Naxçıvanın dövlət büdcəsinin gəlirləri 110 faiz icra olunub
Tarix: 04.08.2017 | Saat: 17:31:00 | E-mail | Çapa göndər


Naxçıvan Muxtar Respublikası dövlət büdcəsinin gəlirləri 2017-ci ilin birinci yarısında 31 milyon 631 min 900 manat proqnoza qarşı 34 milyon 907 min manat və ya 110,4 faiz icra olunub, büdcəyə 3 milyon 275 min 100 manat məbləğində əlavə vəsait daxil olub.
AZƏRTAC xəbər verir ki, bu faktları Naxçıvan Muxtar Respublikası Maliyyə Nazirliyində keçirilən kollegiya iclasında maliyyə naziri Səbuhi Məmmədov səsləndirib.
Nazir bildirib ki, 2017-ci ilin birinci yarımilində makroiqtisadi sabitliyin qorunması muxtar respublikada iqtisadi inkişafa şərait yaradıb, qazanılan uğurlar dövlət büdcəsinin gəlirlərinə öz təsirini göstərib. Cari ilin ilk altı ayında büdcə gəlirlərinin 84,3 faizi və ya 29 milyon 427 min manatı Vergilər Nazirliyi, 8,8 faizi və ya 3 milyon 84 min manatı Dövlət Gömrük Komitəsi tərəfindən toplanılan daxilolmalardan, 4 faizi və ya 1 milyon 377 min manatı dövlət büdcəsindən maliyyələşdirilən təşkilatların ödənişli xidmətlərindən, 2,9 faizi və ya 1 milyon 19 min manatı isə vergi olmayan sair daxilolmalar hesabına olub.
Diqqətə çatdırılıb ki, 2017-ci ilin birinci yarımilində aparılmış maliyyə nəzarət tədbirləri nəticəsində, ümumilikdə, 207 min 725 manat məbləğində vəsait dövlət büdcəsinə bərpa edilib. Eyni zamanda, dövlət müəssisə və təşkilatlarında aparılan yoxlamalar zamanı əmək intizamına əməl edilməməsi, əməkhaqının artıq hesablanması, büdcə vəsaitlərindən istifadə qaydalarının pozulması, əsassız xərclərə səbəb olan qurğuların istifadəsi hallarına qarşı qanunamüvafiq qaydada tədbirlər görülüb.
Qarşıdakı dövrdə görüləcək işlərə toxunan nazir vurğulayıb ki, Maliyyə Nazirliyinin müvafiq strukturları tərəfindən büdcə vəsaitlərinin qanunauyğun və səmərəli istifadəsinə nəzarət artırılmalıdır. Maliyyə vəsaitlərindən təyinatına uyğun şəkildə istifadə edilməsinə nəzarət olunmalı, büdcə təşkilatlarında xərclər üzrə müəyyən olunmuş limitdən artıq vəsaitlərin xərclənməsinin qarşısı alınmalı və əlavə xərclərə yol verən, borc yaradan təşkilatlar barədə qanunvericiliklə müəyyən edilmiş qaydada tədbirlər görülməlidir.
Qeyd olunub ki, rayon maliyyə orqanları nazirliyin elektron nəzarət sistemləri ilə aparılan işin keyfiyyətini diqqət mərkəzində saxlamalı, maliyyə və mühasibatlıq işində operativliyin təmin olunması istiqamətində fəaliyyətlərini artırmalıdırlar.
Sonra digər çıxışlar dinlənilib.




 
Bölməyə aid digər xəbərlər
12.11.2018
Zəfərlərə doğru
12.11.2018
“İrəli”nin intellektual yarışlarının Dağlıq Şirvan və Şəki- Zaqatala üzrə qalibləri müəyyənləşib
12.11.2018
Heydər Əliyev Fondu və Milli Onkologiya Mərkəzi birgə onkoloji skrininq və elmi-praktiki konfrans keçiriblər
12.11.2018
İran vətəndaşı daxili orqanlarında narkotik vasitələr keçirmək istədi
12.11.2018
Külli miqdarda xarici valyutanı gizlədərək keçirmək istədi

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10455

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info