“Sülh və təhlükəsiz əmək insan həyatının təminatıdır” mövzusunda seminar keçirilib
Tarix: 19.09.2017 | Saat: 17:09:00 | E-mail | Çapa göndər


Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən Azərbaycan Memarlıq və İnşaat Universitetində 21 Sentyabr-Beynəlxalq Sülh gününə həsr olunmuş “Sülh və təhlükəsiz əmək insan həyatının təminatıdır” mövzusunda seminar keçirilib.
Dövlət Əmək Müfəttişliyi Xidmətinin və Xidmətin 5 saylı region (Bakının Yasamal və Qaradağ rayonları) üzrə Dövlət Əmək Müfəttişliyinin məsul şəxslərinin, universitetin müəllim və tələbələrinin iştirakı ilə keçən tədbirdə BMT tərəfindən 21 sentyabr-Beynəlxalq Sülh gününün təsis olunması tarixindən və onun dünyada sülh mədəniyyətinin təbliğində önəmindən bəhs olunub. Prezident İlham Əliyevin uğurlu daxili və xarici siyasəti nəticəsində sabit inkişaf tempinə malik olan ölkəmizdə tolerantlıq mühitinin, sülh və əmin-amanlığın hökm sürdüyü vurğulanıb, xalqımızın həmişə sülhsevər bir xalq olduğu bildirilib.
Qeyd olunub ki, hər il Beynəlxalq Sülh günü ilə əlaqədar Ombudsmanın təşəbbüsü ilə ölkəmizdə keçirilən “Sülh aylığı” çərçivəsində Əmək və Əhalinin Sosial Müdafiəsi Nazirliyi tərəfindən də müxtəlif tədbirlər təşkil olunur. Hazırkı seminar da hər bir işçinin həyat və sağlamlığının mühafizəsi baxımından vacib olan əməyin təhlükəsizliyi ilə bağlı tələbələr arasında ətraflı məlumatlandırmanın həyata keçirilməsi ilə “Sülh aylığı”na töhfə vermək məqsədinə yönəlib. Bu universitetdə təhsil alan tələbələrin gələcəkdə inşaat sektorunda əmək fəaliyyətinə başlayacağını nəzərə aldıqda onlar üçün bu mövzuda məlumatlandırmanın aparılması, xüsusən də tikinti sahəsində əməyin mühafizəsinin təşkili ilə bağlı onlara məlumatların verilməsi böyük önəm kəsb edir.
Seminarda ölkəmizdə əməyin mühafizəsi, işçilər üçün sağlam və təhlükəsiz əmək şəraitinin yaradılması ilə bağlı fəal dövlət siyasətinin həyata keçirildiyi, Azərbaycan Respublikasının Konstitusiyasında hər kəsin sağlam və təhlükəsiz şəraitdə işləmək hüququnun təsbit edildiyi vurğulanıb. Əmək Məcəlləsində əksini tapan əməyin mühafizəsi norma, qayda və prinsipləri, istehsal qəzası riski yüksək olan müəssisələrdə, habelə tikinti sahəsində belə qəzaların qarşısının alınması üçün qabaqlayıcı tədbirlər barədə iştirakçılara ətraflı məlumatlar verilib. Əmək və Əhalinin Sosial Müdafiəsi Nazirliyinin elektron sistemlərindən biri olan Əmək Müqaviləsi Bildirişi üzrə Elektron İnformasiya Sistemindən də bəhs olunub, onun üstünlükləri diqqətə çatdırılıb. Azərbaycan Memarlıq və İnşaat Universitetində fəaliyyət göstərən “Fövqəladə hallar və həyat fəaliyyətinin təhlükəsizliyi” kafedrasının əməkdaşının da əməyin mühafizəsinin təşkilinə dair çıxışı dinlənilib.
Tədbir iştirakçıların iş yerlərində sağlam və təhlükəsiz əmək şəraitinin yaradılması ilə bağlı suallarının cavablandırılması ilə davam edib.
Tural




 
Bölməyə aid digər xəbərlər
28.02.2020
“ASAN Həyat” Bahar Festivalı keçiriləcək
28.02.2020
Paytaxtın uşaq bağçalarına qəbulda yenilik
28.02.2020
Şamaxıda tikinti-quraşdırma işlərinin həcmi 47,1 faiz artıb
27.02.2020
Növbəti “DOST xonçası” kampaniyasına start verildi
26.02.2020
“Azərsun Holdinq” Xocalı soyqırımı qurbanlarını silsilə tədbirlərlə anıb

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11458

1 Ağstafada Xocalı soyqırımının 28-ci ildönümü qeyd olunub
2 Masallıda Xocalı soyqırımının 28-ci ildönümü anıldı
3 Çin xəstəxanalarından 36117 pasiyent yeni növ koronavirusdan sağalaraq evə buraxılıb
4 Hakan Şükür: “Peşmanam” – Video
5 Avar Xəngəli – beləsini hələ görməmişdiniz-VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info