Balakəndə beynəlxalq gənclər festivalı başlayıb
Tarix: 29.08.2017 | Saat: 17:54:00 | E-mail | Çapa göndər


2017-ci il üçün “Azərbaycanın Gənclər Paytaxtı” seçilən Balakən rayonunda “Mənim ailəm” adlı beynəlxalq gənclər festivalı başlayıb.
Azərbaycan Respublikası Gənclər və İdman Nazirliyinin təşkilatçılığı ilə keçirilən festivalda MDB-yə üzv ölkələrdən və Gürcüstandan, eləcə də Azərbaycandan 20-dək gənc ailə iştirak edir.
Avqustun 29-da Balakən şəhərindəki “Qubek” otelinin konfrans zalında festivalın təntənəli açılış mərasimi olub. Tədbirdə rayon gənclər və idman idarəsinin rəisi Rasim Paçalov çıxış edərək “Azərbaycanın Gənclər Paytaxtı” çərçivəsində Balakən rayonunda həyata keçirilən mədəni-kütləvi tədbirlər, idman yarışları barədə məlumat verib.
Balakən Rayon İcra Hakimiyyətinin başçısı İslam Rzayev ölkəmizdə gənclərə göstərilən yüksək dövlət qayğısından danışıb, beynəlxalq gənclər festivalının rayonun mədəni həyatında çox əlamətdar hadisə olduğunu vurğulayıb.
Gənclər və İdman Nazirliyinin sektor müdiri Nərmin Aslanbəyova Azərbaycanda ailə dəyərlərinin qorunmasına xüsusi önəm verildiyini, gənc ailələrlə bağlı silsilə tədbirlərin həyata keçirildiyini diqqətə çatdırıb. Bildirilib ki, bu mövzuda beynəlxalq festival ölkəmizdə ilk dəfədir keçirilir. Festivalın keçirilməsində əsas məqsəd gənclər arasında ailə dəyərlərinin təbliğ olunması, gənc ailələrin fəallığının və sosial mövqeyinin gücləndirilməsi, onların səmərəli istirahətinin təmin edilməsi, həmçinin MDB-yə üzv ölkələr arasında beynəlxalq mədəni əlaqələrin inkişaf etdirilməsindən ibarətdir.
Beynəlxalq gənclər festivalı dörd istiqamət üzrə keçirilir. Buraya yaradıcılıq və kulinariya müsabiqələri, “şən startlar” ailələrarası oyun və “Xəmsə” milli intellektual oyunu üzrə turnir daxildir. Festival çərçivəsində Balakən rayonunun və bölgənin tarixi məkanlarına ekskursiyalar da təşkil olunacaq.
Beynəlxalq festivala avqustun 31-də yekun vurulacaq.

Fuad




 
Bölməyə aid digər xəbərlər
24.04.2019
Baş Dövlət Yol Polisi İdarəsi vəBakı Beynəlxalq Avtovağzal Kompleksi birgə maarifləndirici tədbir keçirib
23.04.2019
Sumqayıtda yeni yaşayış məskənləri telefonlaşdırılacaq
23.04.2019
Masallı rayonundakı N.Gəncəvi adına 1 nömrəli tam orta məktəbində maraqlı tədbir
23.04.2019
“Qala Sığorta” və “Qala Həyat” tələbələrin sosial layihəsinə dəstək olub
23.04.2019
Prezident Mərdəkan-Qala avtomobil yolunun açılışında iştirak edib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info