İspaniya güclü miqrasiya təzyiqi altındadır
Tarix: 18.09.2017 | Saat: 23:29:00 | E-mail | Çapa göndər


“İspaniya Avropada ən güclü miqrasiya təzyiqi ilə yaşamaqda davam edir”. Bu barədə Avropa İttifaqının xarici sərhəd təhlükəsizliyi agentliyinin yaydığı məlumatda bildirilir.
“2017-ci ilin ilk səkkiz ayı ərzində, əsasən, dörd böyük miqrasiya yolunu keçərək Avropaya can atanların ümumi sayı ötən ilin müvafiq dövrü ilə nisbətdə azalaraq, təqribən 142 min 700 nəfər təşkil edib” deyə məlumatda deyilir.
Agentliyin başqa bir məlumatına görə, bu ilin avqust ayında dörd əsas miqrasiya marşrutu üzrə 12 min 200 qanunsuz sərhəd keçidi qeydə alınıb. Avropa İttifaqı üçün önəm kəsb edən məsələlərdən biri də budur ki, İtaliyaya gedən məcburi köçkünlərin sayı əvvəlki ayla müqayisədə təxminən 60 faiz azalıb. Bu, 2017-ci ilin yanvar ayından bəri ən aşağı göstərici kimi dəyərləndirilir. Beləliklə, son iki ay ərzində bu marşrut üzrə azalma müşahidə edildiyindən, son səkkiz ay ərzində Avropaya gələnlərin ümumi sayı 99 min 800 nəfər olub. Bu da ötən ilin müvafiq dövrü ilə müqayisədə 13 faiz azdır. O da qeyd edilməlidir ki, Avropaya ən yaxın marşrut kimi dəyərləndirilən Mərkəzi Aralıq dənizi yolu ilə qanunsuz sərhəd keçidləri etməyə çalışanların əksəriyyətini Nigeriya və Qvineya vətəndaşları təşkil edib. Avropa İttifaqı qeyd edir ki, bu dövr ərzində İspaniya dövləti ən ağır miqrasiya təzyiqi altında yaşayır. Bu ölkəyə həm quru, həm də su yolu ilə 2400 qeyri-qanuni keçidə cəhd göstərilib. Bu isə ötən illə müqayisədə iki dəfə çoxdur. Qeyd edilməlidir ki, avqust ayında əvvəlki iki aya nisbətən miqrant axınının sayında bir az azalma olmasına baxmayaraq, Qərbi Aralıq dənizi marşrutu üzrə miqrasiya təzyiqi yüksək olaraq qalır. Belə ki, bu ilin ilk səkkiz ayı ərzində həmin marşrutla İspaniyaya gələn miqrantların ümumi sayı 13 min 600 nəfər təşkil edib ki, bu da ötən ilin eyni dövrü ilə müqayisədə üç dəfə çoxdur. 2017-ci ildə bu marşrut üzrə Avropaya can atanların əksəriyyəti Mərakeş, Kot Devuar və Qambiya vətəndaşları olub. Avqust ayında Yunanıstana gələn miqrantların sayı isə 4200 nəfər təşkil edib. Bu ilin səkkiz ayı ərzində Yunanıstana 21 min 100 miqrant daxil olub ki, bu da 2016-cı ilin eyni dövrünün göstəricisinin onda birinə bərabərdir. Bunlar daha çox Şərqi Aralıq dənizi vasitəsilə gələn Suriya, İraq və Əfqanıstan vətəndaşları olub. Avropa İttifaqının xarici sərhəd təhlükəsizliyi agentliyinin məlumatına görə, bu ilin avqust ayında qeyri-qanuni sərhəd keçidlərinə ən az cəhd Qərbi Balkanlarda müşahidə edilib. Bunun başlıca səbəbi isə Türkiyəyə sığınan mühacirlərin bu ölkəni tərk etməməsi ilə bağlıdır.
Ağasəf Babayev




 
Bölməyə aid digər xəbərlər
20.09.2018
Paşinyanın növbəti iftirası: siyasi imicini itirmiş şoumen
19.09.2018
Pakistan məhkəməsi Nəvaz Şərifin həbsdən buraxılmasına qərar verib
19.09.2018
USAİD Gürcüstanda iqtisadi islahatlar üçün 1,5 milyard dollar ayırıb
19.09.2018
Şimali və Cənubi Koreya arasında hərbi sahədə əməkdaşlıq müqaviləsi imzalanıb
18.09.2018
Çin ABŞ-dan idxal olunan 5200-dən çox məhsulun rüsumunu artırır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info