“İstək” liseyinin Şəki kampusu fəaliyyətə başlayıb
Tarix: 21.09.2017 | Saat: 18:19:00 | E-mail | Çapa göndər


Sentyabrın 21-də “İstək” liseyinin Şəki kampusunun açılış mərasimi olub. Tədbirdə Şəki Şəhər İcra Hakimiyyəti və “İstək” liseyinin rəhbərləri, təhsil işçiləri, şəhər ictimaiyyətinin nümayəndələri, liseyin müəllim və şagirdləri, valideynlər iştirak ediblər.
AZƏRTAC xəbər verir ki, Azərbaycanın Dövlət Himninin səsləndirilməsi ilə başlanan tədbirdə “İstək” liseyinin direktoru Samir Şəmiyev bu təhsil ocağının fəaliyyəti barədə ətraflı məlumat verib. Direktor liseyin Şəki kampusunun açılması ilə əlaqədar yaradılan şəraitə görə dövlətimizin başçısına minnətdarlığını bildirib.
Şəhər icra hakimiyyətinin başçısı Elxan Usubov Şəki “İstək” liseyinin bölgənin təhsil həyatı üçün mühüm əhəmiyyətini xüsusi vurğulayaraq, kollektivə gələcək fəaliyyətində uğurlar arzulayıb.
Tədbir iştirakçıları sonra liseydə yaradılan şəraitlə tanış olublar. Şəki “İstək” liseyi müasir maddi-texniki baza, geniş, işıqlı sinif otaqları, kimya, biologiya, fizika, kompüter laboratoriyaları, idman meydançaları, kitabxana, beynəlxalq tələblərə cavab verən avadanlıq və dərs ləvazimatları ilə təchiz olunub. Liseydə tədris peşəkar pedaqoji təcrübəyə malik müəllimlər tərəfindən aparılır. Burada qız və oğlan şagirdlər birlikdə təhsil alırlar. Hazırda V-IX siniflərin təhsil aldığı liseydə Şəki şəhəri və ətraf rayonlardan olan şagirdlər üçün yataqxana da mövcuddur.
Xatırladaq ki, “İstək” liseyi I-XI sinif şagirdlərinə Azərbaycan və beynəlxalq bölmələr üzrə təhsil xidməti göstərən ümumtəhsil müəssisəsidir. 2014-cü ildə təsis olunan lisey Azərbaycan Respublikası Təhsil Nazirliyinin müvafiq lisenziyası əsasında Bakı, Sumqayıt, Quba, Şirvan, Lənkəran, Ağdaş, Mingəçevir, Gəncə və Şəki şəhərlərində fəaliyyət göstərir. Ötən tədris ilinin yekunlarına görə, liseyin məzunlarının 100 faizi ali təhsil müəssisələrinə qəbul olunub. Onların 31 faizi ABŞ, Avstriya, Cənubi Koreya, Çexiya, Çin, Gürcüstan, Hindistan, Hollandiya, İngiltərə, Kanada, Litva, Macarıstan, Polşa, Sinqapur və Türkiyə kimi inkişaf etmiş ölkələrdə yerləşən universitetlərdə təhsil almaq imkanı qazanıblar. Ötən tədris ilində liseyin şagirdləri fənn və layihə olimpiadalarında da yüksək nəticə göstəriblər. Onlar respublika fənn və layihə olimpiadalarında 15 qızıl, 15 gümüş və 15 bürünc medal əldə ediblər. Bundan əlavə, liseyin şagirdləri ABŞ, Rusiya, Braziliya, İndoneziya, Tailand, Bolqarıstan, Makedoniya, Rumıniya və Qazaxıstanda keçirilən beynəlxalq fənn və layihə olimpiadalarında 8 qızıl, 7 gümüş və 33 bürünc medal qazanmağa müvəffəq olublar.


Mahmud




 
Bölməyə aid digər xəbərlər
24.09.2018
Yaponiyanın dəstəyi ilə Balakənin iki kəndində su təchizatı layihəsi həyata keçirilib
24.09.2018
Avropalı qonaqlar Naxçıvan Dövlət Universitetində
24.09.2018
Yaz-yay mövsümündə Balakənə 22 mindən çox turist gəlib
24.09.2018
Cəlilabadda 16 artezian quyusu qazılıb
24.09.2018
Havanın temperaturu enəcək, leysan yağacaq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info