“Azərbaycan təkcə geosiyasi cəhətdən deyil, təbii ehtiyatlarla zəngin olması ilə Yaponiya üçün əhəmiyyətli ölkədir”
Tarix: 07.09.2017 | Saat: 15:26:00 | E-mail | Çapa göndər


Bu gün Yaponiya ilə Azərbaycan arasında diplomatik münasibətlərin qurulmasının 25 ili tamam olur. Yaponiya-Azərbaycan münasibətləri ötən 25 il ərzində davamlı şəkildə inkişaf edib və dərinləşib. Avropa ilə Asiyanı birləşdirən Azərbaycan təkcə geosiyasi cəhətdən deyil, həmçinin neft-qaz kimi təbii ehtiyatlarla zəngin olması ilə Yaponiya üçün əhəmiyyətli ölkədir.
Bu sözləri Yaponiyanın Azərbaycandakı səfiri Teruyuki Katori ölkələrimiz arasında münasibətlərin 25 illiyi ilə əlaqədar bildirib.
Səfir deyib ki, yapon şirkətləri “İtoçu” və “İNPEX” Azərbaycanın ən böyük neft yataqları bloku olan Azəri-Çıraq-Günəşli yatağında ümumilikdə 15 faizlik iştirak payına malikdir. “İtoçu” şirkəti Yaponiyanın aparıcı ticarət şirkəti olmaqla Azərbaycanda qeyri-neft sektoruna da maraq göstərir. “İNPEX” şirkəti isə SOCAR-ın gənc mühəndisləri üçün Yaponiyada təlimlər təşkil etməklə Azərbaycanın texniki qüvvəsinin artırılması üçün əməkdaşlıq edir. Bundan başqa, “JGC” şirkəti də SOCAR-ın gənc işçiləri üçün Yaponiyada təlimlər təşkil edir.
Teruyuki Katori qeyd edib ki, yüksək səviyyəli rəsmilərin qarşılıqlı səfərləri, Yaponiya-Azərbaycan İqtisadi Komitəsinin iclasları zamanı iki ölkə arasındakı münasibətlərə dair müzakirələr aparılır. Güzəştli kreditlər, qrant yardımları, texniki əməkdaşlıq vasitəsilə, həmçinin “Ot kökləri və insan təhlükəsizliyi” proqramı və digər proqramlar çərçivəsində həyata keçirilən əlaqələr genişlənir. Mədəniyyət sahəsində də əməkdaşlıq dərinləşir. Hər iki ölkədə mədəniyyətlərimizin təbliği istiqamətində tədbirlər təşkil edilir. Yaponiya-Azərbaycan münasibətlərini bundan sonra daha da inkişaf etdirmək üçün əlimizdən gələni əsirgəməyəcəyik.
İqtisadi sahədə əməkdaşlığa toxunan səfir Azərbaycan hökumətinin kənd təsərrüfatı, turizm və digər sahələrin inkişafına böyük diqqət ayırdığını vurğulayıb, ölkələrimiz arasında bu sahələrdə əməkdaşlığın genişləndirilməsinin önəmini qeyd edib. O, Yaponiya ilə Azərbaycan arasında Bakı-Komatsu yükdaşıma reysinin açıldığını xatırladıb, gələcəkdə sərnişin reysinin də açılması ehtimalının olduğunu, bunun münasibətlərin daha da dərinləşməsinə töhfə verə biləcəyini qeyd edib.
Xalqlarımız arasındakı münasibətlərin də möhkəmləndiyini bildirən səfir deyib: “Azərbaycanda yapon dilinin tədrisi ildən-ilə inkişaf edir. Təkcə universitetlərdə fakültə səviyyəsində deyil, tədris planına uyğun olaraq yapon dilinin öyrədildiyi orta məktəblər də var. Son zamanlar Azərbaycanda yapon dilini öyrənib yüksək nailiyyətlər əldə edən insanlar da çoxalıb. Yaponiyada da Azərbaycan haqqında xüsusi kitabların çap edilməsi və bu kimi digər sahələrdə qarşılıqlı əməkdaşlıq imkanları var.
Ölkələrimizin regionları arasında da əməkdaşlıq həyata keçirilir. İsmayıllı rayonu ilə İto şəhərinin əməkdaşlığını buna misal göstərmək olar. Yaponiyanın Azərbaycandakı səfirliyi bütün sahələrdə əməkdaşlığın daha da inkişafı üçün hər cür kömək göstərir və göstərəcək.
Tural




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info