bu sahədə heç kimə ehtiyacı olmayacaq”. ABŞ Silahlı Qüvvələrindəki bəzi komandanların Türkiyənin Rusiyadan S-400 hava hücumundan müdafiə sistemləri almasından narahatlıq keçirməsinin anlaşılmaz olduğunu söyləyən Türkiyə prezidenti NATO üzvü olan Yunanıstanın illərdir S-300 hava hücumundan müdafiə sistemlərindən istifadə etdiyini xatırladıb: “İnşallah, S-400-ləri ölkəmizdə görəcəyik və ortaq istehsalını da həyata keçirəcəyik. Bir məqamı da qeyd edim.

“Qərb istəyir ki, Türkiyə boynunu büküb otursun. Qərb istəyir ki, maraqları təmin olunsun, Türkiyənin heç bir marağı nəzərə alınmasın. İstəyirlər ki, bir şillə atanda, vurmaları üçün sifətimizin digər tərəfini çevirək. Artıq elə bir Türkiyə yoxdur”

Türkiyədə fövqəladə vəziyyətin müddətinin uzadılmasından niyə narahat olurlar? ABŞ-da ayrıca ştatlar fövqəladə vəziyyət elan edir. Biz terror təhdidi ilə əlaqədar fövqəladə vəziyyət elan etmişik, niyə narahat olursunuz? Türkiyəni embarqo ilə qorxudacaqlarını düşünürlərsə, yanılırlar. Türkiyə sadəcə Türkiyə deyil. Türkiyənin arxasında Avropadan Asiyaya, dünyada hər yerdə bir dəstək var. Türkiyə ilə təhdid dilində danışmayın, bununla heç nəyə nail ola bilməzsiniz. Düşünürlər ki, Türkiyəni bir küncə sıxaraq, hər hansı istəklərinə nail olacaqlar. Yanılırlar. Biz qarşılıqlı faydalı əməkdaşlığa hazırıq. Yetər ki, qarşımızdakılar da o məntiqlə hərəkət etsin”. Türkiyə prezidenti son dövrlər ABŞ-da, Avropada Türkiyəyə qarşı bir mənfi yanaşma müşahidə olunduğunu vurğulayıb: “Qərb istəyir ki, Türkiyə boynunu büküb otursun. Qərb istəyir ki, maraqları təmin olunsun, Türkiyənin heç bir marağı nəzərə alınmasın. İstəyirlər ki, bir şillə atanda, vurmaları üçün sifətimizin digər tərəfini çevirək. Artıq elə bir Türkiyə yoxdur. Almaniya hökuməti Türkiyə prezidentinə ölkəsində danışmağa imkan verməyəcək, ancaq casusları Türkiyədə istədiklərini edəcək?! Ya Türkiyə ilə hörmətlə davranacaqsınız, ya da istədiyiniz cavabı alacaqsınız”. Türkiyə prezidenti ölkədəki suriyalı qaçqınlarla bağlı ictimaiyyətdə məqsədli mənfi rəy yaradılmasına çalışıldığını bildirib: “Statistika göstərir ki, suriyalılar daha az cinayət törədirlər. Ancaq suriyalılar barədə Türkiyə cəmiyyətində mənfi rəy yaratmağa çalışırlar və bunun arxasında hansı qüvvələrin olduğu da bizə məlumdur. 15 iyul hərbi çevriliş cəhdinin qarşısını almışıq, bunlar bizim üçün çox xırda şeylərdir. Biz ilk növbədə özümüzü, partiyamızı yeniləməliyik. Son günlər “cihad”, “cihad” deyildiyi eşidilir. Cihad silahla deyil, ilk növbədə nəfislə mübarizə aparmaqdır. İnanıram ki, nəfisimizlə apardığımız mübarizə ilə yenidən özümüzü təzələyəcəyik, xalqımızın dəstəyini heç vaxt itirməyəcəyik. Nə zaman “status-kvo”nu qorumağa çalışacağıq, deməli, o zaman yolun sonuna gəlmişik. Hər zaman yenidən mübarizə ruhunda olmalıyıq. Yalnız bu halda 2019-da istədiyimiz nəticəni əldə edəcəyik. AKP-nin uğuru Türkiyənin uğuru olacaq. Yenilənmə prosesini aparmalıyıq. Bunun üçün qurultaya hazırlıq prosesini başlatmışıq. AKP-nin hansı yerli təşkilatları bizim ideyalarımız, davamız uğrunda mübarizə aparmırlarsa, bizə ziyan verirlər. Biz buna yol verə bilmərik. 2019-cu il bir qırılma nöqtəsidir. Parlament seçkilərini qazanmaq bizim üçün asan məsələdir. 2019-cu ildə prezident seçkilərində 50+1 səs almalıyıq. Bunun məsuliyyəti də böyükdür, ölkə üçün daha çox xidmət etməliyik”.
Anar




 
Bölməyə aid digər xəbərlər
23.09.2018
Düşmənlər İranda vəziyyəti gərginləşdirə bilməyəcəklər
22.09.2018
Türkiyə Prezidenti Rəcəb Tayyib Ərdoğan TEKNOFEST festivalına qatılıb
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info