Yapon televiziyası:”Azərbaycanda Yaponiyanı çox sevirlər”
Tarix: 14.08.2017 | Saat: 18:51:00 | E-mail | Çapa göndər


Avqust ayının 9-u və 10-da, hər biri təxminən 30 dəqiqə olmaqla Yaponiyanın məşhur Kansay televiziyasının ən baxılan verilişlərindən biri olan “Hodo Ranna” verilişində Azərbaycana həsr olunmuş xüsusi verilişlər yayımlanıb. Verilişlərin hazırlanmasında Hokkaydo Universitetinin doktorantı, Yaponiya hökuməti təqaüdçüsü, həmyerlimiz Əlibəy Məmmədov yaxından iştirak edib.
Verilişi hazırlamaqda məqsəd Bakı şəhəri və Azərbaycan haqqında osakalıları məlumatlandırmaq olub. Belə ki, həm Osaka şəhəri, həm də Bakı şəhəri 2025-ci il EXPO-suna namizədliyini irəli sürüblər. Verilişi hazırlayan Kansay televiziyasının baş ofisi isə məhz Osaka şəhərində yerləşir. Onlar Osakanın rəqibi olan Bakı şəhərini daha yaxından tanımaq üçün Azərbaycana öz nümayəndələri göndəriblər.
Kansay televiziyasında iş səfərində olan Əlibəy Məmmədov vurğulayıb ki, veriliş ümumən həm Azərbaycan, həm də Bakı şəhərinin Yaponiyadakı təbliğatı işində çox mühüm rol oynayıb.
Yaponlar Bakı şəhərinin həddindən artıq təmiz olmasına, burada həyat səviyyəsinin yüksək olmasına heyran qalıblar. Verilişdə Bakı şəhərinin təmizliyi dəfələrlə vurğulanıb.
Bakı şəhərinin görməli yerləri, Qız Qalası, Şirvanşahlar sarayı, Xalça muzeyində olublar. Nizami küçəsində, Dənizkənarı milli parkda yerli insanlarla və xarici turistlərdən müsahibələr alıblar.
Azərbaycanda artmaqda olan turistlərin sayı verilişin diqqətindən yayınmayıb.
Azərbaycan mətbəxi xüsusilə təqdim olunub. Qeyd olunub ki, Plov Azərbaycan mətbəxinin şahıdır. Azərbaycanda çəkilişlərdə iştirak edən yaponiyalı aparıcı xüsusilə qutab və kətəni çox bəyənib.
Aparıcı, eyni zamanda Yanar Dağda olub. O qeyd edib ki, Azərbaycan zəngin neft ölkəsidir. Yaponiyada büdcə əsas etibarilə vergi ilə tənzimlənsə də, Azərbaycanda bu daha çox neftlə tənzimlənir. Azərbaycan hökuməti neftdən gələn vəsaitlərlə ölkə iqtisadiyyatına inkişaf etdirib. İnsanların gəlirləri artmaqdadır.
Yaponiyalı xanım aparıcı həm də Naftalan neft vannalarını qəbul edib. Naftalan neftinin insan sağlamlığına olan xeyri və müsbət nəticələri haqqında geniş müzakirələr aparılıb.
Azərbaycanın Avropa və Asiyanı birləşdirən, geosiyasi cəhətdən kifayət qədər əlverişli mövqedə yerləşməsi xüsusilə qeyd olunub. O da bildirilib ki, Azərbaycanda Yaponiyanı çox sevirlər.
Sonra yaponiyalı aparıcılar Bakı şəhərinin Yaponiyanın Osaka şəhəri üçün çox güclü, çətin və səviyyəli bir rəqib olduğunu bildiriblər.
Qeyd edək ki, 2025-ci il EXPO-su üçün Bakı və Osaka ilə yanaşı, həm də Paris və Yekaterinburq şəhərləri də öz namizədliyini irəli sürüblər.

Fuad Hüseynzadə




 
Bölməyə aid digər xəbərlər
21.09.2019
Torpağını döyüş meydanına çevirmək istəyən buyursun
21.09.2019
Azərbaycan bu gün xarici ölkələrə milyardlarla sərmayələr yatırır, bununla da əlavə gəlir mənbələri yaradır
20.09.2019
“Bunu belə zənn edənlərin qarşısında Türkiyə və Şimali Kıbrıs Türk Cümhuriyyəti olacaq“
20.09.2019
“Təhlükəsiz bölgə yaradılması barədə ləngimə olsa, ABŞ ilə fəaliyyətlərə son qoyular“
20.09.2019
İİTKM-in departament rəhbəri Nicat Hacızadə: Beynəlxalq Valyuta Fondu Azərbaycandakı islahatları müsbət dəyərləndirir

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10895

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info