Səttar Mehbalıyev: “Azərbaycan dəniz nəqliyyatının inkişafına xüsusi önəm verir”
Tarix: 19.09.2017 | Saat: 21:22:00 | E-mail | Çapa göndər


Azərbaycan Həmkarlar İttifaqları Konfederasiyası (AHİK) 2000-ci il oktyabrın 17-dən Beynəlxalq Həmkarlar İttifaqları Konfederasiyasının üzvüdür və bu beynəlxalq təşkilatın keçirdiyi bütün tədbirlərdə fəal iştirak edir. AHİK-in nümayəndəsi bu mötəbər beynəlxalq həmkarlar ittifaqı təşkilatının icraiyyə komitəsində təmsil olunur.
AZƏRTAC xəbər verir ki, bu sözləri sentyabrın 19-da Dəniz Nəqliyyatı İşçiləri Müstəqil Həmkarlar İttifaqı Respublika Komitəsinin təşkilatçılığı ilə keçirilən tədbirdə Azərbaycan Həmkarlar İttifaqları Konfederasiyasının sədri Səttar Mehbalıyev deyib.
Rəhbərlik etdiyi qurumla bağlı məlumat verən S.Mehbalıyev bildirib ki, təqribən 1 milyon 500.000 nəfəri özündə birləşdirən Azərbaycan Həmkarlar İttifaqları ölkənin qanunverici orqanlarının işində, işçilərin hüquqlarının müdafiəsində və əmək qanunvericiliyinin qəbul olunmasında fəal iştirak edir.
Onun sözlərinə görə, Azərbaycanda maaşların sistemli şəkildə artması və həmkarların üzvlərindən üzvlük haqlarının vaxtında yığılması nəticəsində bir çox sahə həmkarlar ittifaqının iqtisadi durumu xeyli yaxşılaşdırılıb.
Bu amil həm də həmkarlar ittifaqlarında təşkilati işlərin səviyyəsinin yüksəldilməsinə imkan verib. Belə ki, son illər Rabitə İşçiləri Müstəqil Həmkarlar İttifaqı, Dəniz Nəqliyyatı İşçiləri Müstəqil Həmkarlar İttifaqı və Dəmir Yolları İşçiləri Müstəqil Həmkarlar İttifaqı öz əməkdaşları üçün respublikanın ən yaxşı kurortlarında istirahət və müalicə zonaları yaradıblar. Təkcə cari ilin yay aylarında burada 7000 həmkarlar üzvü və onların ailə üzvləri istirahət ediblər.
Nəzərə çatdırılıb ki, Azərbaycan dövləti dəniz nəqliyyatının inkişafına xüsusi önəm verir. Prezident İlham Əliyevin 2016-2020-ci illəri əhatə edən Sərəncamına əsasən, Dövlət Xəzər Dəniz Gəmiçiliyində nəqliyyat və neft sənayesi sahəsində yenilənmə tədbirlərinin həyata keçirilməsi, gəmi təmiri zavodlarının modernləşdirilməsi və digər mühüm istiqamətlərin inkişafı nəzərdə tutulur.
Bu baxımdan Azərbaycan Həmkarlar İttifaqları Konfederasiyasının sahə həmkarlar ittifaqlarının qarşısında ciddi vəzifələr durur.
Beynəlxalq Həmkarlar İttifaqları Konfederasiyasının sədri Qeorqi Stolyarenko qeyd edib ki, ilk dəfə Kiyev şəhərində təsis olunan Beynəlxalq Həmkarlar İttifaqları Konfederasiyasının bu il 25 yaşı tamam olur. Onun təsisçiləri arasında Azərbaycan Həmkarlar İttifaqları Konfederasiyası da olub. “O zaman sayımız 1600 nəfər idi. Hazırda gənclərimizin hesabına konfederasiyanın sıraları genişlənməkdədir”.
G.Stolyarenko sentyabrın 20-də Bakıda keçiriləcək Dəniz Nəqliyyatı İşçiləri Müstəqil Həmkarlar İttifaqı Respublika Komitəsinin (DNİMHİRK) VI Qurultayının işinə uğurlar diləyib.
Sonda Beynəlxalq Həmkarlar İttifaqları Konfederasiyasının sədri Qeorqi Stolyarenko Dəniz Nəqliyyatı İşçiləri Müstəqil Həmkarlar İttifaqı Respublika Komitəsinin bir sıra işçilərini hədiyyə və tərifnamə ilə təltif edib.


Mahmud




 
Bölməyə aid digər xəbərlər
18.11.2018
Bakı Şəhər Baş Polis İdarəsinin məlumatı
18.11.2018
Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info