LDU-da müəllimlərə xidməti mənzillər verilib
Tarix: 14.09.2017 | Saat: 17:32:00 | E-mail | Çapa göndər
Аzərbаycаn Respublikası Prezidentinin 2015-ci il 19 yanvar tarixli Sərəncamı ilə təsdiq edilmiş “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı fəaliyyət planina əsasən ali təhsil müəssisələrində kampusların yaradılması nəzərdə tutulub.
AZƏRTAC xəbər verir ki, Lənkəran Dövlət Universitetində (LDU) bu istiqamətdə artıq ilk addımlar atılır. Bu il ilk dəfə olaraq LDU-da professor-müəllim heyətinin mobilliyini təmin etmək məqsədilə hər birinin sahəsi 50,5 kvadratmetr olmaqla, 6 ikiotaqlı mənzil inşa edilib.
Xidməti mənzillər qonaq və yataq otaqları, eləcə də mətbəx, sanitar qovşaqdan ibarətdir. Binada, eyni zamanda, texniki otaqlar və anbar da var. Mənzillər zəruri məişət avadanlığı - televizor, soyuducu, yataq dəsti, stol-stul və yumşaq mebellə təmin olunub.
Sentyabrın 14-də LDU-nun 2 nömrəli tədris korpusunun ərazisində inşa olunmuş yeni mənzillərin açılış mərasimi keçirilib.
Mərasimdə çıxış edən LDU-nun rektoru vəzifəsini icra edən professor Natiq İbrahimov ali təhsil ocağının professor-müəllim heyətini əlamətdar hadisə münasibətilə təbrik edib.
Son illər ölkəmizdə təhsilin inkişafı istiqamətlərində görülən işlərdən, həyata keçirilən layihələrdən danışan N.İbrahimov, Prezident İlham Əliyevin bu sahəyə göstərdiyi diqqət və qayğının təhsilimizin inkişafına səbəb olduğunu diqqətə çatdırıb.
Lənkəran Şəhər İcra Hakimiyyəti başçısının birinci müavini Möhübbət Babayev, Təhsil Nazirliyinin elm, ali və orta ixtisas təhsili şöbəsinin sektor müdiri Sülhəddin Gözəlov və başqaları çıxışlarında universitetin professor-müəllim və tələbə heyətini yeni tədris ilinin başlanması münasibətilə təbrik edərək, cari dərs ilində onlara uğurlar arzulayıblar.
Yeni mənzil alan gənc alim Vüsal Rzayev Bilik günü ərəfəsində bu gözəl hədiyyəyə görə dövlətimizin başçısına minnətdarlığını bildirib.
Mərasimdə xidməti mənzillərin açarları sahiblərinə təqdim edilib.
Tədbir iştirakçıları yeni mənzillərdə yaradılan şəraitlə tanış olublar.

Mahmud




 
Bölməyə aid digər xəbərlər
24.05.2018
Bu ilin sonunadək evlə təmin olunmuş məcburi köçkünlərin sayı 285 minə çatacaq
24.05.2018
Prezident əfv sərəncamı imzalayıb
24.05.2018
Məntiq Olimpiadasının qalibləri mükafatlandırıldı
24.05.2018
Tramp Azərbaycan Prezidentini təbrik edib
24.05.2018
“Kaspersky Lab”: “Routerin sındırılması cinayətkarlara pul oğurlamağa imkan yaradır”

Şərh əlavə olunmayıb



    ,    
Hüseyn Babayev
Fuad HÜSEYNZADƏ
Tural Tağıyev
Elşad QOCA
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9305

1 “İsveçdə keçiriləcək parlament seçkilərində bir neçə azərbaycanlının namizədliyi irəli sürülüb”
2 Yaponiyada Azərbaycan məhsullarına böyük maraq var
3 “Ermənistan işğalçı tərəf olaraq Laçın rayonunda qeyri-qanuni əməllərini davam etdirir”
4 “Əlillik təyinatlarının həyata keçirilməsində mövcud vəziyyət qənaətbəxş deyil”
5 “Bəzən valideynlər övladlarının saatlarla cizgi filminə baxması ilə fərəhlənirlər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info