ABŞ Nikolas Maduroya qarşı sanksiya tətbiq edib
Tarix: 01.08.2017 | Saat: 22:50:00 | E-mail | Çapa göndər


ABŞ Maliyyə Nazirliyi Birləşmiş Ştatlar hökumətinin Venesuela Prezidenti Nikolas Maduroya qarşı sanksiya tətbiq etdiyini bildirib. “RİA Novosti” xəbər verir ki, sanksiyalara əsasən N.Maduronun ABŞ yurisdiksiyasına aid aktivləri dondurulub. Eyni zamanda, ABŞ vətəndaşlarına Maduro ilə işgüzar əlaqə qurmaq yasaqlanıb. ABŞ Venesuelanın neft sektoruna qarşı sanksiyalar tətbiq etməyi planlaşdırmır. Bu barədə “Reuters” agentliyinə məlumatlı mənbə bildirib. “Venesuelanın neft sektoruna qarşı sanksiyalar tətbiq edilməyəcək. Lakin bu kimi tədbirlər, əvvəlki kimi, nəzərdən keçirilir”, deyə mənbə qeyd edib. Qeyd edək ki, Venesuelada davam edən iğtişaşlar nəticəsində ölənlərin sayı 121 nəfərə çatıb, 2 minə yaxın insan müxtəlif dərəcəli xəsarətlər alıb. Bunu ölkənin Baş prokuroru Luisa Orteqa Dias bəyan edib. “Son günlər ərzində ölkədə iğtişaşlar zamanı 121 nəfər ölüb, 1958 nəfər yaralanıb. Tək Konstitusiya Assambleyasına seçkilər ərəfəsində 10 nəfər həyatını itirib”, deyə Baş prokuror qeyd edib. Luisa Orteqa Dias həmçinin Konstitusiya Assambleyasına seçkiləri tanımadığını bəyan edib. Venesuelada prezident Nikolas Maduronun hökuməti ilə müxalifətin nəzarət etdiyi parlament arasında münaqişə davam edir. Aprelin 4-də Ali Məhkəmə parlamentin hakimiyyətini xeyli məhdudlaşdıran qərar qəbul edib. Sonrakı etiraz aksiyalarına səbəb ölkə prezidenti tərəfindən Konstitusiya Assambleyasının çağırılması olub. Dövlət başçısının imzaladığı fərmana əsasən, yeni yaradılan quruma qanunvericiliyə dəyişikliklər etmək səlahiyyəti veriləcək. Venesuela müxalifəti Konstitusiya Assambleyasının çağırılmasını dövlət çevrilişi kimi qiymətləndirərək ölkədə növbədənkənar prezident seçkilərinin keçirilməsini tələb edir.




 
Bölməyə aid digər xəbərlər
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu
18.09.2018
Rusiya və Türkiyə prezidentləri Soçidə görüşüblər
18.09.2018
Türkiyə və Rusiya prezidentləri Suriya böhranı ilə bağlı ciddi anlaşma əldə ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info