Massaçusets Texnologiya İnstitutunun proqram meneceri BANM-də olub
Tarix: 28.07.2017 | Saat: 19:53:00 | E-mail | Çapa göndər


Bakı Ali Neft Məktəbinin (BANM) rektoru Elmar Qasımov Massaçusets Texnologiya İnstitutunun (MTİ) Beynəlxalq Elm və Texnologiya Təşəbbüslərinin (MISTI) Avrasiya üzrə proqram meneceri və qlobal səviyyədə start-up laboratoriyalarının rəhbəri Yekaterina Zabrovskaya ilə görüşüb.
BANM-dən AZƏRTAC-a bildiriblər ki, görüşdə SOCAR-AQŞ-nin baş direktoru Ramin İsayev, Massaçusets Texnologiya İnstitutunun məzunu Ramil Məhərrəmov və BANM-in ömürboyu təhsil fakültəsinin dekanı Rəna Mustafayeva iştirak ediblər. Məqsəd dünyanın aparıcı universitetlərindən biri olan Massaçusets Texnologiya İnstitutu ilə Azərbaycan universitetləri və şirkətləri arasında tərəfdaşlığın inkişafı istiqamətində ehtiyacların və imkanların aşkar edilməsi olub.
BANM-in rektoru Elmar Qasımov rəhbərlik etdiyi ali məktəbin fəaliyyəti, beynəlxalq əlaqələri, qısa müddətdə qazandığı nailiyyətləri və yeni açılan kampusu barədə məlumat verib. O, qarşılıqlı maraq doğuran məsələlərdən söz açaraq bunun iki ali təhsil müəssisəsi arasında əməkdaşlığa təkan verəcəyini vurğulayıb.
Massaçusets Texnologiya İnstitutunun Avrasiya üzrə proqram meneceri və qlobal səviyyədə sart-up laboratoriyalarının rəhbəri Yekaterina Zabrovskaya MISTI təhsil proqramları barədə məlumat verib. Bildirilib ki, bu təşkilat MTİ-nin tələbələrini xaricdə ixtisas təcrübəsi, tədqiqat və tədris imkanları ilə təmin edir, dünyanın aparıcı şirkətləri, tədqiqat institutları və universitetləri ilə əməkdaşlıq etməkdə töhfə verir.
Y.Zabrovskaya deyib: “Təmsil etdiyim institut 22 ölkə ilə oxşar tərəfdaşlıq proqramları həyata keçirir. Qarşımıza qoyulan məqsədlərindən biri Azərbaycanda qlobal start-up laboratoriyaların yaradılmasıdır”.
Görüşdə, həmçinin birgə əməkdaşlığın potensial istiqamətləri müzakirə olunub.Tərəflər tələbə mübadiləsi, müvafiq sahələrdə birgə elmi-tədqiqat layihələrinin işlənib hazırlanması və elmi konfransların təşkili barədə razılığa gəliblər.

Nigar




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info