Sağlamlıq imkanları məhdud gənclərin əl işlərindən ibarət sərgi təşkil olunub
Tarix: 14.09.2017 | Saat: 17:29:00 | E-mail | Çapa göndər


Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 1 saylı Sağlamlıq İmkanları Məhdud Gənclərin Peşə Reabilitasiya Mərkəzində 21 Sentyabr-Beynəlxalq Sülh Gününə həsr olunmuş “Dünyamızı qoruyaq” mövzusunda tədbir keçirilib.
 
Nazirliyin İctimaiyyətlə əlaqələr şöbəsindən verilən məlumata görə, tədbirdə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun direktoru Zakir Babayev, millət vəkili Dilarə Cəbrayılova, Sabunçu Rayon İcra Hakimiyyəti başçısının müavini Rəna Fərəcova, Azərbaycan Respublikasının İnsan Hüquqları üzrə Müvəkkilinin (Ombudsman) Aparatının şöbə müdiri Faiq Ağayev ayrı-ayrı qeyri-hökumət qurumlarının nümayəndələri iştirak ediblər.
 
Tədbir iştirakçıları ilk növbədə mərkəzdə peşə reabilitasiyasına cəlb olunmuş sağlamlıq imkanları məhdud gənclərin 200-dən çox əl işindən ibarət sərgi ilə tanış olublar. Sərgidə tətbiqi sənətin müxtəlif növlərində (xalçaçılıq, toxuma, rəssamlıq, ağac üzərində oyma və s.) təqdim olunan əl işləri, o cümlədən sülh mövzusuna dair hazırlanmış əsərlər iştirakçılar tərəfindən böyük maraqla qarşılanıb.
 
Tədbiri giriş sözü ilə açan Z.Babayev BMT tərəfindən 1981-ci ildə təsis olunan və hər il qeyd olunan Beynəlxalq Sülh Gününün əsas məqsədinin bütün dünyada sülhə və əmin-amanlığa yönələn səylərin daha da artırılması, sülh mədəniyyətinin geniş təbliği olduğunu bildirib. Qeyd olunub ki, hər il Beynəlxalq Sülh günü ilə əlaqədar Ombudsmanın təşəbbüsü ilə ölkəmizdə  keçirilən “Sülh aylığı” çərçivəsində nazirlik tərəfindən də aidiyyəti üzrə tədbirlər təşkil olunur. Hazırda Sağlamlıq İmkanları Məhdud Gənclərin Peşə Reabilitasiya Mərkəzində keçirilən bu tədbir də sülh mədəniyyətinin təbliğinə yönəlməklə yanaşı, eyni zamanda sağlamlıq imkanları məhdud gənclərimizin yaradıcılıq potensialının cəmiyyətə tanıdılmasına xidmət edir. Burada təqdim olunan yaradıcılıq nümunələrində gənclərin sülh, əmin-amanlıq arzuları, xalqımızın sülhsevərliyi əksini tapıb. 
 
2013-cü ilin dekabrında açılışı olan 1 saylı Sağlamlıq İmkanları Məhdud Gənclərin Peşə Reabilitasiya Mərkəzinə indiyədək 1 200 nəfərdən çox sağlamlıq imkanları məhdud gənc burada peşə reabilitasiyasına cəlb olunub. Hazırda isə 115 nəfər mərkəzdə peşə təlimindədir. Mərkəzə qəbul olunanlardan bir çoxunun ayrı-ayrı sənət növlərində malik olduqları bacarıqlar xüsusi təlim məşğələləri şəraitində daha da təkmilləşdirilir. Mərkəzi bitirən sağlamlıq imkanları məhdud gənclərdən bir qismi Azərbaycan Dövlət Rəssamlıq Akademiyasına, Mədəniyyət və İncəsənət Universitetinə və digər kolleclərə daxil olaraq təhsillərini uğurla davam etdirirlər. Ötən dövrdə ölkəmizdə yüksək səviyyədə keçirilən “Bakı-2015” I Avropa Oyunlarında və IV İslam Həmrəyliyi Oyunlarında, “Formula-1” üzrə Avropa Qran-pri yarışlarında bu Mərkəzdən olan gənclərin də könüllü kimi iştirakına şərait yaradılıb.
 
Tədbirdə digər çıxış edənlər Beynəlxalq Sülh gününün təsis olunması tarixindən və əhəmiyyətindən bəhs ediblər. Hazırda keçirilən tədbirin sağlamlıq imkanları məhdud gənclərin yaradıcılıq nümunələrinin tanıdılmasında, həmin gənclərin onların cəmiyyətin mədəni həyatında iştirakının dəstəklənməsində önəmi də diqqətə çatdırılıb.
Tural




 
Bölməyə aid digər xəbərlər
28.02.2020
“ASAN Həyat” Bahar Festivalı keçiriləcək
28.02.2020
Paytaxtın uşaq bağçalarına qəbulda yenilik
28.02.2020
Şamaxıda tikinti-quraşdırma işlərinin həcmi 47,1 faiz artıb
27.02.2020
Növbəti “DOST xonçası” kampaniyasına start verildi
26.02.2020
“Azərsun Holdinq” Xocalı soyqırımı qurbanlarını silsilə tədbirlərlə anıb

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11458

1 Ağstafada Xocalı soyqırımının 28-ci ildönümü qeyd olunub
2 Masallıda Xocalı soyqırımının 28-ci ildönümü anıldı
3 Çin xəstəxanalarından 36117 pasiyent yeni növ koronavirusdan sağalaraq evə buraxılıb
4 Hakan Şükür: “Peşmanam” – Video
5 Avar Xəngəli – beləsini hələ görməmişdiniz-VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info