“AtaTravel” Rusiya turoperatorları üçün info-tur keçirir
Tarix: 06.05.2013 | Saat: 15:59:00 | E-mail | Çapa göndər


“AtaTravel” MMC Rusiya turist şirkətlərinin Azərbaycan üzrə info-turuna həsr olunmuş mətbuat konfransı keçirdi. “AtaTravel” MMC-nin dəvəti ilə 30-a qədər Rusiya turizm şirkətinin nümayəndəsi mayın 3-dən 8-ə kimi Bakı-Qəbələ-Naftalan-Gəncə marşrutu üzrə info-turda iştirak edir.
“Excelsior Hotel Baku” otelində keçirilən mətbuat konfransında “AtaTravel” MMC-nin baş direktoru Vüsal Əliyev, baş direktor müavini Ərtoğrul Qafarov, “AtaHolding”ASC-nin Kommunikasiyalar şöbəsinin rəisi Dilarə Zamanova, “Rusiyanın qaynar turları” şirkətinin nümayəndəsi Əli Qəniyev və “Mars Travel Rusiya” şirkətinin direktoru Azər Məmmədov iştirak etmişdilər.
“AtaTravel” MMC-nin baş direktorunun müavini Ərtoğrul Qafarov qeyd etdi ki, hazırda turizm sahəsi ölkəmizdə dinamik inkişaf edir, ildən-ilə bu sahənin dövriyyəsi artır: “Hökumət tərəfindən turizm üzrə xüsusi dövlət proqramı qəbul edilmiş və ölkədə “Turizm ili” keçirilib. Ölkədə ilk dəfə təşkil olunmuş belə miqyaslı info-tur bilavasitə Rusiya turizm biznesinin Azərbaycana cəlb edilməsinə yönəldilib. Mütəxəssislərin rəyinə görə, Azərbaycan böyük turizm potensialına malikdir, lakin bu günə ondan tam istifadə olunmur. Bizim info-tura cəlb edilmiş 30 şirkət bütövlükdə 600-dən artıq Rusiya turist firmasının maraqlarını təmsil edir. Ona görə də biz ölkəmizə olan marağın yüksəlməsini və turist axınının artmasını gözləyirik”.
“Rusiyanın qaynar turları” şirkətinin nümayəndəsi Əli Qəniyev dedi: “Keçirilmiş info-tur tərəfdaş turizm şirkətinin potensialı və bütün üstünlükləri, ölkənin gəzməli yerləri və kurortları ilə yerində tanış olmaq üçün gözəl imkandır və bu, gələcəkdə bizə həmin istiqamətləri müştərilərimizə daha fəal təklif etməyə imkan verəcək. İnfo-turun iştirakçıları Azərbaycanın turizm sahəsində gördükləri müsbət dəyişikliklərdən, dövlətin dəstəyindən və turbiznesdə özəl sektorun fəallığından xoş təəssüratlar əldə ediblər”.
“Mars Travel Rusiya” şirkətinin direktoru Azər Məmmədov qeyd etdi ki, “Müasir turistlər daha tələbkar olublar, onlar hara səfər edəcəklərini, kim tərəfindən qarşılanacaqlarını və bunun neçəyə başa gələcəyini dəqiq bilmək istəyirlər. Şəraitlə bilavasitə yerlərdə tanış olmayan turizm firmaları öz müştərilərinə zəmanətli xidmət göstərə bilmir. Bu mənada info-turun təşkili turoperatorlara böyük köməkdir”.
Mətbuat konfransında info-turun yekunları haqqında geniş məlumat verildi. Sonra kütləvi informasiya vasitələri nümayəndələrinin sualları cavablandırıldı.
Xatırladaq ki, “AtaHolding” Şirkətlər Qrupuna daxil olan “AtaTravel” MMC 2011-ci ildə təsis edilib. “AtaTravel” turizm agentliyi dünyanın istənilən yerinə səyahət xidmətləri təklif edir. Şirkət öz müştərilərini mehmanxana, uçuşlar, köçürmələr, əvvəlcədən sifariş, sığorta, viza ilə əlaqədar xidmətlərlə təmin edir. Həmçinin, kreditə və əlverişli şərtlərlə tur-paketlər əldə etmək mümkündür.
“AtaTravel” MMC-nin xidmətləri barədə daha geniş və ətraflı məlumatı http://www.facebook.com/AtaTravelLtd?fref=ts səhifəsindən almaq mümkündür.

İLKIN




 
Bölməyə aid digər xəbərlər
22.05.2019
Prezident Administrasiyasının işçiləri bölgələrdə vətəndaşların müraciətlərini dinləyiblər
22.05.2019
Azərbaycan təbii qazını Bolqarıstana çatdıracaq Yunanıstan-Bolqarıstan İnterkonnektorunun inşasına başlanılıb
22.05.2019
Prezident Mərkəzi Parkın açılışında iştirak edib
22.05.2019
Ərdoğan: “Azərbaycanın qazandığı böyük uğurlar Türkiyə üçün də qürur mənbəyidir”
22.05.2019
Avroliqanın final oyunu ilə əlaqədar banklar gücləndirilmiş iş rejimində fəaliyyət göstərəcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info