“AMEA-nın tərkibindəki Təcrübə-Sənaye Zavodu 50-yə yaxın məhsul istehsal edir”
Tarix: 21.09.2017 | Saat: 19:16:00 | E-mail | Çapa göndər


Azərbaycan Milli Elmlər Akademiyasının (AMEA) muzeylərində və Dendralogiya Parkında (Dendralogiya İnstitutunun tərkibində) xidmətlərin qiymətlərininin tənzimlənməsi istiqamətində Rəyasət Heyətinin qəbul etdiyi qərarlar ilk növbədə bu sahədə olan qeyri-müəyyənliyi, pərakəndəliyi aradan qaldırır, vahid qiymət sistemini tətbiq etməyə imkan verir.
Bunu Milli Məclisin Elm və təhsil komitəsinin sədri, AMEA-nın vitse-prezidenti, akademik İsa Həbibbəyli deyib. Onun sözlərinə görə, bu, eyni zamanda, uçot-hesabat işinin aparılması baxımından da əhəmiyyətlidir:
“Bu, həmin müəssisələrin göstərdiyi xidmətlərdən gələn gəlirlərin vahid qaydada hesablanması üçün əhəmiyyətlidir. Bu gəlirlər çox deyil, amma onlar həmin müəssisələrin əməkdaşlarının sosial müdafiəsinə, muzeylərin inkişafına sərf edilir”.
AMEA-nın yeni əldə etdiyi digər gəlirlər haqqında da danışan vitse-prezident qeyd edib ki, bu il ilk dəfə olaraq, AMEA-nın nəzdində yay düşərgələri təşkil edilib:
“Mərdəkanda yeni təmir olunan binada yay düşərgəsinin təşkilinə başlanılıb. Bu il ilk dəfə olaraq, AMEA-nın əməkdaşları məktəbyaşlı uşaqlarını yay düşərgəsinə göndərə biliblər. Orada iştirak üçün müəyyənləşdirilmiş ödəniş haqqı həm yay düşərgəsinin təşkilinə yardım etdi, həm də yay düşərgəsi keçirilən bazaya müəyyən maliyyə vəsaitinin ayrılmasına imkan yaratdı”.
İ.Həbibbəylinin sözlərinə görə, artıq AMEA-da müvəqqəti birliklər, təsərrüfatyönümlü kurslar, dərnəklər açılır ki, bunlar Akademiyada sahibkarlıq fəaliyyətinin inkişaf etdiyini göstərir.
O qeyd edib ki, AMEA-da sahibkarlıq fəaliyyətinin təşkili istiqaməti son bir necə il ərzində yüksək sürətlə inkişaf edir. “Elm haqqında” qanunun ayrı-ayrı müddəaları bu imkanın daha da genişlənməsinə şərait yaradır.
İ.Həbibbəyli bildirib ki, AMEA-nın tərkibində olan Təcrübə-Sənaye Zavodu artıq 50-yə yaxın məhsul istehsal edir: “Bu məhsulların əksəriyyəti AMEA-nın ayrı-ayrı elmi-tədqiqat müəssisələrində çalışan alimlərin elmi nəticələri, səmərəli təklifləri əsasında meydana gəlib. Təcrübə-Sənaye Zavodunun məhsulları ölkə bazarında özünə məxsus yer tutub, onlara alıcı marağı çoxdur. Bu məhsulların xarici bazarlara da çıxarılması üçün bir necə müqavilə imzalanıb”.
İ.Həbibbəyli deyib ki, artıq AMEA-nın Yüksək Texnologiyalar Parkı və Təcrübə-Sənaye Zavodu ölkənin müdafiə sənayesi üçün bir çox ciddi sifarişləri yerinə yetirir.
Xatırladaq ki, Azərbaycan Prezidentinin 11 dekabr 2014-cü il tarixli Fərmanı ilə təsdiq edilmiş AMEA-nın nizamnaməsi və "Elm haqqında" qanunun müvafiq maddəsinə əsasən, AMEA-nın elmi müəssisə və təşkilatları öz maddi-texniki bazalarını möhkəmləndirmək, əməkdaşlarının sosial-məişət şəraitini yaxşılaşdırmaq məqsədi ilə sahibkarlıq fəaliyyəti ilə məşğul ola bilərlər.

Nigar




 
Bölməyə aid digər xəbərlər
23.09.2018
Ölkənin metallurgiya sənayesində 13 faizdən çox artım müşahidə olunub
22.09.2018
Səkkiz ayda istehsal edilmiş tikinti materiallarının dəyəri 31,7 faiz artıb
22.09.2018
Samux rayonunda 11 min tondan çox tərəvəz istehsal olunub
22.09.2018
“Azeri Light”ın qiyməti bahalaşıb
21.09.2018
İlk “KOB Dostu” sahibkarların xidmətində

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info