Vahid cəbhə yaradılır: Şimalı Koreyanı məcbur etmək mümkün olacaqmı?
Tarix: 18.08.2017 | Saat: 23:43:00 | E-mail | Çapa göndər


ABŞ Yaponiyada ən müasir hərbi vasitələr yerləşdirməyə davam edəcəyini açıqlayıb
Yaponiya və ABŞ-ın xarici işlər və müdafiə nazirlərinin Vaşinqtonda keçirilən “2+2” formatında görüşündən sonra tərəflər birgə bəyanatla çıxış ediblər. Şimali Koreyanın nüvə və raket proqramlarına xüsusi diqqətin yetirildiyi bəyanatda qeyd edilir ki, Pxenyanın bu proqramları yeni mərhələyə qədəm qoymaqla həm regional, həm də beynəlxalq təhlükəsizlik üçün artmaqda davam edən təhdiddir.
Sənəddə deyilir: “Nazirlər Şimali Koreya tərəfindən təkrarlanan, nüvə və ballistik raket potensialının inkişafına xidmət edən təxribatları kəskin şəkildə pisləyərək qeyd edirlər ki, yeni mərhələyə qədəm qoyan bu addımlar regional və beynəlxalq sülhə və sabitliyə artmaqda davam edən təhdidlərdir. Nazirlər bu təhdidlərin qarşısını almaq və onlara cavab vermək üçün ABŞ-Yaponiya ittifaqının potensialının artırılmasına sadiqdirlər”. Danışıqlar zamanı əldə edilən razılığa əsasən, ABŞ və Yaponiya dünyanın digər ölkələri ilə birlikdə Şimali Koreyaya qarşı təzyiqi artıraraq, onu raket və nüvə proqramlarından imtina etməyə və Koreya yarımadasının tam və qəti şəkildə nüvəsizləşdirilməsi üçün konkret addımlar atmağa məcbur edəcəklər. ABŞ və Yaponiya Çinə müraciət edərək Şimali Koreyaya qarşı qəti qərarlar qəbul etməyə, onu nüvə-raket potensialının yaradılmasına istiqamətlənmiş xətdən imtinaya məcbur etməyə çağırırlar. Bəyanatda, həmçinin qeyd edilir ki, Yaponiya ABŞ ilə hərbi ittifaqda daha əhəmiyyətli rol oynamağa başlayacaq. Sənəddə vurğulanır ki, tərəflər ABŞ-Yaponiya ittifaqının daha da möhkəmlənməsi üçün konkret tədbirlər həyata keçirəcəklər. Yaponiya bu ittifaqda öz rolunu yüksəltməklə müdafiə qabiliyyətini daha da artıracaq. ABŞ isə Yaponiyada ən müasir vasitələrin yerləşdirilməsinə sadiq qalacaq. Sonda bildirilir ki, Tokio və Vaşinqton ikitərəfli hərbi planlaşdırma, hava və raket hücumundan müdafiə, mülki əhalinin təxliyəsi üzrə əməliyyatlar, yeni müdafiə texnologiyalarının hazırlanması və kəşfiyyat kimi sahələrdə də əməkdaşlığı genişləndirəcək və sürətləndirəcəklər. Qeyd edilir ki, görüşdə Yaponiya-Rusiya münasibətləri də müzakirə edilib. Yaponiya tərəfinin yaydığı məlumatda qeyd edilir ki, yapon nazir Taro Kononun Rusiya xarici işlər naziri Lavrovla apardığı müzakirələrə də toxunulub. Tərəflərin ortaq rəyi belə olub ki, çətin beynəlxalq vəziyyətin şərtləri nəzərə alınaraq Yaponiyanın Rusiya ilə danışıqları vacibdir. Yaponiyanın xarici işlər naziri Taro Kano bəyan edib ki, hökumət dənizdə təhlükəsizliyi təmin etmək üçün potensial yaratmaq məqsədilə Hind və Sakit okean hövzələri ölkələrinə 500 milyon dollar miqdarında yardım ayırmağı planlaşdırır. Nazir bəyan edib ki, Yaponiya bu yardımları qarşıdakı üç il ərzində, yəni cari ildən başlayaraq 2019-cu ilədək göstərəcək. Xatırladaq ki, Şimali Koreyanın raket sınaqları ilə bağlı olaraq Yaponiyanın 202 yaşayış məntəqəsində təlimlər keçirilib. Yaponlar raket atışı zamanı əhalini necə evakuasiya edəcəyini, hansı təcili təhlükəsizilk tədbirləri görəcəyini sınaqdan keçirib. İki prefekturada müəyyən texniki problemlər ortaya çıxıb və hazırda araşdırma aparılır. ABŞ-ın müdafiə naziri Ceyms Mettis bəyan edib ki, mümkün raket atışı ilə bağlı Vaşinqton və Tokio vahid cəbhə yaradacaqlar: “Şimali Koreya tərəfindən istənilən təhdidə qarşı effektiv və vahid cəbhədən cavab veriləcək. Vaşinqton və Tokio əgər, lazım olarsa təhlükəsizlik sahəsində istənilən təhlükəni birlikdə məhv edəcək”.
Anar




 
Bölməyə aid digər xəbərlər
17.02.2019
Bahalıqla əlaqədar Tehranda 180 restoran fəaliyyətini dayandırıb
17.02.2019
Türkiyə və Rusiya prezidentləri yenidən görüşəcək
17.02.2019
İğdırda Xocalı soyqırımının 27-ci ildönümü ilə əlaqədar silsilə tədbirlər keçiriləcək
17.02.2019
İranın Kosmik Araşdırmalar İnstitutunda baş verən yanğın nəticəsində üç nəfər həlak olub
17.02.2019
Londonda Karl Marksın məzarına növbəti dəfə vandal hücumu olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info