MİDA nümayəndə heyəti Sinqapurun təcrübəsini öyrənib
Tarix: 11.09.2017 | Saat: 18:41:00 | E-mail | Çapa göndər


Azərbaycan Respublikasının Prezidenti yanında Mənzil İnşaatı Dövlət Agentliyinin (MİDA) direktoru Samir Nuriyevin rəhbərlik etdiyi nümayəndə heyəti Sinqapur Respublikasına işgüzar səfər edib.
MİDA-nın mətbuat xidmətindən verilən məlumata görə, səfərin məqsədi əhalinin güzəştli mənzillərlə təmin edilməsi sahəsində dünyanın ən uğurlu modellərindən birinə sahib olan Sinqapurun təcrübəsini yaxından öyrənmək, aidiyyəti qurumlarla ikitərəfli əməkdaşlığı inkişaf etdirmək və bu sahədə dövlət siyasətinin formalaşması və icrası mərhələləri ilə yaxından tanış olmaq idi.
Səfər çərçivəsində Azərbaycan nümayəndə heyəti Sinqapur Respublikasının Milli İnkişaf, Ticarət və Sənaye üzrə baş dövlət naziri Koh Poh Kun və ölkədə güzəştli mənzillərin tikintisi sahəsində dövlət siyasətini həyata keçirən Mənzil İnşaatı və İnkişaf Şurasının (“HDB”) baş icraçı direktoru xanım Çeonq Kun Hen ilə görüşlər keçirib.
Qeyd edilib ki, 1960-cı ildə təsis olunmuş Mənzil İnşaatı və İnkişaf Şurası fəaliyyət göstərdiyi dövr ərzində Sinqapur Respublikasının əhalisinin 80 faizini güzəştli mənzillərlə təmin edib.
Bununla yanaşı, səfər zamanı Sinqapurun Şəhər Yenidənqurma İdarəsinin, ölkənin beynəlxalq biznes əlaqələri üzrə məsul təşkilatı olan “International Enterprise Singapore” adlı Dövlət Agentliyinin, şəhərsalma, infrastruktur və mühəndislik layihələndirilməsi sahəsində ixtisaslaşan “Surbana Jurong” adlı qlobal məsləhətçi şirkətinin, yaşayış yerlərində ictimai nəqliyyat infrastrukturun təşkili sahəsində ixtisaslaşan “SMRT International” dövlət şirkətinin, habelə tikintinin təşkili və idarəolunması sahəsində fəaliyyət göstərən bir neçə digər dövlət və özəl şirkətlərin rəhbərləri və ekspertləri ilə görüşlər keçirilib.
Görüşlərdə Sinqapurun son 50 ildən artıq müddət ərzində əhalinin güzəştli mənzillərlə təmin edilməsi istiqamətində keçdiyi inkişaf yolu müzakirə edilib, müasir şəhərsalma və tikinti standartları, mənzil tikintisinin təşkili və maliyyələşdirilməsi, mənzil fondunun idarəolunması və vətəndaşlara müvafiq xidmətlərin göstərilməsi, dövlətin və özəl sektorun əməkdaşlığı modelləri barədə ətraflı fikir mübadiləsi aparılıb.
Mənzil İnşaatı Dövlət Agentliyinin rəsmiləri səfər çərçivəsində Sinqapur Mənzil İnşaatı və İnkişaf Şurasının təşkilatçılığı ilə “IHF 2017” Beynəlxalq Mənzil İnşaatı Forumunda da iştirak ediblər.
ABŞ, İsveçrə, Fransa, İtaliya, Çin, Koreya Respublikası, Avstraliya və bir çox digər ölkələrin aidiyyəti dövlət rəsmilərinin, elm xadimlərinin, sahibkarların, eləcə də Dünya Bankı və digər beynəlxalq təşkilatların nümayəndələrinin iştirak etdiyi bu tədbirin əsas mövzusu olan “Davamlı Planlaşdırma, İnklüziv İcmalar” Birləşmiş Millətlər Təşkilatının 2016-cı ildə keçirilmiş Mənzil İnşaatı və Davamlı Şəhər İnkişafı Konfransının (“HABITAT III”) müəyyən etdiyi Yeni Şəhərsalma Məqsədlərinə uyğun olaraq seçilib.
Məlumatda qeyd olunub ki, Mənzil İnşaatı Dövlət Agentliyi ölkə vətəndaşlarının yaşayış şəraitinin yaxşılaşdırılması istiqamətində fəaliyyətində müasir qlobal tendensiyaların və bu sahədə qabaqcıl dünya təcrübəsinin nəzərə alınmasına xüsusi əhəmiyyət verir. Agentliyin gələcək fəaliyyətinin səmərəli təşkili baxımından bu sahədə dünyada tətbiq olunan modellərin tətbiqi və işində nəzərə alınması davam etdiriləcək.
Tural




 
Bölməyə aid digər xəbərlər
22.09.2018
Səkkiz ayda istehsal edilmiş tikinti materiallarının dəyəri 31,7 faiz artıb
22.09.2018
Samux rayonunda 11 min tondan çox tərəvəz istehsal olunub
22.09.2018
“Azeri Light”ın qiyməti bahalaşıb
21.09.2018
İlk “KOB Dostu” sahibkarların xidmətində
21.09.2018
İqtisadiyyat naziri Gəncədə vətəndaşları qəbul edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info