Berlin Vaşinqtonun siyasətinə qarşıdır
Tarix: 01.08.2017 | Saat: 22:55:00 | E-mail | Çapa göndər


Xarici işlər naziri Ziqmar Qabriel: “Biz, regionun maraqlarına zidd siyasətin həyata keçirilməməsində israrlıyıq”

“Əgər, Amerika Birləşmiş Ştatları sanksiyalar bəhanəsi ilə "ilk növbədə Amerika” şüarı altında sənaye siyasəti həyata keçirərsə, o halda, Brüssel qoruyucu tədbirlər görmək məcburiyyətində qalacaq”- deyə Almaniyanın xarici işlər naziri Ziqmar Qabriel TASS informasiya agentliyinə açıqlamasında bildirib. Almaniyalı nazir, qanun qəbulundan əvvəl amerikalı prezidentin avropalı həmkarları ilə də razılıq əldə edə biləcəyini ehtimal edir. ABŞ Dövlət Departamentinin rəhbəri Reks Tillersonla sıx əlaqədə olduğunu bildirən alman nazir bunları deyib: “Biz, regionun maraqlarına zidd heç bir siyasətin həyata keçirilməməsində israrlıyıq”. Ziqmar Qabriel ABŞ Senatı tərəfindən təsdiq edilmiş Rusiyaya qarşı qadağaları qanunsuz qərar kimi dəyərləndirib. Bununla yanaşı, nazir ABŞ-ı siyasi və iqtisadi maraqları qarışdırmaqda ittiham edib: “Vaşinqton öz qazını Avropa bazarlarında satmaq üçün Rusiyanı bu bazarlardan kənarlaşdırmağa çalışır”.

“Vaşinqton öz qazını Avropa bazarlarında satmaq üçün Rusiyanı bu bazarlardan kənarlaşdırmağa çalışır”


Qeyd edək ki, Almaniyanın İqtisadiyyat Nazirliyi də Avropa Birliyinin Rusiyaya qarşı tətbiq ediləcək qadağalar riskinə qarşı addımlar atacağına, Avropa şirkətlərinin rusiyalı tərəfdaşları ilə əməkdaşlığına imkan yaradacağına ümid edirlər. Qeyd edək ki, ABŞ prezidenti Donald Tramp Rusiya, İran və Şimali Koreyaya qarşı sanksiyaların genişləndirilməsi barədə Konqresin qəbul etdiyi qanunu imzalayıb. Bunu Gürcüstanda səfərdə olan ABŞ-ın vitse-prezidenti Mayk Pens də təsdiqləyib. Beləliklə, qanun qüvvəyə minib. “Prezident Tramp Rusiyaya qarşı sanksiyaların tətbiqi barədə qanunu imzalayıb. Biz sanksiyaların ləğvini istəyirik, lakin bu, yalınız Rusiyanın öz üzərinə götürdüyü öhdəlikləri yerinə yetirməsi halında mümkündür. Lakin Rusiyanın son diplomatik addımları təəssüf ki, bunun əksini göstərir”, - deyə M. Pens vurğulayıb. Qeyd edək ki, iyulun 25-də Nümayəndələr Palatası, iyulun 28-də isə Senat Rusiya, İran və Şimali Koreyaya qarşı əlavə sanksiyaların tətbiqini nəzərdə tutan qanun qəbul edib. Qanunda Rusiya iqtisadiyyatının müxtəlif sahələrinə qarşı yeni sanksiyaların tətbiqi, eləcə də Barak Obama dövründə tətbiq olunmuş sanksiyaların qanunlaşdırılması əksini tapıb. Bundan sonra prezident yalnız Konqresin icazəsi ilə həmin sanksiyaları ləğv edə bilər. Xatırladaq ki, qadağalar Rusiyanın enerji layihələrinə sədd qoyduğundan Avropa Birliyi bu qanuna mənfi reaksiya verir.
Ağasəf Babayev




 
Bölməyə aid digər xəbərlər
20.02.2019
“Feyk xəbərlər sunamisi Yer kürəsini bürüyüb”
20.02.2019
“Avropa İttifaqı Azərbaycana dəstək verməyə hazırdır”
20.02.2019
Azərbaycan Litvanın vacib tərəfdaşı olub və olacaq
19.02.2019
ABŞ-na avtomobil rüsumu ilə bağlı xəbərdarlıq
18.02.2019
Akkoç: “Türkiyə – Azərbaycan qardaşlığı və dostluğu əbədidir”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info