Mətbuat Şurası «Vaşinqton post»da yer almış məqalə ilə bağlı bəyanat verib
Tarix: 06.09.2017 | Saat: 17:14:00 | E-mail | Çapa göndər


Azərbaycan Mətbuat Şurası «Vaşinqton post»da yer almış məqalə ilə bağlı bəyanat verib.   Mətbuat Şurasının bəyanatında deyilir:
 
"Müxtəlif vaxtlarda Azərbaycana, dövlətimizin başçısına qarşı qərəzli təşəbbüslərin həyata keçirildiyinin şahidi olmuşuq. Belə bir qərəz kampaniyası bu günlərdə də aparılmaqdadır. Söhbət «The Organized Crime and Corruption Reporting Project» (OCCRP) adlı qurumun Böyük Britaniyanın «Gurdian» nəşrində, eləcə də Avropanın digər kütləvi informasiya vasitələrində dərc olunmuş hesabatından sonra «Vaşinqton post» qəzetində də bir gündə iki anti-azərbaycançı məqalənin yer almasından gedir.
 
Ölkəmizə münasibətdə planlı şəkildə reallaşdırıldığı şübhə doğurmayan təşəbbüsün hansı mərkəzlərdən  idarə olunduğu bəllidir. Azərbaycanın müstəqil daxili və xarici siyasətini gözü götürməyən qüvvələr, onların özünü bəsit iddialara inandırmış yerli əlaltıları, erməni lobbi və diaspor təşkilatları. «Vaşinqton post»da yer almış yazılar isə Avropa mediasında dərc edilmiş hesabatın timsalında çirkin kampaniyanın söz və ifadə azadlığından sui-istifadə tərəfidir. Bu sayaq cəhdlər Azərbaycanda cəmiyyətində, o cümlədən media ictimaiyyətində təəssüf və hiddət doğurur.
 
Azərbaycan cəmiyyəti 2017-ci il iyulun 20-də dövlət başçısının jurnalistlər üçün inşa edilmiş 255 mənzillik binanın açılışında iştirakının, media təmsilçiləri ilə səmimi təmaslarının şahididir. Cənab Prezident həmin gün jurnalistlər üçün yeni binanın təməlini qoydu. Dörd il öncə isə dövlət başçısı 156 mənzillik binanın açılışına qatılmışdı. Təəssüfləndirici haldır ki, «Vaşinqton post» Azərbaycan dövlətinin öz vətəndaşı olan jurnalistlərə yönələn bu sosial siyasətinə, humanist dəst-xəttinə fərqli don geydirməyə çalışır, məsələni təmənnalı münasibət müstəvisinə daşıyır.
 
Qətiyyətlə bildiririk ki, Azərbaycan dövləti, «Vaşinqton post»un iddia etdiyinin əksinə olaraq, heç vaxt jurnalistikanı hansısa təmənna ilə ələ almaq niyyətində olmayıb. Azərbaycan jurnalistləri də heç zaman düşünməyiblər ki, dövlətin onlarla bağlı siyasəti yaradıcılıqlarını məhdudlaşdıra, özünüsenzura meyli yarada bilər. Onlar bu gün də tam azad və sərbəst şəkildə fikirlərini ifadə edir, ən sərt tənqidi, düşündürücü materiallarla oxucularının görüşünə gəlirlər.
 
Bəli, Azərbaycan jurnalistləri yaşamaq üçün mənzilə, ümumən sosial-məişət və iş şəraitlərinin yaxşılaşdırılmasına ehtiyac duyublar. Bu ehtiyacın aradan qaldırılması dövlət siyasəti üçün də prioritet əhəmiyyət daşıyıb. Dövlətimiz nəzərə alıb ki, qayğısız jurnalistin əməyi demokratik dövlət, vətəndaş cəmiyyəti quruculuğunun dərinləşdirilməsi baxımından vacibdir.
 
Onu da düşünmək lazımdır ki, jurnalistlərin mənzil problemi Azərbaycanın müstəqilliyinin ilk illərindən aktual əhəmiyyət daşıyıb. Ölkəmizin media orqanlarının əsasən ayrı-ayrı xarici fondların, səfirliklərin maliyyəsindən asılı olduğu zaman kəsiyində də bu problemin həlli həyati zərurət daşıyıb. Həmin vaxt özlərini media himayədarı olaraq göstərənlər düşünməyiblər ki, jurnalistin zəhmətinin qarşılığının ödənilməsi onu mənzil sahibinə çevrilmək kimi təməl hüququna qovuşdurmur. Bunu düşünən Azərbaycan dövləti, onun Prezidentidir. Ancaq görünür, müəyyən dairələrə Azərbaycan jurnalistinin daim problemlər məngənəsində boğulduğunu, kirayələrdə yaşadığını görmək lazımdır. Məhz buna görə də onlar dövlətin sosial siyasətindən faydalanmağı təmənna olaraq qiymətləndirməkdə maraqlıdırlar. Sual yaranır: təmənna ali dəyərlər sayılan söz və ifadə azadlığı ilə imitasiya edib xarici təşkilatların anti-azərbaycançı təşəbbüslərində iştirakdır, yoxsa dövlət siyasətindən faydalanmaq?
 
«Vaşinqton post» jurnalistlərin mənzillə təminatı məsələsini qabardarkən «Turan» İnformasiya Agentliyinin direktoru Mehman Əliyevin həbsi üzərində dayanır. Azərbaycan Mətbuat Şurası olaraq bununla bağlı mövqeyimizi bəyan etmişik. Əminik ki, M.Əliyevlə bağlı məsələ ədalətli şəkildə araşdırılacaq və qanuna müvafiq ölçü tədbiri götürüləcəkdir. Nəzərə alınmalıdır ki, dünyanın qabaqcıl ölkələrində olduğu kimi, Azərbaycanda da vergidən yayınma hallarına ciddi yanaşılır. Belə olan halda bəzi Qərb dairələrinin buna ölkəmizin timsalında əhəmiyyətsiz münasibət bəsləmələri də dərin təəssüf hissi doğurur. Onların Mehman Əliyevlə bağlı məsələnin tam şəkildə araşdırılmasını gözləmədən söz və ifadə azadlığı motivlərini qabartmaları da həmçinin. Şübhəsiz ki, bu, siyasi məqsədlərdən qaynaqlanmış açıq qərəz nümayişidir.
 
Azərbaycan dövləti medianın rolunu yüksək qiymətləndirib. Dövlət başçısı çıxışlarında jurnalistləri daim fəal olmağa, cəmiyyət həyatının ən müxtəlif tərəflərini işıqlandırmağa, nöqsanları diqqətə çatdırmağa, məmurları tənqid etməyə çağırıb. Ölkə Prezidenti hər zaman jurnalistikanın cəmiyyətdəki missiyasına həssas yanaşıb. Bu həssaslıq media ilə bağlı dövlət siyasətinin uğur formuludur. Qərəzə, hiddətə, Azərbaycanın beynəlxalq aləmdəki nüfuzunu kölgələməyə hesablandığı aşkar görünən hər hansı kampaniya bu uğurlu yolun qarşısını almaq iqtidarında deyildir".
Tural




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info