Musiqi baş ağrısına, nevroza və yuxusuzluğa qarşı xeyirlidir
Tarix: 18.09.2017 | Saat: 15:24:00 | E-mail | Çapa göndər


Do, re, mi, fa, sol, lya, si...
AZƏRTAC xəbər verir ki, duyğuları sehirləyən bu yeddi notun hər birinin öz səsi və ahəngi var. Dinləyəni haldan-hala salan, düşündürən, həyat və yaşamaq şövqünü gücləndirən musiqinin böyük və qeyri-adi şəfaverici gücü barədə maraqlı faktlar var...

... Böyük Vətən müharibəsi zamanı Bryansk cəbhəsində ukraynalı cavan bir əsgər döyüş meydanında yaralanır. Onun ayağını kəsməyə hazırlaşırlar. Lakin əməliyyat üçün əsgərə verməyə narkoz tapılmır. Həmin vaxt döyüşçülərlə görüşə gedən xalq artisti Bülbülü çağırırlar ki, ukraun dilində bildiyi mahnıları oxusun.
Bülbül əməliyyat otağına keçib “Natalka Poltavka” operasından Pyotrun “Solntse nizenka” mahnısını oxuyur. Mahnı qurtaranda cərrahiyyə stolundakı əsgər xahiş edir ki, mahnını bir də təzədən oxusun. Əməliyyat üç saat çəkir. Bülbül həmin üç saatda mahnını təkrar-təkrar oxuyur. Əməliyyat narkozsuz başa çatır...
Musiqidə sakitləşdirmək və şənləndirmək qabiliyyəti xüsusiyyəti var. Lakin çox az adam bilir ki, səslərin bu imkanlarından baş ağrısına, nevroza və yuxusuzluğa qarşı həb kimi istifadə etmək olar. Bütün hallarda kömək edən universal “həb” məşhur bəstəkar Motsartın qeyri-adi və füsunkar musiqisidir. Alimlər həmin fenomeni “Motsart effekti” adlandırırlar.
Aktyor Jerar Depardye cavan vaxtı Parisə gələndə pis danışır, kəkələyirdi. Xüsusi məşğələlərlə yanaşı, həkim ona hər gün iki saat Motsart musiqisini dinləməyi məsləhət görmüşdü. Aktyor həkimin məsləhətinə əməl edərək bir neçə aydan sonra kəkələmədən xilas ola bildi.
Madrid şəhərində sakit bir park var. Parkda qoyulmuş reproduktorlar vasitəsilə daim klassik musiqi yayımlanır. Dincəlmək, sakitləşmək, yorğunluğunu çıxarmaq üçün hər gün insanlar parka gəlir, burada son dərəcə astadan yayımlanan musiqiyə qulaq asaraq gəzişirlər.
Tibb elmləri doktoru, professor Rafiq Təhməzov Çin nəzəriyyəsi əsasında muğam diaqnostikası işləyib hazırlamışdır. Həmin nəzəriyyəyə uyğun olaraq ayrı-ayrı səslərə, muğam hissələrinə qulaq asmaqla insanın hansı orqanının xəstə olduğunu müəyyən etmək mümkündür.
Nüvədidə Natiq Fərəcov orta məktəbdə oxuyanda isti süd bidonu aşaraq onun üstünə tökülmüş və bədəninin xeyli hissəsini yandırmışdı. O, Mehri xəstəxanasında yatarkən vurulan iynələrə, aparılan müalicə kursuna dözmək üçün həkimlərdən xahiş etmişdi ki, Məmmədbağır Bağırzadənin ifasında audiokasetə yazılmış muğam parçalarına qulaq asmağa icazə versinlər. Dəhşətli yanıqlar onu incidəndə, ağrılar şiddətlənəndə maqnitofonu işə salır, müalicələri muğam sədaları altında aparırdılar...
Musiqi nəinki insanları müalicə edir, hətta bitkilərin inkişafına da kömək göstərir. Amerika alimlərinin apardıqları tədqiqat belə nəticəyə gəlməyə əsas verir ki, mütəmadi çalınan klassik musiqi bitkinin böyüməsini və inkişafını sürətləndirir. Hətta musiqi sədaları altında sağılan inəklər adi vaxtda olduğundan daha çox süd verirlər.
Nə qədər təəccüblü və inanılmaz olsa da...
Mahmud




 
Bölməyə aid digər xəbərlər
18.10.2019
Nizami Gəncəvinin “Yeddi gözəl” əsəri özbək dilində Daşkənddə çapdan çıxıb
18.10.2019
Tələbələr “YARAT”ın təşəbbüsü ilə təşkil olunan sərgini ziyarət ediblər
18.10.2019
İmadəddin Nəsiminin yaradıcılığına həsr olunmuş rəsm müsabiqəsinə qeydiyyat başa çatıb
18.10.2019
Parisdə Azərbaycan qadınına səsvermə hüququ verilməsinin 100 illiyi münasibətilə tədbir keçirilib
17.10.2019
Nəsiminin 650 illik yubileyi Türkiyənin Kocaeli şəhərində qeyd olunub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10921

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info