“Azərbaycandakı tolerantlıq və multikulturalizm modeli indiki gərgin dünyada digər ölkələr üçün nümunədir”
Tarix: 14.08.2017 | Saat: 17:06:00 | E-mail | Çapa göndər


Bakı şəhəri Dağ Yəhudiləri Dini İcmasının sədri Milix Yevdayevin ABŞ-ın “Jewish Journal” qəzetində “Azərbaycandan olan yəhudi tibb qəhrəmanı: Qavril İlizarovun həyatı” sərlövhəli məqaləsi dərc edilib.
Dini Qurumlarla İş üzrə Dövlət Komitəsinin mətbuat xidmətindən bildiriblər ki, müəllif məqalədə tibb elmindəki ixtirası ilə nəinki Azərbaycanda, həmçinin keçmiş sovet məkanında, eyni zamanda ABŞ, İtaliya və keçmiş Yuqoslaviya da daxil olmaqla dünyanın müxtəlif ölkələrində məşhurlaşan Azərbaycandan olan yəhudi cərrah-ortoped, akademik Qavril İlizarovun həyatı haqqında məlumat verir.
Bununla yanaşı, müəllif Azərbaycanda mövcud olan tolerantlıq ənənələrini yüksək qiymətləndirərək ölkəmizdə müxtəlif dinlərə mənsub insanların hər birinin uğurlu həyat qurmaq üçün bərabər imkanlara malik olduğunu vurğulayır. Məqalədə qeyd edilir ki, Azərbaycanda böyüyən bütün dinlərin nümayəndələrinin - yəhudi, xristian və müsəlmanların müvəffəqiyyət qazanmaqda, eləcə də dünyaya böyük töhfə verməkdə bərabər hüquqları var. Qavril Abramoviç İlizarovun həyatı bu mənada örnəkdir. İlizarovun həyat hekayəsinə nəzər yetirdikdə görə bilərik ki, bir çox dünya ölkələrindən fərqli olaraq, Azərbaycanda bir yəhudinin alim və məşhur həkim kimi formalaşması üçün hər cür şəraiti olan tolerant mühit və hər kəsin bərabər hüquq və azadlıqları var.
Məqalədə qeyd olunur ki, Azərbaycandakı tolerantlıq və multikulturalizm modeli indiki gərgin dünyada digər ölkələr üçün nümunədir. Azərbaycan tarixi prosesin bütün mərhələlərində multikultural dəyərlərin yaşandığı coğrafi məkan kimi tanınıb. Bu gün də burada sivilizasiyalararası və mədəniyyətlərarası dialoq, çoxəsrlik ənənələrə malik tolerantlıq mühiti, ayrı-ayrı dinlər və etiqadlar arasında qarşılıqlı hörmət və etimada əsaslanan əməkdaşlıq münasibətləri hökm sürür. Tolerantlığın Azərbaycanda çox möhkəm təməl sütunları, zəngin ənənələri, dərin tarixi və mədəni kökləri var.
Qeyd edək ki, Milix Yevdayev ABŞ mətbuatında mütəmadi olaraq Azərbaycanda yaşayan yəhudilər və ölkəmizdəki tolerantlıq mühiti barədə yazılarla çıxış edir.
Tural




 
Bölməyə aid digər xəbərlər
23.05.2019
Cakartada kütləvi etiraz aksiyaları davam edir
23.05.2019
MSK İstanbulda bələdiyyə seçkilərinin yenidən keçirilməsi qərarına aydınlıq gətirib
23.05.2019
Meksikada cinayətkar qruplaşmalar arasında toqquşma
23.05.2019
İngiltərənin baş naziri Tereza Meyin iddiası
23.05.2019
Әfqanıstanda terror tәşkilatı DEAŞ-a ağır zәrbә endirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info