BANM Yunanıstan universiteti ilə əməkdaşlığı genişləndirir
Tarix: 19.09.2017 | Saat: 20:58:00 | E-mail | Çapa göndər


Bakı Ali Neft Məktəbində (BANM) Yunanıstanın Pirey Tətbiqi Elmlər
Universitetinin (PUAS) mühəndislik fakültəsinin professoru Panayotis Yannakopolus və həmin fakültənin dosenti, “Erasmus +” proqramının əlaqələndiricisi Konstantinos-Stefanos Nikas ilə görüş keçirilib.
BANM-dən bildiriblər ki, Bakıya səfər PUAS ilə “Erasmus +” proqramı üzrə yaradılmış əməkdaşlıq çərçivəsində reallaşdırılıb.
Görüşdə BANM-in rektoru Elmar Qasımov qarşılıqlı maraq doğuran məsələlərdən danışıb, bu kimi tərəfdaşlığın hər iki ali təhsil müəssisəsi arasında əməkdaşlığa töhfə verdiyini vurğulayıb.
Yunanıstanlı qonaqlar PUAS-da bir sıra mühəndislik proqramlarının tədris edildiyini və BANM ilə əməkdaşlıqda maraqlı olduqlarını bildiriblər.
Yunanıstanlı qonaqlar səfər çərçivəsində birgə əməkdaşlığın gələcək inkişaf istiqamətləri, tələbə-müəllim mübadiləsi ilə bağlı məsələləri müzakirə edib, tədris və elmi materialların mübadiləsi, magistratura səviyyəsində təhsil istiqamətində birgə tədbirlərin həyata keçirilməsi üçün danışıqlar aparıblar. Onlar, həmçinin BANM-in yeni kampusu və Bakının tarixi abidələri ilə tanış olacaqlar.
Ötən ilin yaz semestri ərzində “Erasmus +” proqramı çərçivəsində BANM-in proseslərin avtomatlaşdırılması mühəndisliyi ixtisası üzrə beşinci kurs tələbələri Rəhim Rəhimli və Məmməd Cəbrayılov PUAS-da təhsil alıblar. Cari ilin payız semestrində isə BANM-in proseslərin avtomatlaşdırılması mühəndisliyi ixtisası üzrə dördüncü kurs tələbəsi Rəmziyyə Qarazadə təhsilini PUAS-da davam etdirəcək.
Xatırladaq ki, “Erasmus +” proqramı Avropa İttifaqının bir sıra istiqamətlərlə yanaşı, ali təhsil istiqamətini də nəzərdə tutan genişmiqyaslı proqramdır. Proqram çərçivəsində 2016-cı ildə BANM ilə PUAS arasında mübadilələri nəzərdə tutan əməkdaşlıq haqqında müqavilə imzalanıb.

Nigar




 
Bölməyə aid digər xəbərlər
24.09.2018
“ADEX-2018” müdafiə sərgisində 29 ölkədən 224 şirkət iştirak edəcək
24.09.2018
Diaspor təşkilatları əməkdaşlığı gücləndirirlər
24.09.2018
Dövlət Sərhəd Xidməti Akademiyasında kursantların andiçmə mərasimi keçirilib
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info