Üzümün becərilməsi və istifadəsi qədim dövrlərdən başlanılıb
Tarix: 14.09.2017 | Saat: 15:17:00 | E-mail | Çapa göndər


Xalqımızın sevimli şairi Mirzə Ələkbər Sabir “Səbr elə, halva bişər, ey qora səndən...” deyəndə şübhəsiz ki, qoranın üzüm salxımına, üzümün dərilib sıxılandan sonra bəhməzə çevrilməsinə, bəhməzdən isə halva çalınmasınadək uzun bir prosesi nəzərdə tuturdu. Xalq şairi Səməd Vurğun üzüm haqqında dillərdə dolaşan "hər üzümdən bir şirə çək, səhər-səhər acqarına, qüvvət gəlsin qollarına" deyəndə isə üzümün həm də sağlamlıq üçün əhəmiyyətini vurğulamaq istəyirdi.
AZƏRTAC xəbər verir ki, üzümün becərilməsi və istifadəsi çox qədim dövrlərdən başlanılıb. Daş dövründən 7-9 min il əvvəl üzüm qida məhsulu kimi istifadə edilirdi. Eramızdan 6 min il əvvəl Nil çayının sahillərində üzümlüklər salınmışdı. Üzüm Yunanıstandan Romaya, Yuli Sezarın yürüşündən sonra isə Romadan Fransaya aparılıb. Rusiyada üzümçülük I Pyotrun dövründə inkişaf etməyə başlayıb.
Üzümün sortları ondan alınan məhsullara görə süfrə, texniki, tumsuz və universal növlərinə, dadına görə isə üzümün sortları adi, muskat, quşüzümü və izabel dadlı qruplara bölünür. Üzümdən müxtəlif məqsədlər üçün istifadə edilir. Ondan şərab, şirə, mürəbbə və marinadlar hazırlanır, toxumlarından isə texniki yağ əldə edilir.
Üzüm orqanizmə ümumi möhkəmləndirici, həmçinin, iltihab əleyhinə, yüngül bəlğəmtəmizləyici, sidik və ödqovucu təsir göstərir, qanyaranma proseslərini və maddələr mübadiləsini yaxşılaşdırır, orqanizmdən xolesterinin xaric olmasını təmin edir. Aterosklerozda, anemiya, xroniki bronxit, bronxial astma, xroniki qastrit, hepatit, xolesistit, öddaşı xəstəliyi, sistit, xroniki plefonefrit, keçirilmiş ağır xəsətəlikdən sonrakı bərpa prosesində, həmçinin hipo- və avitaminozlarda tətbiq edilir.
Mütəxəssislər hesab edirlər ki, üzümün müalicəvi təsirinin sirri onun tərkibində olan qlükoza və fruktozadadır. Adi istifadə edilən çuğundur şəkərindən fərqli olaraq üzümün tərkibindəki şəkər həzm prosesində ciddi dəyişikliyə məruz qalmayaraq birbaşa qana keçir və əzələ tonusuna müsbət təsir edir, qan damarlarını genişləndirir. Qanda eritrositlərin və həmçinin hemoqlobinin miqdarını artırır, sümük iliyi fəaliyyətini yaxşılaşdırır. 1 kiloqram üzüm şirəsinin kalorisi 1, 5 kiloqram alma və ya şaftalı, 650 qram mal və ya balıq ətindəki kaloriyə bərabərdir.
Üzümün yarpaqları maddələr mübadiləsini normallaşdırır, iştahanı artırır. Giləmeyvələri sidikqovucu və iltihab əleyhinə təsir edir, tənəffüs yollarının selikli qişasında seliyin ifrazını artıraraq bəlğəmin xaric olmasını asanlaşdırır. Qurudulmuş üzüm ümumi möhkəmləndirici, qanyaradıcı, ödqovucu və iltihab əleyhinə təsirlərə malikdir.
Kosmetologiyada dəyməmiş üzümün şirəsindən dərini tonuslandıran, yumşaqlıq, elastiklik və təravəti artıran vasitə kimi istifadə edilir. Bunun üçün üzüm şirəsində isladılmış tənzif və ya pambıq 20-25 dəqiqə üz və boyun nahiyəsinə qoyulur, sonra dəri ilıq su ilə yuyulur, dəsmalla qurudulandan sonra dəriyə qidalandırıcı krem yaxılır.
Mahmud




 
Bölməyə aid digər xəbərlər
12.11.2018
Azərbaycan dünyanın 25-ə yaxın ölkəsinə fındıq məhsulu ixrac edir
12.11.2018
AQTA-da meyvə-tərəvəz istehsalı və ixracatı ilə məşğul olan sahibkarlarla görüş keçirilib
12.11.2018
Azərbaycan Şəkər İstehsalat Birliyindən iqtisadiyyata daha bir töhfə
12.11.2018
Bakı rusiyalı turistlərin şopinqi üçün ən yaxşı şəhərdir
12.11.2018
Prezident Elektron Hökumətin İnkişafı Mərkəzinin inzibati binasının açılışında iştirak edib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info