Hacıqabulda kənd təsərrüfatı istehsalında artım qeydə alınıb
Tarix: 03.08.2017 | Saat: 16:17:00 | E-mail | Çapa göndər


Bu ilin altı ayında Hacıqabulun sosial-iqtisadi və mədəni həyatında uğurlu nəticələr əldə olunub. İqtisadiyyatın bütün sahələri üzrə məhsul buraxılışının həcmi 136190 min manat olub ki, bu da ötən ilin müvafiq dövrü ilə müqayisədə 34801,9 manat çoxdur. Ötən dövrdə kənd təsərrüfatı məhsullarının həcmi 6507,3 manat, sənayedə məhsul buraxılışının həcmi isə 6146,3 manat olub. Kənd təsərrüfatında 9,2 faiz, sənayedə isə 191,1 faiz artım qeydə alınıb. Birinci yarımildə rayonda iqtisadiyyatın bütün sahələri üzrə əsaslı kapitala yönəldilən investisiyanın ümumi həcmi 26719,4 min manat təşkil edib ki, bu da ötən ilin müvafiq dövrü ilə müqayisədə 23151 min manat çoxdur.
Bu barədə rayonda cari ilin altı ayının yekunları və qarşıda duran vəzifələrə həsr olunan hesabata yığıncağında Rayon İcra Hakimiyyətinin başçısı Əhməd Muxtarov məlumat verib. Rayonda iqtisadiyyatın əsasını təşkil edən kənd təsərrüfatında islahatların uğurla həyata keçirilməsi taxılçılığın və digər növ kənd təsərrüfatı məhsulları istehsalının artması ilə nəticələnib. Hər hektardan əldə edilən məhsuldarlıq da yüksəlib. Rayonda 44864 ton taxıl, 3765 ton tərəvəz, 2185 ton meyvə, 416 ton kartof tədarük olunub. Ötən ilin müvafiq dövrü ilə müqayisədə meyvə istehsalı 3,8 ton, kartof istehsalı isə 22 ton artıb.
Hesabat dövründə rayonda baramaçılığın inkişaf etdirilməsi də diqqət mərkəzində saxlanılıb. Bu məqsədlə ötən il rayonun Abdullahabad, Meyniman, Navahı kəndlərində əkilən 2800 ədəd tut tinginə aqrotexniki qaydada qulluq göstərilib. Bu il rayonda ilk dəfə olaraq kümçülər tərəfindən 250 kiloqram barama istehsal edilib.
Heyvandarlıq və quşçuluq sahəsində də nəzərə çarpacaq artım müşahidə olunub. Ət, süd, yun, yumurta istehsalı artıb. Hesabat dövründə süd istehsalı 9844 ton, ət istehsalı 4461 ton (diri çəkidə), yumurta istehsalı isə 168113 ədəd olub. İribuynuzlu heyvanların sayı 38560 başa, qoyun-keçilərin sayı isə 136368 başa çatıb. Bildirilib ki, rayonda geniş tikinti-quruculuq, abadlıq işləri aparılıb, parkların, küçələrin və çoxmənzilli binaların abadlaşdırılması istiqamətində bir sıra tədbirlər həyata keçirilir. Hacıqabul şəhərinin su-kanalizasiya sistemi yenidən qurulub, şəhər içməli su ilə tam təmin olunub. Navahi qəsəbəsinin su təminatının yaxşılaşdırılması üçün 7000 metr polietilen boru ilə su xətti çəkilib, 300 yeni abonent su ilə təmin olunub. Rayonun bütün kənd və qəsəbələri qazlaşdırılıb, sayğaclar quraşdırılıb.
Hesabat ilində rayonun Qarasu-Abdulabad-Talış-Meyniman-Muğan avtomobil yolunun tikintisi davam etdirilib. 19 min nəfər əhalinin yaşadığı və 10 yaşayış məntəqəsini birləşdirən yolun çəkilişi əhalinin sosial-iqtisadi inkişafına müsbət təsir göstərəcək. Yığıncaqda rayonda elektrik təchizatının, əhalinin suya olan tələbatının yaxşılaşdırılmasından, təhsil, səhiyyə, mədəniyyət və sosial sahələrdə görülən işlərdən də bəhs olunub.
Sonda müzakirə edilən məsələlərlə bağlı qərar qəbul olunub.

Nigar




 
Bölməyə aid digər xəbərlər
23.02.2019
Turistlər polisdən razılıq edirlər
22.02.2019
Kənd təsərrüfatının inkişafında yeni mərhələ: Elektron Kənd Təsərrüfatı İnformasiya Sisteminin tətbiqinə başlanıldı
22.02.2019
Xocalı soyqrımını törədənlər beynəlxalq məhkəmə qarşisinda cavab verməlidirlər
22.02.2019
“Təbiət Mənim Evim” layihəsi baş tutub
22.02.2019
Mingəçevirin innovativ layihələri müəyyənləşib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info