“Radikalların ambisiyaları savadlarından daha çoxdur”
Tarix: 02.05.2013 | Saat: 23:41:00 | E-mail | Çapa göndər


Müxalifət düşərgəsində prezident seçkiləri ərəfəsində birləşmək və vahid namizədlə seçkilərdə iştirak etməklə bağlı müxtəlif fikirlər səslənməkdədir. Xüsusən də radikal müxalifət partiyaları nümayəndələri belə bir niyyətdə olduqlarını bildiriblər. Lakin partiyalararası kəskin ziddiyyət, şəxsi və partiya maraqları, qeyri-səmimi münasibət, “ana müxalifət” olmaq uğrunda gedən mübarizə son nəticədə haqqında danışılan istiqamətdə atılan bütün addımları, edilən cəhdləri uğursuz edir. Müxalif partiyalarının birləşə bilməmələrinin bu və digər səbəbləri ilə bağlı suallarımızı müsahibimiz Azərbaycan Sosial Demokrat Partiyasının sədri Araz Əlizadə cavablandırdı:
- Araz bəy, uzun illərdir siyasətdə olan və hazırkı müxalifət partiyalarının simalarını yaxından tanıyan bir siyasətçi kimi müxalifət düşərgəsində birliyin olmamasının səbəblərini nədə görürsünüz?
- Bunlar hamısı bir təşkilatda-AXCP-də idilər. Dövlət çevrilişi nəticəsində hakimiyyətə gəldilər, bir il ölkəni talan etdilər, Azərbaycanı vətəndaş müharibəsi qarşısında qoyub hakimiyyətdən getdilər. Lakin ağızlarında şirə qalıb və indi onların hər biri hakimiyyətə tək gəlmək, xalqı qarət etmək haqqında düşünürlər. Buna görə bunlar heç cür birləşə bilmirlər. Proqramlarına baxsanız əvvəl necə idisə, eyni qaldığını görərsiniz. Proqramlarının əsasını Türk milliyyətçi demokratiyası təşkil edir. Azərbaycan isə yadlarına yalnız xalqa yalan vədlər verəndə düşür. Bu cür insanlar heç vaxt birləşə bilməyəcəklər. Çünki ambisiyaları savadlarından daha çoxdur.
- Hazırda müxalifətdə müxtəlif formalarda birliyə nail olmaq üçün cəhdlər var. Buna münasibətiniz? Müxalifətdəki müəyyən birliklərə qoşulmaqla bağlı partiyanıza dəvət gəlibmi?
- Bunları, xüsusilə “milli şura” ideyasını boş hesab edirəm. Baxın görün, ABŞ-ın əli ilə olan “ərəb baharı”nı yaşayan ölkələrdə də bu cür “milli şura”lar, müxalifət partiyalarının birlikləri var idi. İndi həmin ölkələr çox pis vəziyyətdədir. Azərbaycanda isə bunu həyata keçirmək mümkün olmayacaq. Bizə belə birliklərə qoşulmaq üçün dəvət göndərsələr də, onlara qoşulmayacağımızı çox gözəl bilirlər. Partiyamızın 2012-ci ildəki qurultayında ASDP-nin heç bir birliyə, bloka qoşulmayacağı haqqında konkret qərar qəbul edilib.
- Azərbaycan Sosial Demokrat Partiyası prezident seçkilərində hansı proqram və təkliflərlə çıxış edəcək?
- ASDP-nin proqramı var, vətəndaşlar partiyamızın elektron ünvanına daxil olaraq proqramla tanış ola bilərlər. Həmin proqramla seçkilərdə iştirak edəcəyik. Partiyamızın keçən ilin iyunun 30-da keçirilən XII qurultayında ASDP-nin prezident seçkilərində vahid namizədlə iştirak etməsi haqqında qərar qəbul edildi. Namizədimizin qeyd olunmayacağı halda üzvlərimiz kimə səs verəcəkləri məsələsində azad şəkildə hərəkət edə biləcəklər.
Söhrab İSMAYIL




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info