Dubaydan Abu-Dabiyə 12 dəqiqəyə getmək mümkün olacaq
Tarix: 07.08.2017 | Saat: 23:17:00 | E-mail | Çapa göndər


Birləşmiş Ərəb Əmirliklərində “Hyperloop One” şirkətinin İlon Mask konsepsiyası əsasında işləyib hazırladığı gələcəyin inqilabi nəqliyyat sisteminin sınaqlarını xüsusi diqqətlə izləyirlər. Belə ki, milyardlarla sərmayə yatırımı tələb edən bu superlayihə ilk dəfə BƏƏ-də həyata keçiriləcək.
AZƏRTAC xəbər verir ki, gələcəyin sərnişin nəqliyyatının son sınaqları ABŞ-ın Nevada ştatı ərazisindəki səhralıqda aparılıb. 500 metrlik tuneli qət edən kapsulun sürəti səmaya qalxan təyyarənin sürətindən çox olub. Şattl saatda təqribən 310 kilometr sürət götürüb. İxtiraçılar sürəti saatda 1046 kilometrə çatdırmağı planlaşdırırlar. Vakuumlu qatar konsepsiyası uzaq məsafələrdə də sınaqdan keçirilməlidir.
ABŞ-ın bu futuristik layihəsi əvvəlcə Dubay və Abu-Dabini birləşdirəcək. Bunun sayəsində ölkənin iki aparıcı əmirliyi arasında məsafə azalaraq 12 dəqiqəyə çatacaq. BƏƏ hakimiyyət orqanları hesab edirlər ki, bu nəqliyyat layihəsinin həyata keçirilməsi ölkənin innovativ inkişaf yolunun davamı olacaq və regionu nəqliyyat texnologiyaları və innovasiyalar sahəsində liderə çevirəcək.
Yerli KİV-lərin yaydığı məlumata görə, yüksək sürətli tras üç aeroportu – Dubay, Abu-Dabi və Al-Maktum beynəlxalq aeroportlarını birləşdirəcək, gələcəkdə isə Xəlifə və Cəbəl Əli limanlarını birləşdirəcək yük marşrutu yaradılacaq.
“Tesla” və “SpaseX” şirkətlərinin başçısı İlon Mask tərəfindən 2013-cü ildə təqdim edilmiş “Hyperloop” konsepsiyası yerüstü boru kəmərinin içərisində sərnişin və ya yük kapsullarını saatda 1200 kilometr sürətlə hərəkət etdirən vakuumlu qatardır. Mövcud olan bütün nəqliyyat növləri ilə müqayisədə “Hyperloop” sistemi yola sərf olunan vaxtı dəfələrlə qısaldır.
Vakuumlu qatar yerin üstündən və altından keçən xüsusi inşa edilmiş həlqəvi tunellə hərəkət edəcək, stansiyalar və ya “portallar”– Dubayda “Bürc Xəlifə” göydələni və Abu-Dabidə “Etihad Towers” qüllələri arasında işləyəcək.




 
Bölməyə aid digər xəbərlər
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info