İstanbulda Nuri paşa parkının açılışı olub
Tarix: 15.09.2017 | Saat: 19:58:00 | E-mail | Çapa göndər


15 sentyabr 1918-ci ildə Bakının erməni-daşnak ünsürlərindən təmizlənməsində həlledici rolu olmuş Qafqaz İslam Ordusunun komandanı Nuri paşa (Nuri Killigil) İstanbulun Edirnekapı şəhidliyindəki məzarı başında anılıb.
 
APA-nın Türkiyə bürosunun məlumatına görə, Nuri paşa və onun sahibi olduğu silah zavodunun 1949-cu ildə partladılması nəticəsində şəhid olan 27 işçinin ruhlarına fatihə oxunub.

Sonra İstanbulun Beyoğlu rayonunun Sütlüce səmtində Nuri Killigil parkının açılış mərasimi keçirilib.
 
Tədbirdə çıxış edən İstanbul bələdiyyəsinin muzey və kitabxanalar idarəsinin rəisi Ramazan Minder Nuri paşanın xatirəsinin əbədiləşdirilməsi üçün bundan sonra da lazım olan işləri görəcəklərini vurğulayıb. O, Azərbaycan Cümhuriyyətinin qurucusu Məhəmməd Əmin Rəsulzadənin 15 sentyabr 1919-cu ildə “Azərbaycan” qəzetində çıxan “Haqq yerini tapdığı gün” adlı məqaləsindən bəzi yerləri oxuyub.
 
Azərbaycan Milli Ordusunun generalı olmuş Hüseynqulu Xan Xoyskinin nəvəsi Kərim Mehmetzade babasının Nuri paşa ilə bağlı bir xatirəsini danışıb: “Babam Hüseynqulu Xan danışmışdı  ki, Nuri paşa Bakını azad edən kimi Gəncəyə - qardaşı Fətəli xana teleqram göndərərək, hökuməti Bakıya köçürməyi istəyib. Fətəli xan bu işi böyük qardaşı olan babam Hüseynqulu xana həvalə edib. Hökumət iclas keçirib, Bakını paytaxt elan edib, məclis hökumətin qərarını təsdiqləyib, o, qısa müddətdə babam Gəncədən xeyli əsgər yığıb, Bakıya yola düşüb. Nuri paşa hər il mayın 28-də və sentyabrın 15-də böyük qardaşı Ənvər paşanın Ortaköydəki villasında böyük ziyafətlər təşkil edib, Azərbaycan dövlətinin qurulması və Bakının xilasında şəhid olanları anardı”.
 
Mərasimdə çıxış edən Avrasiya Bir Vəqfinin başqanı Şaban Gülbahar isə deyib ki, 100 il əvvəl türklərə qarşı oynanan oyunlar yenidən oynanılır: “O vaxt olduğu kimi bu gün də bizə Nuri paşalar lazımdır”.
 
Nuri paşanın həyat və fəaliyyətindən bəhs edən “Nuri Killigil” kitabının müəllifi Atilla Oral Azərbaycanda Nuri paşanın çox sevildiyinə diqqəti cəlb edərək, “Bakıda da Nuri paşanın adına parkın olmasını, heykəlinin qoyulmasını arzu edirəm”, - deyib.
 
Nuri paşanın böyük qardaşı Ənvər paşanın nəvəsi Arzu Enver Eroğan da açılış mərasimindəki çıxışında Nuri paşanın səyləri nəticəsində Ənvər paşanın arxivinin qorunduğunu, ailəyə Türkiyədə yaşamağa icazə verildiyini deyib.
 
Qeyd edək ki, park salınan ərazidə 2 mart 1949-cu ilədək Nuri Killigilin silah zavodu olub.


Mahmud




 
Bölməyə aid digər xəbərlər
25.04.2019
Kim Çen In Putinə qılınc hədiyyə etdi
25.04.2019
Suriyada partlayış baş verib, ölənlər və yaralananlar var
24.04.2019
Cәnubi Afrikada daşqınlar 37 nәfәrin hәyatına son qoyub
24.04.2019
“İnterpol”un eks-rəhbəri barədə həbs qərarı verildi
24.04.2019
Türkiyə XİN: Trampın 1915-ci il hadisələri ilə bağlı açıqlamasını rədd edirik

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Gülnar Səmanın kitabının təqdimatı keçiriləcək
3 “Azərbaycan dilinin Orfoqrafiya Normaları” təsdiq edilib
4 Artıq bəzi sözlər yeni qaydalar əsasında yazılmalıdır
5 “Israel Hayom” qəzeti: “Azərbaycan müqəddəs Odlar Yurdudur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info