Baş cərrah: “Dünyada elə bir cərrahi müdaxilə növü yoxdur ki, o Azərbaycanda icra olunmasın”
Tarix: 22.09.2017 | Saat: 15:42:00 | E-mail | Çapa göndər


Bakı Ürək Mərkəzində Azərbaycan cərrahiyyəsində əldə olunan nailiyyətlərə həsr olunmuş tədbir keçirilib. Tədbirdə Səhiyyə Nazirliyinin baş cərrahı Hacıqulu Bağırov və akademik M.A.Topçubaşov adına Elmi-Cərrahiyə Mərkəzinin baş həkimi Yusif Əliyev və digər mütəxəssislər iştirak ediblər.
Səhiyyə Nazirliyinin baş cərrahı Hacıqulu Bağırov son illər Azərbaycan səhiyyəsində əldə olunan nailiyyətlərdən danışıb. Bildirilib ki, son on ildə ölkə səhiyyəsi, o cümlədən də cərrahiyyə sürətlə inkişaf edib. Hazırda Azərbaycanın ən uzaq regionlarında belə fəaliyyət göstərən tibb müəssisələri müasir avadanlıqlarla təhciz olunub. 600-dən çox tibb ocağı tikilib və ya yenidən qurulub. Ölkəmizin tibbi potensialı on milyonluq əhaliyə xidmət etmək üçün tam hazırdır. Hazırda ölkədə 3445 cərrahın fəaliyyət göstərir. Dünyada elə bir cərrahi müdaxilə növü yoxdur ki, o Azərbaycanda icra olunmasın. Ötən il ölkəmizdə 250616 əməliyyat aparılıb, onlardan yalnız 419 ölümlə nəticələnib. Bu da ümumilikdə əməliyyatların 0,1 faizi təşkil edir. Bu MDB ölkələri arasında ən aşağı göstəricidir.
Respublika Talassemiya mərkəzində 7 ay ərzində yerli mütəxəssislər tərəfindən 8 xəstəyə ilik köçürülüb, 7 nəfərə də ilik köçürülməsi planlaşdırılır.
Akademik M.A.Topçubaşov adına Elmi-Cərrahiyə Mərkəzinin baş həkimi Yusif Əliyev bildirib ki, dünyada laparoskopik cərrahiyyənin ən çətin əməliyyatlarından hesab olunan yemək borusu plastikası əməliyyatı 2013-cü ildən etibarən Azərbaycanda da icra olunur. Müasir cərrahiyyədə əməliyyatların mümkün qədər az travmatik olmaları üçün laparoskopiyanın imkanları getdikcə artır, bunun nəticəsidir ki, əvvəllər ölümcül fəsadları olan bir çox əməliyyatlar hazırda laparoskopik üsulla uğurla icra olunur və ən qısa zamanda xəstələr normal həyat tərzinə qayıdırlar. Müasir döş qəfəsi cərrahiyyəsində demək olar ki, hər əməliyyatın torakoskopik yolla icrası mümkündür. Bu əməliyyatlara həm divar aralığı, həm də ağciyərin öz əməliyyatları daxildir. Torakoskopik əməliyyat sonrası xəstənin reabilitasiya dövrünün daha qısa olması, əməliyyat sonrası ağrının çox az olması, estetik baxımdan iz qalmaması səciyyəvidir.
Tədbir zamanı döş qəfəsi videotorakoskopik əməliyyatlar, endoskopik qida borusu cərrahiyyəsi və digər mövzuları ətrafında təqdimatlar keçirilib.

Nigar




 
Bölməyə aid digər xəbərlər
19.07.2018
“Azərbaycançılıq ideologiyası məktəblərdən təbliğ olunmalıdır”
19.07.2018
Suraxanıda müsabiqə qalibləri mükafatlandırılıblar
19.07.2018
Tarix İnstitutunda soyqırımları ilə bağlı beynəlxalq mərkəz işə başlayıb
19.07.2018
PRM-nin məzunu Türkiyədə peşə reabilitasiyası dərnəyində öz peşəsini öyrədir
19.07.2018
DQİDK-də 6 ayın yekunlarına həsr olunan kollegiya iclası keçirilib

Şərh əlavə olunmayıb



    ,    
Namiq Əliyev
Vüsalə Ağabəyli
Şahin Sərdarlı
İsa Həbibbəyli
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 9666

1 “Babamızın şeirlərinə sahib çıxanlar var”
2 “Azərbaycanda sabitliyi pozmağa cəhd edənlərin cəzası ağır olacaq”
3 Elektrik enerjisi və qaz təchizatı sahəsində nəzarət qaydası təsdiqləndi
4 “Cavan”-dan hər kəs üçün qeyr-adi festival
5 “Mətbuat göstərilən qayğıya adekvat olaraq milli maraqların keşiyində dayanmalıdır”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info