Azərbaycan xalçası dünya bazarında mövqelərini bərpa edir
Tarix: 10.08.2017 | Saat: 15:12:00 | E-mail | Çapa göndər


"Azərxalça" Açıq Səhmdar Cəmiyyətinin (ASC) ötən ilin oktyabr ayından fəaliyyətə başlayan ilk Füzuli filialında indiyədək 100-ə yaxın müxtəlif ölçülü xalçalar toxunub.
Bunu Trend-ə "Azərxalça" ASC-nin İdarə Heyətinin sədri Vidadi Muradov deyib.
V.Muradov qeyd edib ki, bu xalçalar beynəlxalq satış-sərgilərə çıxarılıb.
Onun sözlərinə görə, 2017-ci ilin yanvarında Almaniyanın Hannover şəhərində keçirilən ənənəvi xalça satış-sərgisində xalçalarımız izləyicilərin, xalça mütəxəsisslərinin rəğbətini qazanıb.
V.Muradov bildirib ki, toxuduğumuz xalçalara dünyanın bir çox ölkələrinin, o cümlədən Avropa və Amerika ölkələrinin marağı böyükdür: "Mütəmadi şəkildə tədbirlərdə, sərgilərdə, simpoziumlarda, konfranslarda iştirak edirik. Hər dəfə də əmin oluruq ki, dünyanın Azərbaycan xalçasına marağı azalmayıb. Əksinə, daha da çoxalıb, Azərbaycan xalçası həmişə və hər yerdə dəbdədir. Hər xarici səfər, hər yeni sərgi bizim fəaliyyətimizə diqqəti daha da gücləndirir. Avropa, Amerika ölkələri ilə yanaşı, hətta xalça istehsalçısı olan ölkələrin belə Azərbaycan xalçasına marağı var. Londonda nəşr olunan beynəlxalq "Halı" jurnalı mütəmadi olaraq “Azərxalça” ASC-nin fəaliyyətini işıqlandırır".
O qeyd edib ki, indi “Azərxalça” Azərbaycan xalçasının dünya bazarındakı yerini bərpa edir: "Bu ilin sonuna qədər “Azərxalça”nın Şəmkir, Qazax, Ağstafa, Tovuz, Ağdam, Quba, Xaçmaz, İsmayıllı, Qəbələ filialları işə başlayacaq. Ümumilikdə isə respublika üzrə Cəmiyyətin 30 filialının fəaliyyət göstərməsi və bununla da 5000-ə yaxın işçinin daimi iş yerləri ilə təmin edilməsi nəzərdə tutulub. Filiallarımızın sayı artdıqca, təbii ki, xalçalarımızın da sayı çoxalacaq. Bununla da biz, Azərbaycan xalçasını kütləvi şəkildə beynəlxalq bazarlara çıxara biləcəyik. “Azərxalça” dövlət müəssisəsi olaraq bu fəaliyyəti öz üzərinə götürüb. İmkanlarımız bu sahənin uğurlu gələcəyini proqnozlaşdırır. Hesablamalara görə, yaxın gələcəkdə Azərbaycan xalçaçılığı qeyri-neft sektorunun ən çox gəlir gətirən sahələrdən birinə çevriləcək".
V.Muradov vurğulayıb ki, xalçalar tamamilə əl əməyi sayəsində hazırlanır: "Xalçaların özəlliyi ondan ibarətdir ki, yunundan, rəngindən, naxışından, bədii kompozisiyasından tutmuş ən xırda detallarınadək o, əsl Azərbaycan məhsuludur. “Azərxalça”nın da məqsədi Azərbaycanın tarixi keçmişini, etnoqrafiyasını, mədəniyyətini nümayiş etdirən Azərbaycan məhsulunu dünyaya çıxarmaqdır".




 
Bölməyə aid digər xəbərlər
19.09.2018
Gəncənin Qazaxlar və Balabağman məscidləri təmir edilib
19.09.2018
Aşura günü Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info