“Qanunu pozan hər bir şəxsə qarşı ittihamı hüquq-mühafizə orqanları irəli sürür”
Tarix: 04.05.2013 | Saat: 00:51:00 | E-mail | Çapa göndər


Avropa Şurasının (AŞ) baş katibi Tyorbyorn Yaqland İlqar Məmmədova qarşı yeni ittihamların irəli sürülməsindən narahat olduğunu bildirib və Azərbaycan hakimiyyətini beynəlxalq ictimaiyyətlə əməkdaşlığa çağırıb.
Baş katib APA-ya açıqlamasında bildirib ki, AŞ-nin Bakı Siyasi Araşdırmalar Məktəbinin direktoru İlqar Məmmədovun azad edilməsi istiqamətində çağırışlara baxmayaraq, Azərbaycan hakimiyyəti ona qarşı yeni ittihamlar irəli sürür: “Belə bir hadisənin 2014-cü ilin may ayında nəzərdə tutulmuş Azərbaycanın Avropa Şurası Nazirlər Komitəsindəki sədrliyi fonunda baş verməsi xüsusilə məyusedici hiss və narahatlıq yaradır. Bu məsələ ilə bağlı fevral ayında keçirilmiş ilkin prosesə nəinki Avropa Şurasının Bakıdakı təmsilçisi buraxılmayıb, eləcə də bu yaxınlarda Avropa Şurasında təmsil olan bir qrup səfirin Azərbaycana etdikləri səfər zamanı, onların İlqar Məmmədovla görüşməsinə icazə verilməyib. Mən Azərbaycan hakimiyyətini təkidlə beynəlxalq ictimaiyyətlə dialoqa çağırıram”.
Prezident Administrasiyasının İctimai-siyasi məsələlər şöbəsinin müdiri Əli Həsənov isə APA-ya açıqlamasında deyib ki, İlqar Məmmədova qarşı Azərbaycan hakimiyyəti hüquqi dövlət normalarına müvafiq olaraq heç bir ittiham irəli sürməyib: “Azərbaycanda qanunu pozan hər bir şəxsə qarşı ittihamı hüquq-mühafizə orqanları irəli sürür, məhkəmə hakimiyyəti isə onunla bağlı müvafiq qərar qəbul edir. Bu məsələdə Azərbaycan hakimiyyətini ittiham etmək əsassızdır. İlqar Məmmədovla bağlı hüquq-mühafizə orqanlarının yaydığı məlumatda onun konkret əməldə təqsirli bilinərək, saxlanıldığı əksini tapıb. Daha sonra isə məhkəmə onun barəsində həbs qətimkan tədbiri seçib. Görünür, aparılan istintaq araşdırması zamanı yeni faktların ortaya çıxması ona qarşı əlavə ittiham elan olunmasını zəruri edib. Azərbaycan hakimiyyəti heç bir halda istintaqa müdaxilə etmir, məhkəmə hakimiyyətinin işinə qarışmır. Hakimiyyət yalnız məhkəmə qərarı qəbul edildikdən sonra bununla bağlı öz mövqeyini açıqlaya bilər”.
PA-nın şöbə müdiri baş katibin Avropa Şurasında təmsil olan bir qrup səfirin Azərbaycana səfər zamanı İlqar Məmmədovla görüşmələrinə icazə verilməməsi ilə bağlı fikrinə münasibət bildirərkən deyib: “Azərbaycanda barəsində həbs qətimkan tədbiri seçilmiş şəxslə görüş üçün qanunvericilikdə müəyyən prosedur nəzərdə tutulub. Bu prosedurlara əməl edərək, müvafiq icra hakimiyyəti orqanına vaxtında və tələblərə uyğun müraciət ediləndə görüş üçün heç bir problem yoxdur”.




 
Bölməyə aid digər xəbərlər
21.01.2019
Dumanlı hava şəraiti ilə bağlı sürücü və piyadalara xəbərdarlıq
21.01.2019
“Milliön”dən gizli yolla 122 min manatdan çox vəsaiti talamış şəxs saxlanılıb
21.01.2019
Biləsuvarda 1176 yerlik yeni məktəb binası tikilir
21.01.2019
“AtaSığorta”: “Sığorta yığımları 8,7 milyon manat artıb”
21.01.2019
Ölkəyə narkotik vasitə keçirilməsinin qarşısı alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info